Luke 19:12 - Iñupiatun Mumiksat Uqalugiksuat

¹² Tavra ilaa uqallaŋaruq, Iñuk umialiŋniñ kaŋiqaqtuaq aullaŋaruq uŋasiksuamun nunamun umialguqtitausukłuni, aasii utiġmiḷuni.

Luke 19:12 Iomraidhean Croise

Matthew 21:38

Tavra napaaqsiqirit tautukamirruŋ iġñiq, uqaurrutiŋarut inmiŋnun, Tamarra kiŋuvaannaktuksraun. Qaisitchi, tuqullakput piññaktaaġiluguasii kiŋuvaannaktaaksrautaa.

Matthew 28:18

Tavra Jesus qalliḷaaqługich uqallautiŋagai, Ataniġnaqusiqsauŋaruŋa aŋalataġiyumiñaqsivḷugich qiḷaŋmiittuat nunamiittuallu.

Mark 12:1

Tavra Jesus uqautirraqsiŋagai iñuich uuktuutitigun. Iñuqaŋaruq nautchirriiruamik siiġñat grapes nagguviksraŋannik, kaŋiqqivḷugu avataagun, suli nivakłuni ivsaiyaiviksramik, nasiqsruġviḷivḷuniḷu, aasii atukkirrutigivlugu napaaqsiqirinun, aullaŋaruq allamun nunamun.

Mark 16:19

Tavra Atanġum Jesus uqaqatigianikamigich iḷitchitqurani, mayuurrauŋaruq qiḷaŋmun aasii aquviłłuni taliqpiata tuŋaanun God-im.

Luke 20:9

Tavra Jesus uqautirraqsiŋagai iñuich uumiŋa uuktuunmik, Iñuk nautchirriiruaq siiġñaqaġviŋmik, aasii atukkirrutigivlugu napaaqsiqirinun, aasii aullaqłuni allamun nunamun sivisuuraqtuami.

Luke 24:51

Aŋaiyyutiniallaisa, ilaa mayuurrauŋaruq ilaiññiñ qiḷaŋmun.

John 18:37

Tavra Pilate uqallautiŋagaa, Uvva umialgurutin? Jesus kiuŋagaa, Ilivich uqallaktutin umialgunivḷuŋa. Taamna pisigivlugu aniŋaruŋa. Suli qaiŋaruŋa nunamun quliaqtuaġisukługu iḷumun ittuaq. Iñupayaam ivaqłiaruam iḷumun ittuamik naalaġnigaaŋa.

Acts 17:31

Qanuq ilaa nalunaiqsiŋaruq uvlumik, taivrumani ilaan isivġiġñiaqługich nunam iñupayauraŋi nalaunŋaruakun, piriqaġluni iñuŋnik ilaan piksraqtaamiñik. Ilaan nalupqinaiyaŋagaa iñupayaanun piksraqtaani aŋipkaqługu tuqqunmiñ.

1 Corinthians 15:25

Christ umialguniaqtuq-suli akiiḷiḷġataġlugich iluqaisa uumigirini.

Hebrews 9:28

Tainnatulli Christ, tuqutauganiŋavluni atausiaqłuni piiġiaqługich piḷuutiŋich iñugiaktuat, niptatqigñiaġmiuq, piḷuun piiġiasuŋaġnagu aglaan annautiyaqtuġlugich niġiupiaqtuat inmiñik.

1 Peter 3:22

Aasii paŋmapak Christ qiḷaŋmiittuq aquppivḷuni kamanaqsipkaqtauruam inaani taliqpiata tuŋaani, God-im atanniqsimavlugich iluqaisa isaġulgiḷḷu, qiḷaŋmiittuallu ataniġnaqutit, suaŋŋatillu.

Revelation 1:7

Iḷisimasitchi uvva, ilaa qaiñiaqtuq nuvuyatigun, aasii iñupayaat tautugniaġaat iluqaġmiglu kapiriŋisa. Suli iluqaġmiŋ iñuŋi nunam uiġualaniaqtut isumaaliqpaiḷḷutiŋ ilaa pisigilugu. Tainna piḷi. Amen.