Luke 16:1 - Iñupiatun Mumiksat Uqalugiksuat

¹ Jesus uqallautivsaaŋagai iḷitchitqurani uuktuusiqł̣uni, Iñuqaŋaruq suġalliruamik suġautchiqiriqaqtuamik. Aasii uqallautiŋagaat suġalliruaq suġautchiqiriŋa aŋalatchiḷḷuataŋiññivḷugu maniŋiñik.

Luke 16:1 Iomraidhean Croise

Genesis 15:2

Aglaan Abram-gum kiuŋagaa, “Qutchigñiqsrauruatiin Ataniiq, sumun imña akiḷiusiaksraq qaiññiaqtan anniqsuutauniaqpa uvamnun, uvva qitunġaisilluŋa? Kiŋuvaannaktuksratualuk tavra Eliezer, Damascus-miu.

Genesis 43:19

Tavraasii upkuaŋanukkamiŋ iglum, uqallaktut kivgamun aŋalatchiruamun,

Proverbs 18:9

Iqiasuuruaq iñuk ittuq maqutchiritun.

Matthew 20:8

Tavra anaqammagu, iñua siiġñaqaġvium uqallaŋaruq suġautchiqirimiñun, Qaitqukkich savaktuat aasii akiḷiḷḷugich akiññaktaaŋiññik, isagutilugich savagiaqqaaŋitchuaniñ, sivulliġñunaglaan.

Luke 12:42

Tavra Atanġum kiuŋagaa, kiuniaqpaasii ukpiġnaqtuaguvluni isumaturuaguvluniḷu kivgaq? Taamnauniaqtuq kivgaq atanġata qaukłiḷiutiniakkaŋa allanun kivganun niqiksritqulutiŋ piñaqsikpan.

Luke 15:13

Uvliupasakkaluaġnani, nukaqłium tuniŋagai autaaġusiani maniŋñun, aasii aullaqłuni uŋasiksuamun nunamun. Taamaniasii kinniqutigiaqsivḷugich maniŋñi iñuumaqłuktaqłuni.

Luke 15:30

Aasiuvvauna iġñiġiñ qaimman, kinniqutigiqqaaqługich suġaliqtin akiitchunullu, tuqutchisiŋagiñ quiññaksaqtamik tuttuqpaiyaamik.

Luke 16:19

Suġalliruaqaŋaruq annuġaaqaqtuamik akisupiaġataqtuanik, suli uvlutuaġman niqinaqiugaqłuni iḷaŋaniñ.

Luke 16:2

Tavra suġalliruam ququaqługu uqallautiŋagaa, Sunaimña tusaavigu ilipkun? Qaitkich aglaich suġautchiqiraunipkun, qanuq tavraŋŋaaglaan suġautchiqirigiŋaiġñiaġikpiñ.

Luke 19:20

Tavrali allaptauq kivgaq qaiŋaruq uqaqłuni, Ataniiq, Uvva maniksin aitchuutitin uvamnun. Iriqsimaŋagitka puuqługich kakkiiyaunmik.

Luke 8:3

Joanna-lu, nuliaŋa Chuzam, Herod-gum suġautchiqiriŋata, Susanna-lu, iñugiaktuallu allat aġnat ikayuiruat Jesus-mik iḷitchitquraŋiñiglu ilaisa pimiŋniñ.

Titus 1:7

Qanuq umialiŋnaq qaunaksrauruq God-mun savaanik, pasiñaqtuksrauŋitchuq. Isumamisun piruksrauŋitchuq naaggaunnii piavsayaruksrauŋitchuq naagga taaŋŋaqtauluni naagga anayaitchuaguluni naagga piḷḷaturuaguluni.

James 4:3

Apiqsrigaluaġmiraqtusi aitchuusiaqalaitchusi, qanuq apiqsrisuuvlusi killukuaŋaruakun, atuġuqługich ilivsi aliasuŋisaaġutivsiññun.

1 Peter 4:10

Iñullaam atuġligich inmigun aitchuusiallaani God-miñ ikayuutigisaġlugich allanun iñuŋnun. Tainna pigumi, aŋalatchiriḷḷuatauniaqtuq allakaaġiiñik God-im aitchuutiŋiñik inmiñun.