Luke 18:9 - Iñupiatun Mumiksat Uqalugiksuat

⁹ Jesus quliaqtuavsaaŋammiuq uumiŋa uuktuunmik iñuŋnun nalupqisuŋitchuanun nalaunŋanivḷutiŋ aasii suuŋiḷaqsruqługich allat iñuich.

Luke 18:9 Iomraidhean Croise

Proverbs 30:12

Iñuqaqtuq isumaqaqtuanik iñugipiaġatagnivḷutik uvvaukua iñupałłuupiaġataġmiut.

Leviticus 13:32

Aŋaiyyuliqsiqpaum qanuqitilaatqigñiaġaatin tallimat malġuanni uvlut, aasii siaminŋaiññiqpan suli quqsuqtuanik nusaiḷḷuni tavrani suli itisiŋaruatun inŋiḷḷuni avataaniittuamiñ uviñiŋaniñ,

Luke 10:29

Tavra iḷisaurri pitquranik, kipiġniuqłuni patchisaitchukłuni inmiñi, apiġiŋagaa Jesus, Kiuva siḷalliġa?

Luke 15:2

Tavra Pharisees iḷisaurriḷḷu pitquranik uqamayuŋarut uqaqłutiŋ, Uuma iñuum paġlasuugai piḷuusiqirit niġiqatigivlugiḷḷu.

Luke 16:15

Tavra ilaan uqallautiŋagai, Ilivsi patchisaiññisuurusi takkuanni iñuich, aglaan God-im iḷisimapiaġai iñuutchisi, qanuq suna kamanaqsiḷiqtauruaq akunġanni iñuich naġġugipiaġataġaa God-im.

Luke 18:11

Pharisee makitavluni aŋaiyyuŋaruq inna, God, quyanaaġikpiñ iñuusiqaŋiññama allatun iñuktitun, piḷḷaturuatun, pitqiksiġaqtitun, allatuqtitun, naaggaunnii uumatun tax-iñik katitchiritun.

Luke 19:7

Tavra iñuich tautukamirruŋ taamna iluqaġmiŋ uqamayurraqsiŋarut, Taamna iñuk tuyuġmiaguyyaqtuq piḷuusiqirimun.

Luke 7:39

Tavra Pharisee-m aiyugaaqłiqsuam Jesus-mik taamna tautukkamiuŋ, isumallaŋaruq, Iñuk una iḷumutun uqaqtaugumi God-mun, iḷisimayumiñaŋagaluaqtuq qanusiutilaaŋanik una aġnaq aksiugniktuaq ilaanik, qanuq piḷuusiqirauruq.

John 8:48

Jew-guruat kiuŋagaat, Nalauttugut uqallakapta Samaria-ġmiugunivḷutin aasii ilitqusiqł̣uqaqtutin.

John 9:28

Tavra ilaisa kiuŋagaat suammautivlugu, Ilivitkiuvva iḷitchitquraġiniġaatin, aglaan uvagut iḷitchitquraġigaatigut Moses.

John 9:34

Ilaisa kiuŋagaat, Aniŋapiallaktutin piḷuutikun. Aasiuvva iḷisautiniaqsaavisigut? Tavra ilaisa aninŋagaat aŋaiyyuviŋmiñ.

Acts 22:21

Tavra Atanġum uqallautiŋagaaŋa, Aullaġiñ, qanuq tiliñiaġikpiñ uŋasiksuamun Jew-guŋitchuanun.

Romans 10:3

Qanuq naluvlutiŋ God-mun iñuich nalaunŋasipkaġuutilaaŋat ukpiġutaatigun, inmiŋnik nalaunŋasiñiataŋarut sivuġaani God-im. Tavraasii nalaunŋasipkaqtinŋaitchut God-mun.

Romans 14:10

Uqalliaruksrauŋitchusi aniqatisi killukuaġniḷugich, aasiiḷivsauq ilivsi uqalliaruksrauŋiñmiusi nalaułhaaġniḷusi aniqatiivsiññiñ. Iluqata makittuksrauniaqtugut God-im isivġiivianun iñuŋnik.

Romans 14:3

Iñuich niġiḷḷaruat qanusiḷimaanik niqinik isummatiginatiŋ nalaułhamaaġasugalutiŋ nauriałhiñanik niqiqaqtuaniñ. Aasiivsauq iñuich nauriałhiñanik niqiqaġumiŋ, uqallausiġinagich qanusipayaanik niġiḷḷaruat killuliqiniḷugich, qanuq God-im akuqtuŋammigai.

Romans 7:9

Qaŋauvlugu iñuunnamni naluŋagaluaqtuŋa God-im pitquraŋiñik. Taimani piḷuutaiñmatun inŋagaluaqtuq uvamnun. Aasii iḷitchuġikapkich pitqurat iḷitchuġimmiuŋa piḷuksiŋatilaamnik. Tavra tatavsaaksraġuŋaruŋa isuitchuamun.