Luke 17:4 - Iñupiatun Mumiksat Uqalugiksuat

⁴ Aasii piḷuksikpan ilivsiññun tallimat malġuiqsuaġlugu uvluq, aasii isumalitqikpan tallimat malġuiqsuaġluni uqallautilusi, Isumalitqiksuŋa. Suliqutigiŋaigaksraġigiksi.

Luke 17:4 Iomraidhean Croise

Matthew 18:16

Aglaan atisiqatigisuŋitpatin, ullatqikkumagiñ piqasiġḷutin atautchimik naagga malġugnik iñuŋnik iḷisimaruksragnik sunik uqautiŋnik ilaanun. Tainna piguvich, kamaksriñiaqtutin pitquranik uqaluqaqtuanik inna, “Pasikkutipayaaq ukpiġnaqsiñiaqtuq iḷumun itilaaŋanik malġugnik naagga piŋasunik iḷisimariqaġluni.”

Matthew 18:35

Tasamma tainnatuttauq Aapama qiḷaŋmiittuam piñiaġmigaasi iluqasi, ilivsi iḷumutun suliqutigiŋaiḷaitkuvsiuŋ itqaumayumiñaiġḷugu aniqativsi piḷuutaa ilivsiññun.

Matthew 5:44

Aglaalli uqallautigivsi, piviuttaġisigik akiḷḷiḷiqsuqtisi suli aŋaiyyutilugich tamatkua nagliksaaqtitchiruat ilivsiññik,

Matthew 6:12

Suli suliqutigiŋaikkich itqaumayumiñaiġḷugich piḷuutivut, uvaguttauq suliqutigiŋaiġmatun itqaumayumiñaiqł̣ugich tamatkua piḷuksiruat uvaptiŋnun.

Luke 17:5

Iḷitchitquraunikun tilirauruat uqallautiŋagaat Ataniq, Suaŋasiḷaaġuŋ ukpiġutikput.

Romans 12:20

Aglaan, “Pimaqłuktaqtin kaakpan, niġipkaġuŋ. Imiġukpan, imiqtirruŋ. Tainna piguvich, kanŋutchaktinniaġiñ pimaqłuktaiñiŋagun iliŋnik.”