Luke 17:3 - Iñupiatun Mumiksat Uqalugiksuat

³ Qaunagisitchi. Aniqatiksi piḷuksikpan, suaksiuŋ. Aasii isumalitqikpan, suliqutigiŋaiqsiuŋ itqaumayumiñaiġḷugich.

Luke 17:3 Iomraidhean Croise

Psalms 141:5

Iñulluatat atqunaġliñŋa natqiksruġluŋalu pił̣ł̣aktautaitchuakun, uqsruqtiġutitun inniaqtut niaqumni. Niaquġma ayyaktuġniaŋitkaa. Aŋaiyyuugaqtuŋa-aglaan akiḷḷiġivlugich pigiitchuat savaaŋich.

Exodus 34:12

Sivunniuqatiginasigik iñuŋich nunaqpauruat ullagniaqtasi, qanukkii pigiitchuamun nigatchiaġutauniaqtut ilivsiññun.

Proverbs 17:10

Puqiksuaq iñuk iḷitchiłhaaġuuruq atausimiñ suagunmiñ isumalluaġiitchuam iḷiññiŋaniñ iñugiaktuani anaullaqługu tallimakipiatun (100x) iḷisautigaluaqtilluni.

Proverbs 27:5

Iluałhaaqtuq natqiksruqtuni avanmun iriqtaġiniġmiñ nakuaqqunmik iliŋiññun.

Proverbs 9:8

Natqiksruġnagich kamanniraalguruat iñuich; uumigisiññaġniaġaatin. Aglaan natqiksruġupkich isumaturuat, qiksiginiaġaatin.

Leviticus 19:17

“Isumanŋunak akiḷḷiġilugich allat, aglaan natqiutilugich atiŋirrutauruakun, piḷuusiqiŋitchumautin pisigilugich.

Matthew 18:21

Tavrani Peter ullautiŋaruq Jesus-mun aasii apiġivlugu, Ataniiq, qavsiiqsuaġlugu suliqutigiŋaiġñiaqpigu itqaumayumiñaiġḷugich piḷuksigaluamiiqpan aniqatiga uvamnun? Tallimat malġuiqsuaġlugu?

Luke 21:34

Aglaan qaunagisitchi ilivsiññun. Aptatiqaġnasi niqinaqivaił̣aglusi imiŋasiḷusiḷu, suli uŋiarrisigilugich iñuggutisi, qanuq iḷaanni taamna uvlua Atanġum qaiñiaqtuq tavraŋŋatchiaq niġiuŋisillusi.

Ephesians 5:15

Qaunakłaapiaġitchiasiiñ qanuq iñuutilaavsiññik, isumalluaġiitchuatun iñuktun piŋaiġḷusi aglaan isumaturuatun,

Deuteronomy 4:15

“Atanġum Mount Sinai-miñ uqautimmasi ignikun, tautuŋaitchusi irrutchimik. Qaunakłaapiallaktuksraurusi,

Deuteronomy 4:23

Puiguġniaġnagu Atanġum God-ivsi sivunniuġutigiŋaraa ilivsigñun. Kamagilugu pitqutaa iñuuraqpaliuġnasi qanusiugaluaqpata,

Deuteronomy 4:9

Qaunakłaaġumausi! Suuramik unnii puiguiñasi iñuuniqtutilaavsiksun, tautuŋaravsigñik irravsigñik. Quliaqtuaġilugich miqłiqtuvsigñun tutaaluuvsigñullu

Hebrews 12:15

Qaunagisitchi iluqasi iñuusuglusi God-im ikayuutaagun. Iluqasi killuqsrautaittitchi, qanuq salapqiġman killuqsraun isumaalluksautausuuruq, aasii iñugiaktuat piḷuksipkaqługich.

James 5:19

Aniqatiimaaŋ, kiñaliqaa asivaqpan iḷumun ittuamiñ aasii iñuum isumalitqiksitpagu,

2 John 1:8

Qaunagisitchi iliŋiññiñ asiñuurrauŋitchumausi aasii tammaiŋiḷḷusi akiḷiusiaksramik ilivsiḷu uvaŋalu siġġaqutigiŋaraptiŋnik aitchuusiaġiyumavlugu. Piññaktaġiniaqsiuŋ inuaŋaitchuaq akiḷiusiaksraqsi Ataniġmiñ.