Luke 16:11 - Iñupiatun Mumiksat Uqalugiksuat

¹¹ Tavraasii ilivsi ukpiġnaġniaŋaitkuvsi aŋalatchiñivsiññi nunami suġaliġnik, qanuġlusi ukpiġnaġniaqpisi aŋalatchisaġuvsi qiḷaum iḷumun ittuanik suġaliŋiñik?

Luke 16:11 Iomraidhean Croise

Matthew 6:24

Kiñaliqaa savakkumiñaitchuq malġugnik ataniqaġluni atautchikun, qanuq ilaan uumiginiaġaa igḷua aasii piviaġilugu igḷua. Naaggaunnii qiksiksrautiqaġluni igḷuanun aasii suuŋiḷaġilugu igḷua. Savautiyumiñaitkiksi God suġallagniaġniġlu atautchikun.

Luke 12:33

Tavraasii tunisigik suġalisi, aasii nagliktuutigilugich. Tainna piguvsi maniqaġviqaġmatun maqulaitchuanik inniaqtusi, suġaliqaġmatun qiḷaŋmi nuŋulaiḷaanik. Tatpagmani tigligayuktit piyumiñaitkaich, qupilġullu maqunniaŋitkaich.

Luke 16:12

Suli ukpiġnaŋaitkuvsi aŋalatchiñivsigun God-im piŋiñik maani, aitchuusiaqaġniaŋitchusi ilivsi pivsiññik taimanigu.

Luke 16:9

Tavra Jesus uqallavsaaŋaruq, Uqallautigivsi, avilaitqasiuġitchi ilivsiññun nagliktuġlugich iñuich suġalivsiññiñ. Tavraasii suġalisi nuŋukpata, paġlapiaġniaġaasi isuitchuamun aimaaġviŋmi.

Luke 18:22

Tavra Jesus taamna tusaakamiuŋ, ilaan uqallautiŋagaa, Atautchimik piraksraqavsaaqtutin suli. Aullaġiñ, tunikkich supayaat pisin, aasii aitchuutigilugich maniich iḷiappauruanun, tavra piiḷḷiuġniaŋitchutin qiḷaŋmi. Aasii qaiḷutin maliŋŋa.

Ephesians 3:8

Kamanaiññiqsraugaluaqtilluŋa iluqaiññiñ ilaaguaqtauruaniñ God-mun, ilaa naglikkutiqaŋaruq uvamnun, aasii uvamnun alġaqsruutigitquŋagai Jew-guŋitchuanun inuaŋaitchuat anniqsuusiaksraŋich iluqaġmiŋ, atausiŋŋuqatauŋaruat Christ-mun.

James 2:5

Piviuttaġikkavsii aniqatiit, naalaġnisitchi, God-im piksraqtaaġiŋagai piiḷḷiuqtuat mattumani nunami piiḷḷiuquŋił̣ł̣ugich ukpiġunmi, kiŋuvaannaquvlugiḷḷu atanniqsimaviŋmiñi unniqsuqłiisauŋaruamik ilaan piviuttaġirimiñun.

Revelation 3:18

Tavra piraksriġivsi utiquvlusi uvamnun iḷumutun suġallakkumausi, tauqsiġmatun piḷusi uvamniñ kaviqsuapiaġatamik maniŋmik. Tauqsiġitchiḷu qatiqtuanik annuġaanik atiraksravsiññik aasii matulugu kanŋunaqtuaq annuġaiññiqsi. Tauqsiġitchisuli maratchimik irigiksautiksravsiññik tautuksiḷḷasiyumausi.