Luke 15:7 - Iñupiatun Mumiksat Uqalugiksuat

⁷ Tavra Jesus uqallaŋaruq, Uqallautigivsi, tainnatuttauq quviasuutigiłhamaaġniaġaat qiḷaŋmi atausiq piḷuusiqiri isumalitqiksuaq taapkunaŋŋa tallimakipiaġuutaitchuaniñ nalaunŋaruaniñ iñuŋniñ isumalitqiaksraitchuaniñ.

Luke 15:7 Iomraidhean Croise

Proverbs 30:12

Iñuqaqtuq isumaqaqtuanik iñugipiaġatagnivḷutik uvvaukua iñupałłuupiaġataġmiut.

Matthew 18:13

Iḷumun uqallautigivsi, paqitkumiuŋ ilaa quviasuuttaqałhaaqtuq taavrumuŋa atautchimun imnaimun ukunaŋŋa tallimakipiaġuutaitchuaniñ imnaiñiñ tammaŋaitchuaniñ.

Matthew 3:8

Iñuusitchi nalunaiġḷugu isumalitqiksilaaqsi piḷuutivsiññiñ.

Luke 15:10

Tavra Jesus uqallaŋaruq, Uqallautigivsi tainnatuttauq quviasuŋmiut isaġuliŋi God-im pisigivlugu atausiq piḷuusiqiri isumalitqiŋman.

Luke 15:29

Tavra ilaan aapani kiuŋagaa, Uvva, aippaapak savautiŋagaluaġikpiñ kivgatun iḷivḷuŋa, aasii sumikunnii kipuqłaŋaitkaluaġiga piraksriutin, naaggauvva aitchuŋaitkiŋmaunnii imnaiyaamik nagruliŋmik, quviasuqatiqaquluŋa avilaitqatimnik.

Luke 15:32

Nalautittuq quviasualaniksraqput quyaniksraqpullu, qanuq aniqatin tuquŋaruatun itkaluaqtuaq iñuusatqiksuq, suli tammaŋagaluaqtuaq paqitauruq.

Luke 15:6

Tavra aikami, ququaŋagai atautchimun avilaitqatini siḷalliñiḷu, uqallautivlugich, Quviasuqasiqsiŋa, qanuq paqinŋagiga imnaiġa tammaŋaruaq.

Luke 15:8

Naagga aġnaq qanuġayaqpa qulinik maniuraqaqtuaq tammaigumiuŋ atausiq iḷaŋat maniŋmi? Ikinnayaġaa qulliq aasii tilaiḷugu igluni ivammaġiksaapiaġataġlugu paqilġataġlugu.

Luke 16:15

Tavra ilaan uqallautiŋagai, Ilivsi patchisaiññisuurusi takkuanni iñuich, aglaan God-im iḷisimapiaġai iñuutchisi, qanuq suna kamanaqsiḷiqtauruaq akunġanni iñuich naġġugipiaġataġaa God-im.

Luke 5:32

Qaiŋaitchuŋa ququaġiaġlugich nalaunŋaruat iñuich, aglaan piḷuusiqirit isumalitqiquvlugich.

Romans 7:9

Qaŋauvlugu iñuunnamni naluŋagaluaqtuŋa God-im pitquraŋiñik. Taimani piḷuutaiñmatun inŋagaluaqtuq uvamnun. Aasii iḷitchuġikapkich pitqurat iḷitchuġimmiuŋa piḷuksiŋatilaamnik. Tavra tatavsaaksraġuŋaruŋa isuitchuamun.