Luke 18:12 - Iñupiatun Mumiksat Uqalugiksuat

¹² Niġiḷaitchuuruŋa aŋaiyyuuġnimni malġuiqsuaqługu savaiññaak akunġak. Aitchuisuummiuŋa quliŋŋuġutiŋiññik supayaat piġġaktaaġma.

Luke 18:12 Iomraidhean Croise

2 Kings 10:16

uqaqłuni, “Maligluŋa qiñiġiaġiñ iliŋnik qanutun kipiġniuġutiqaqtilaamnik Ataniġmun.” Tavraasii atautchimi usiaqsiqł̣utiŋ Samaria-muŋaruk.

Numbers 18:24

qaitchiŋavluŋa iliŋiññun pigiraksraŋannik qulikuuġutaannik Israel-gum kiŋuvaaŋich nalunaiqsaġivlugu aitchuutauruat uvamnun. Tainnamik uqautiŋagitka kiŋuvaannaktaksraqaġniaŋiññivḷugich akunġanni Israel-gum kiŋuvaaŋich.”

Numbers 23:4

aasii God-im kasuŋagaa. Balaam-gum uqallautigaa, “Ikipkaiviḷiuŋaruŋa tallimat malġugnik aasii aitchuivḷuŋa aŋusalluġruamik suli aŋusallumik imnaimik ikipkaiviḷḷaami.”

Matthew 5:20

Qanuq uqallautigivsi, Iñuuniaġusiqsi nalaunŋaruakun nakuułhaaŋitpan iñuuniaġusianniñ iḷisaurrit pitquranik Pharisees-lu, suuramikunnii isiġumiñaitchusi atanniqsimavianun Taavruma qiḷaŋmiittuam.

Matthew 6:1

Qaunagisitchi piraġausiqaġuŋiḷḷusi nagliktuutivsiññik qiñiqusaaqsiññaġlusi sivuġaŋanni iñuich. Tainnatuaġuvsi Aapavsi qiḷaŋmiittuam akiḷiġumiñaitkaasi.

Matthew 6:16

Suli niġiḷaitkuvsi aŋaiyyuuġlusi, qiññaqaġnasi ipiqtunaqsiḷusi ukpiŋŋuaqtuatun, qanuq ilaisa qiññaġiiḷiraġigaich kiiññatiŋ niġiḷaisilaaqtiŋ tautuquvlugu iñuŋnun. Iḷumun, uqallautigivsi, akiḷiusiaqaaniktut.

Matthew 6:5

Aasiisuli aŋaiyyuguvsi, piññasi ukpiŋŋuaqtuatun, qanuq iliŋich makitavlutiŋ aŋaiyyullaturut aŋaiyyuviŋñi apqutillu kayyaaŋiññi, tautuqusaaqłutiŋ iñuŋnun. Iḷumun uqallautigivsi, akiḷiusiaqaaniktut.

Matthew 9:14

Tavra iḷitchitquraŋi John qaiŋarut Jesus-mun, uqaqłutiŋ, Suvlutauvagut Pharisees-lu aŋaiyyuuqapta niġiḷaitchuuvisa, iḷitchitquratin tainna piḷaisillugich?

Luke 11:42

Naglignaqtusiuvva ilivsi Pharisees, qanuq aitchuisuurusi God-mun quliŋŋuġutiŋiññik mikiniqsraqpiatchiat nauriavsi niġiñaqtuat, aasii naluruuraaġisi pitqiksiġautairrullu piviuttaqsriñiġlu God-mik. Taapkuak piraksraġigisi, aasii aitchuimmiḷusi quliŋŋuġutinik.

Luke 17:10

Tainnatuttauq ilivsi, pianikkaluaġuvsiuŋ iluqaan piraksriusiaqsi, uqallagitchi, Uvagut nalliummatiŋitchugut kivgat, pigiññaqtugut piraksriusiaptiŋnik.

Romans 3:27

Tainnainniġman, uqavigaaġutiksraipiaqtugut qanuq nalaunŋasiyumiñaitchugut kamagilugich God-im pitquraŋi. Nalaunŋasipkaqtaurugut ukpiġutiptigun,

1 Corinthians 1:29

Tainna God piŋaruq, atausiuraq-unnii iñuk uqavigaaġumiñaiqsaqługu sivuqqamiñi.

Galatians 1:14

Kipiġniupiaġataŋaruŋa iñuusukłuŋa tuvraġlugich iḷisaurrutiŋich maŋŋuupta, aasii qaukłiġuutivluŋa qaaŋiqł̣ugich ukiuqtutilaaqatitka iñuuniġmi Jew-guruatun.

Ephesians 2:9

Annaurrauŋaitchusi pisigilugich piḷġusiḷḷuatasi. Annaurraullaniġuvsi piḷġusiḷḷuatasi pisigilugich, iñuk uqavigaaġutiksraqaġniaġaluaqtuq.

1 Timothy 4:8

Qanuq timim qiġġaiyaġniŋa anniqsuusiaqaġnaġaluaġmiuq, god-tiliqiniq anniqsuutiqałhaaqtuq qanusipayaakun, unniqsuqłiisiqaqłuni paŋmapak iñuutchimun suli iñuggunmun isuitchuamun.

1 Samuel 15:13

Samuel-gum ullaŋagaa Saul, aasii uqallaŋaruq Saul inna, “Atanġum quviasaaġlisiñ, Samuel! Kamagiŋagiga Atanġum piraksriutaa.”