Luke 18:3 - Iñupiatun Mumiksat Uqalugiksuat

³ Tavra inŋaruq uiḷgaŋaruaq taavrumani iniqpaŋmi ullaaġautiruaq isivġiqsimun nalaunŋaruakun ikayuquvluni iñuŋmiñ ivayaġniaqtimiñiñ.

Luke 18:3 Iomraidhean Croise

Makpiġaaŋa Job-gum 22:9

Anniqsuġumiñaiñŋagitin uiḷgaŋaruat, tigligaiŋammigitin pimaqłuktaqługiḷḷu aŋayuqaagiŋaruat.

Makpiġaaŋa Job-gum 29:13

Iñuich nagliksaaqpaktuat nanġaġaġigaanŋa, uiḷgaŋaruallu uummatiŋich atuusiqł̣ugich.

Matthew 5:25

Atisiqatigisigik pasirisi qilamik, uqaqsitaaġviŋmullavsi, iḷaanni pasirivsi aitchuutigiviaġaasi isivġiqsimun, aasiiḷi isivġiqsim tigutaaqtitchirimun, aasii isiqtaulusi tigutaaġviŋmun.

Luke 18:2

Ilaa uqallaŋaruq, Iniqpaŋmi isivġiqsiqaŋaruq qiksiksrautaitchuamik God-mun naaggaunnii suliqutiksraaqtuaŋitchuamik iñuŋnik.

Luke 18:4

Sivisuuraqtuami isivġiqsi pisuŋiñŋaruq. Aglaan aquvatigun isumallaktuq inna, Qiksigiŋiḷḷuġigaunnii God naagga suliqutigiŋił̣ł̣ugich iñuich,

Luke 18:5

pisigigiññaġlugu uuma uiḷgaŋaruam iḷaksianniŋniŋa uvamnik, ikayuġniaġiga nalaunŋaruakun ilaanun, qanuq ikayuŋisuaġupku piḷaiqsinniaġaaŋa ataramik qaiguġluni.

Deuteronomy 27:19

“‘God-im tatavsaġliuŋ kiñapayaaq ivayaqtuiruaq iglaamik, aŋayuqaagitchuanik, naakka uigiŋaruanik, pitqurakuaqługu pimaaqtugaksrautikkaluamiŋnik.’ “Iluqatiŋ aasii iñuit kiuniaġaat, ‘Tainnailli aasii!’