Luke 18:7 - Iñupiatun Mumiksat Uqalugiksuat

⁷ Tainnatuttauq God isivġiiñiaqtuq pisilugich ilaan iñuksraqtaani nipauqtuat inmiñun ikayuqtaiḷiqivlutiŋ uvlukkaluami unnuamiḷu. Ikayukallaŋisauraaġniaqpagich?

Luke 18:7 Iomraidhean Croise

Psalms 88:1

Ataniiq God, annaurrimaaŋ, qirruktuŋa iliŋnun uvluqtutilaaŋatun unnuaqtutilaaŋatunlu sivuġaġni.

Psalms 9:8

Atanniqsuiruq nunamik iluaqtuakun; isivġiiruq nunauruanik nalaunŋaruakun.

Exodus 22:23

Aŋalamaqłukkuvsigik, Uvaŋa, Atanġum kiuniaġitka qirratiŋich uvamnun ikayuqulutiŋ,

Matthew 24:22

Aasii Atanġum iñukłiḷaaŋisuaqpagich taipkua uvlut, kiñaliqaa iñuuyumiñaitchuq. Aglaan pisigilugich God-im piksraqtaani ilaan iñukłiḷaaġniaġai uvlut.

Matthew 24:24

Qanuq Christ-guŋŋuaqtuat uqaqtauŋŋuaqtuallu God-mun iñukpalliġñiaqtut savaglutiŋ aliuġnaqtuanik kamanaqtuanik nalupqinaiġñiaqługu kiutilaaqtiŋ, asiñuutiniaqsaalugich God-im piksraqtaaŋi, sagluqiyumiñaġumisigik.

Matthew 7:11

Tavraasii ilivsi, nakuuŋitkaluaŋŋavsi, aitchuisuurusi nakuuruanik miqłiqtuvsiññun, qanutułhaaq aasii Aapari qiḷaŋmiittuaq aitchuiyumiñaqtigiruq nakuuruanik tamatkunuŋa qiññuaqtuqtuanun inmiñun.

Luke 11:13

Tavraasii ilivsi, nakuuŋitkaluaŋŋavsi, aitchuisuurusi nakuuruamik miqłiqtuvsiññun, qanutułhaaq aasii Aapari qiḷaŋmiittuaq aitchuiyumiñaqtigiruq Ilitqusiġiksuamik tamatkunuŋa apiqsriruanun inmiñun.

Luke 2:37

Taimaŋŋaaglaan iñuuŋaruq uiḷgaŋavluni, aasii sisamakipiaq sisamanik ukiuniŋaruq. Aŋaiyyuvikpaŋmiñ piiḷaiḷaaguŋaruq unnuakkaluami uvlukkaluamiḷu niġiḷaiḷaaguraġaluni nanġaqługu aŋaiyyuvigivlugu Ataniq.

Luke 21:28

Tavra tamatkua piraġaaqsikpata, qiviaġitchi qunmun suli aaġluġlusi, qanuq annaurrauniksraqsi qalliruq.

Romans 8:33

Aasiisuli iñuitchuq uqallakkumiñaqtuamik God-im iñuksraqtaaġikkaŋatigut pasiraksrauniḷuta, qanuq ilaan nalaunŋasiŋagaatigut.

Colossians 3:12

Tavra God-im iñuksraqtaaġiŋammasi, piḷuutaiqł̣usi piviuttaġivlusiḷu, kiikaa iḷunŋusuutiqaġitchi allanun, ikayuiruagulusi, kamasaaŋaiġḷusi, paaqłaktautaiḷḷusi qimmaksaliyaiḷḷusiḷu,

1 Thessalonians 3:10

Unnuakkaluami uvlukkaluamiḷu aŋaiyyuupiaġuuruŋa tautuvsaaġukłusi, aasii iḷisautilusi sunik iḷitchuġiŋaisavsiññik ukpiġutiqaġnikullu Christ-mi.

2 Thessalonians 1:6

Tavra God isivġiiḷḷavluni nalaunŋaruakun, ilaan paaqłiġñiaġai iłuiḷḷiuġunmik tamatkua iłuiḷḷiuqtitchiruat ilivsiññik,

1 Timothy 5:5

Aġnaq uiḷgaŋaruaq qaunaksriksraił̣ł̣uni niġiuktuaguruq ikayuusiaksramiñik God-miñ, aasii aŋaiyyuuqłuni apiġivlugu unnuakkaluami uvlumiḷu ilaanun ikayuquvluni.

2 Timothy 1:3

Quyyavigigiga God savautikkaġa naġġukkutaitchuakun isumami, isumaqausiatitun maŋŋuuma. Quyyavigigiga ataramik aŋaiyyutimni unnuakkaluami uvlumiḷu,

2 Timothy 2:10

Taamna pisigivlugu igḷutuġitka supayaat pisigivlugich God-im iñuksraqtaaŋi, iliŋitchauq annaurrautquvlugich Christ Jesus-kun, iñuutquvlugiḷḷu qiḷaŋmi isuitchuamun.

Titus 1:1

Ukua tuyuutit qairut uvamniñ Paul-miñ, God-im kivgaŋaniñ, suli Jesus Christ tiliraunikun iḷitchitquraŋaniñ. God-im piksraqtaaġiŋagaaŋa aasii tilivḷuŋa ikayuquvlugich ilaan iñuksraqtaani, ukpiliquvlugich iḷisautilugich iḷumun ittuanik uqaluŋmiñik iñuupkaiḷḷaruanik god-iliqinikun

1 Peter 1:1

Peter, tiliraŋa Jesus Christ, tuyuqtuq God-im iñuksraqtaaŋiñun iñuuruanun pigruŋavlutiŋ nunaaqqiñun Pontus-mun Galatia-mullu Cappadocia-mullu Asia-mullu Bithynia-mullu.

2 Peter 3:9

Ataniq uimaiñŋitchuq taŋŋiisaqami unniqsuqłiiñmiñik, uimaiññivḷugu iñuich iḷaŋisa isummatigisuugaluaġaat. Aglaan ilaan qiñuirrutigaluaġaasi, qanuq ilaan kiñaliqaa suksraunġiqsautquŋitkaluaġaa, aglaan iluqaisa iñuich isumalitqiqugaluaġai piḷuunmiŋniñ.

Revelation 18:20

Quviasukpautigiuŋ qiḷaak suksraunġiqsauniŋa. Quviasukpagitchi God-im iñuŋi tilirauruasiḷu uqaqtauruasiḷu God-mun, qanuq God-im tatavsaŋagaa iniqpak savaaŋigun.

Revelation 6:10

Iliŋich nipanŋarut nipatuvlutiŋ, Ataniiq, sapiġñaqtuatiin, piḷuutaitchuatiin iḷumun ittuaġlu, qanutun sivisutigiruamik isivġiġñiaŋitpigich iñuŋi nunam aasii tatavsaġlugich pisigilugu tuqunŋammatigut?

Revelation 7:15

Taamna pisigivlugu iliŋich sivuġaani makitarut aquppiutaŋata God-im, suli savautivlugu uvlumi unnuamiḷu iḷuani aŋaiyyuvikpaŋan, aasiiḷi taavruma aquppiruam umialgum aquppiutaŋiñi piyaqquqtaiḷiñiaġai nayuġlugich.