Luke 17:1 - Iñupiatun Mumiksat Uqalugiksuat

¹ Tavra Jesus uqallautiŋagai iḷitchitqurani, Nalupqinaitchuq, ikł̣igutchaktinniutit piḷuksiñiksramun qaiyumaaqtut, aglaan qanutun naglignaqtigiruq taamna iñuk patchisauruaq tamatkunuŋa.

Luke 17:1 Iomraidhean Croise

Matthew 16:23

Tavra Jesus qiviaqługu Peter uqallautiŋagaa, Satan, piiġiñ uvamniñ. Piñaiḷutaurutin uvamnun, qanuq isumaŋitchutin God-im isummasianik aglaan iñuich isumaŋannik.

Matthew 18:7

Qanutun naglignaqtigirut nunam iñuŋi ukpiġutaiqsitchiruat iñuŋnik. Tainnainniaġniqsuq ataramik, aglaan qanutun naglignaqtigiruq ukpiġutaiqsitchiruaq iñuŋnik.

Luke 16:31

Abraham kiuŋagaa, kamagiyumiñaitkumisigik aglaaŋi Moses uqaqtiŋisalu God-im, qanuqpisiiḷḷirauyumiñaiñmiut iñuk aŋigaluaqpan tuqqunmiñ.

Romans 14:13

Tamatkua tainnainniġmata, tavraŋŋaaglaan aniqatiivut uqausiġiŋaiġḷavut killukuaqtaġniḷugich, aglaan qaunagiłhaaqta agvisausuŋiḷḷuta aniqatipta piḷuksiñiksraŋanun.

Romans 16:17

Aniqatiit, qaunagipiaġataqugivsi iñuŋnik qanaaġuksautausuuruanik, atiŋirrutiksriuġuuruaniglu, akiḷḷiḷiqsuisuuruanik iḷisausiakaavsiññik. Tainnatchiñiñ niguaqtuġumausi.

1 Corinthians 10:32

Sumik piññasi piñaiḷutchiutauyumiñaqtuamik iñuich ukpiqtuaġuġniksraŋannun, Jew-gugaluaqpata, Greek-gugaluaqpata, naaggaunnii God-mun aŋaiyyuliqiruanun.

1 Corinthians 11:19

Qanuq inmikkuaŋasiraġaġniq ittuksrausugnaġniqsuq akunnavsiññi, tamatkua iḷumun ukpiqtuaguruat satqummiquvlugich.

1 Corinthians 8:13

Taamna tainnainniġman niqi patchisaukpan aniqanma piḷuksiñiksraŋanun, suuramikunnii niqituġniaŋitchuŋa patchisausuŋiḷḷuŋa aniqanma piḷuksiñiksraŋanun.

1 Timothy 4:1

Ilitqusiġiksuam nalupqinaiqł̣ugu uqallausiġigai iñuich iḷaŋich ukpiġutaiġñiaġnivḷugich aqulliġñi uvluni, kamagilugich sagluqinniktuat ilitqutchich, maliġuaġlutiglu ilitqusiqł̣uich iḷisaurrutiŋiññik.

Revelation 2:14

Aglaan uvva naġġukkutiqaġmiuŋa iñukitchuanik ilivsiññun. Iḷaqaqtusi tuvrairuanik iḷisaurrutiŋiñik Balaam, iḷisaurriŋaruam Balak-mik Israel-guruat piḷuksitquvlugich, niġiḷutiŋ aitchuutauŋaruanik iñuuraqpaŋnun, suli allatuquvlugich.

Revelation 2:20

Aglaan una iviġaummatigiŋitkiga ilivsigun. Ilivsi iḷatchiqł̣ugu taamna aġnaq Jezebel-tun ittuaq, taiguqtuaq inmiñik uqaqtaanik God-im, suli iḷisaurrivḷuni sagluqivlugiḷḷu kivgatka allatuqtautquvlugich, suli niġitquvlugich niqinik aitchuutauŋaruanik iñuuraqpaŋnun.