Luke 18:5 - Iñupiatun Mumiksat Uqalugiksuat

⁵ pisigigiññaġlugu uuma uiḷgaŋaruam iḷaksianniŋniŋa uvamnik, ikayuġniaġiga nalaunŋaruakun ilaanun, qanuq ikayuŋisuaġupku piḷaiqsinniaġaaŋa ataramik qaiguġluni.

Luke 18:5 Iomraidhean Croise

Matthew 15:23

Tavra Jesus kiuŋaitkaa uqaluuramikunnii. Tavra iḷitchitquraŋisa ullakługu apiġipiaŋagaat, Aqpikkuuŋ una aġnaq, qanuq uvva małakkaatigut nipimigun.

Luke 11:8

Uqallautigivsi, makitiġniaŋiññiḷuqtum unnii aitchuġuglugu supayaamik avilaitqatigigiññaġniḷugu, aglaan pisigilugu katchuŋaiññiŋa, ilaa makitiġniaqtuq aasii aitchuġlugu qanutupayauraq piqaġuktilaaŋatun.

Luke 18:3

Tavra inŋaruq uiḷgaŋaruaq taavrumani iniqpaŋmi ullaaġautiruaq isivġiqsimun nalaunŋaruakun ikayuquvluni iñuŋmiñ ivayaġniaqtimiñiñ.

Luke 18:39

Tavra tamatkua salliuruat suaŋagaat, uqallautivlugu nipaisaaquvlugu. Tavra ilaa nipattuvsaaqsiññaŋaruq, Iġñiġuruatiin David-mun, nagligiŋŋa.

1 Corinthians 9:27

Aŋalalluataqtuŋa uvamnik, suli atanniqsimagiga timiga, iḷaanni alġaqsruiŋaqqaaġluŋa allanun, nalliummatiŋaiqsualiñasugaluŋa.