Luke 19:9 - Iñupiatun Mumiksat Uqalugiksuat

⁹ Tavra Jesus uqallautiŋagaa, Taamna pisigivlugu, uvlupak una iñuk igluqatiniḷu annaurrausaqtut, ilaaptauq kiŋunġuvluni Abraham-mun.

Luke 19:9 Iomraidhean Croise

Luke 13:16

Aasiiḷivsauq una aġnaq, Abraham kiŋuniŋa, Satan-gum nagliksaaqtinŋaraŋa 18 ukiuni, atanġiqsitaksrauŋitpa nagliksaaqtitauniŋaniñ savaitchuani?

Luke 13:30

Tavraasii, iḷaŋich aqulliurut paŋmapak isiqqaaġniaqtuat qiḷaŋmun, suli iḷaŋich sivulliurut aqulliuniaqtuat.

Luke 16:24

Tavra ilaa ququulaŋaruq, Aapauruatiin Abraham, nagligiŋŋa. Tilliuŋ Lazarus misullagiaqulugu argani imiġmun aasii niglaqtaaġlugu qaniġa, qanuq uvva iłuiḷḷiuqpaktuŋa uumani igniġmi.

Luke 16:30

Suġalliruam kiuŋagaa, Aapauruatiin Abraham, naalaġniyumiñaitchut, aglaan iñuk ullautikpan inmiŋnun tuquŋaruaniñ aŋiluni, isumalitqigñiaqtut.

Luke 2:30

Qanuq uvamnik tautuanikkiga Annaurri,

Luke 3:8

Iñuusitchi nalunaiġḷugu isumalitqiksilaaqsi piḷuutivsiññiñ. Suli isumasaġnasi pillugniaġasugalugu God-im tatavsautaa pisigilugu Abraham-mun kiŋuniġiniḷusi. Qanuq uqallautigivsi, God miqłiqtuliḷḷaruq Abraham-mun makkunaŋŋa uyaġagniñ.

Romans 4:16

Tavra iḷitchirugut iñuich ukpiġutiqaqtuksraupiaqtut aitchuusiaġiniaġumirruŋ God-im unniqsuqłiisaa. Aasii iñuich ukpiliqamiŋ, Abraham-mun kiŋuniḷiutisuurut, aasiiḷi God nagliktuutiqpaŋmigun nalupqinaiġuugaa unniqsuqłiisini iliŋiññun, tamatkunuŋa pitquramiñik piqaqtuanun, tamatkunuŋalu ukpiġutiqaqtuanun Abraham-tun. Tavraasii Abraham aapagigikput iluqata,

Galatians 3:14

Aasii taamna Christ Jesus pimmagu Jew-guŋitchuat annaurrauyumiñaqsirut ukpiġutikun Abraham-tun, aasiisuli ukpiġutikun aitchuusiaqallasivḷuta Ilitqusiġiksuamik unniqsuqłiisauŋaruamik.

Galatians 3:29

Tavraasii pigimmasi Christ, Abraham kiŋuniġigaasi, suli ilaan kiŋuvaannaktigigaasi, kiŋuvaannaktaaġilugu unniqsuqłiisiaŋa.

Galatians 3:7

Taavrumuuna kaŋiqsiyumiñaqtusi, iñuich ukpiqtuat Abraham ukpiġusiatun, nanmiñiq miqłiqtuġimmatun itkai, kiŋuniġipiaŋitkaluaŋŋaisa.

1 Peter 2:10

Qaŋauvlugu God-im iñugiŋitkaluaŋakkaŋasi, aglaan paŋmapak God-im iñugiliutiŋagaasi. Qaŋauvlugu naluŋagaluaqtuasii God-im nagliktuutaanik, aglaan paŋmapak nagliktuusianikłusi.