Luke 16:2 - Iñupiatun Mumiksat Uqalugiksuat

² Tavra suġalliruam ququaqługu uqallautiŋagaa, Sunaimña tusaavigu ilipkun? Qaitkich aglaich suġautchiqiraunipkun, qanuq tavraŋŋaaglaan suġautchiqirigiŋaiġñiaġikpiñ.

Luke 16:2 Iomraidhean Croise

Matthew 12:36

Uqallautigivsi, uvluani isivġiġvium iñuich pasirauniaqtut anniqsuutauŋitchuatigun uqalupayauratigun uqallausiġikkamikkun.

Matthew 20:8

Tavra anaqammagu, iñua siiġñaqaġvium uqallaŋaruq suġautchiqirimiñun, Qaitqukkich savaktuat aasii akiḷiḷḷugich akiññaktaaŋiññik, isagutilugich savagiaqqaaŋitchuaniñ, sivulliġñunaglaan.

Luke 12:20

Tavrali God-im uqallautiŋagaa suġalliruaq, Isumalluaġiitchuatiin. Unnuapak iñuggutaiqsauniaqtutin, aasii kia piginiaqpagich suġalġich katitatin?

Luke 12:42

Tavra Atanġum kiuŋagaa, kiuniaqpaasii ukpiġnaqtuaguvluni isumaturuaguvluniḷu kivgaq? Taamnauniaqtuq kivgaq atanġata qaukłiḷiutiniakkaŋa allanun kivganun niqiksritqulutiŋ piñaqsikpan.

Luke 16:1

Jesus uqallautivsaaŋagai iḷitchitqurani uuktuusiqł̣uni, Iñuqaŋaruq suġalliruamik suġautchiqiriqaqtuamik. Aasii uqallautiŋagaat suġalliruaq suġautchiqiriŋa aŋalatchiḷḷuataŋiññivḷugu maniŋiñik.

Luke 16:3

Tavra suġautchiqiri isumalaaŋaruq, Suniaqpik? Umialiŋma anitkaqsigaaŋa savaamniñ. Kurriḷguiñmiuŋa, kanŋugimmigiga piatchiaqtaġniq.

Romans 14:12

Tavra iluqapayaurapta uqaġviginiaġikput God qanuq piŋatilaaptiŋnik iñuuŋŋapta.

1 Corinthians 1:11

Qanuq quliaqtuaġutiŋagaanŋa Chloe-m iḷaŋisa qanaaġutisuunivḷusi, aniqatiitkaa.

1 Corinthians 4:2

Tavraasii kivgat niġiugiraurut ataramik ukpiġnaqtuksraupiaqługich.

1 Corinthians 4:5

Uqaġnasi iñuich pasiraksraġuġniḷugich isivġiġvium sivuani, Atanġum qaiviksraŋata sivuani. Atanġum qaigumi, ilaan salapqiġñiaġai iluqaisa iriqsimaruat, suli salapqiġḷugich iñuich nalunaqtuakun sivunniuġutiŋich. Tavraniasii iñupayaaq nalaunŋaruakun God-im akiḷiġñiaġaa.

2 Corinthians 5:10

Qanuq iluqata niptaqtuksraupiaqtugut sivuġaanun Christ aasii isivġiqsauluta, atausiullaaluta, akiḷiusiaqaġumaugut sutigun piŋaraptigun iñuuŋŋapta timigikkaptiŋni nunami, nakuuruatigun naagga pigiitchuatigun.

1 Timothy 4:14

Atupiaġatakkich piḷḷasipkakkaŋi God-im aitchuutiŋi iliŋnun, satqummiŋakkaŋich God-im uqaqtiŋisa umialiŋnat iḷimmatigik argatiŋ iliŋnun ilaaguaqłutin savaaksriusiaġnun.

1 Timothy 5:24

Piḷuutiŋich iñuich iḷaŋisa nalunaitchut, aasii taamna pisigilugu nalupqinaitchuq isivġiqsauniaqtut. Aglaan piḷuutiŋich allat iḷisimanaqsiñiaqtut aquvatigun.

1 Peter 4:10

Iñullaam atuġligich inmigun aitchuusiallaani God-miñ ikayuutigisaġlugich allanun iñuŋnun. Tainna pigumi, aŋalatchiriḷḷuatauniaqtuq allakaaġiiñik God-im aitchuutiŋiñik inmiñun.

1 Peter 4:5

Taamna pisigilugu inmiŋnik uqaġiruksrauniaqtut God-mun isivġiisałhiñaaġuŋaruamun iñuuruanik tuquŋaruaniglu.

Revelation 20:12

Tavra tautuŋagitka tuquŋaruat, kamanaġaluaqtuat kamanaitchuallu, makitaruat sivuġaanni umialgum aquppiutaŋisa. Tavra iñugiaktuat makpiġaat aŋmaŋagaich. Aasiisuli allat atautchiich makpiġaat aŋmaŋagaich, makpiġaaŋich iñuuruat. Aasii tuquŋaruat isivġiqsauŋarut savaaŋisigun aglaŋisitun makpiġaani.