Luke 17:5 - Iñupiatun Mumiksat Uqalugiksuat

⁵ Iḷitchitquraunikun tilirauruat uqallautiŋagaat Ataniq, Suaŋasiḷaaġuŋ ukpiġutikput.

Luke 17:5 Iomraidhean Croise

Mark 6:30

Tavra tilirauŋaruat iḷitchitqurat utiŋarut Jesus-mun, aasii quliaqtuaġutivlugu supayaanik, savaamiŋniglu, suniglu iḷisaurrutigikkamiŋnik.

Mark 9:24

Tavra tavrauvvaa aapaŋa miqłiqtum uqallaŋaruq nipatuvluni, Ataniiq, ukpiqtuŋa. Ikayuŋŋa ukpilivsaaquluŋa.

Luke 7:13

Tavra Atanġum tautukkamiuŋ uiḷgaŋaruaq, nagliksratchaŋaruq ilaanik aasii uqallautiŋagaa, Qianak.

Luke 7:19

Tavrali John, qaitquŋagik malġuk iḷitchitquraŋni, aasii tilivḷugik Ataniġmun, apiġiyaqtuquvlugu uumiŋa apiqqunmik, Iliviuvich taimña qaiyumaaqtuaguruaq, naagga allamik niġiuvsaaġniaqpisa?

Philippians 4:13

Suaŋŋatiqaqtuŋa manimmiyumiñaqługu qanusiḷimaaq nalautaksraq suaŋŋatigivlugu Christ suaŋŋasiutaa uvamnun.

2 Thessalonians 1:3

Aniqatiit, nalaunŋaruq uvagut quyyavigiguptigu God quyyatigilusi. Ami quyyavigituiññagaksraġipiaġikput quyyatigilugu ukpiġurri nausaiññaqtuaq, suli atausiullaavlusi piviuttaqqurriḷu nausaiññaqtuaq ukpiqtuaguqativsiññun.

Hebrews 12:2

qiñiġlugu Jesus aullaqisaaguruaq naamasiriŋalu ukpiġutipta. Pisigivlugu quviasuun akiḷiusiaksrani, igḷutuŋagaa tuqqun aŋarraurami, sugiŋaiqł̣ugu kanŋusaaġun, aasii aquvititauŋaruq taliqpiata tuŋaanun God-im qiḷaŋmi.