Luke 15:10 - Iñupiatun Mumiksat Uqalugiksuat

¹⁰ Tavra Jesus uqallaŋaruq, Uqallautigivsi tainnatuttauq quviasuŋmiut isaġuliŋi God-im pisigivlugu atausiq piḷuusiqiri isumalitqiŋman.

Luke 15:10 Iomraidhean Croise

Matthew 10:32

Tavra kialiqaa quliaqtuaġigumiŋa iñuŋnun piginiḷuni uvamnun, uvaŋaptauq tainnatun piñiaġmigiga Aapamnun qiḷaŋmiittuamun.

Matthew 18:10

Qaunagisitchi suuŋiḷaġitchaiḷisiuŋ atausiqunnii makua iḷaŋat miqłiqtutun iḷivḷuni ukpiqtuaguruaq uvamnun. Qanuq uqallautigivsi, qiḷaŋmi isaġuliŋich qakuguliqaa ullautillarut Aapamnun qiḷaŋmiittuamun.

Matthew 18:14

Tavra pisuutigiŋitkaa Aapavsi qiḷaŋmiittuam atausiqunnii iḷaŋat makua miqłiqtutun iḷivḷutiŋ ukpiliŋaruat tammaqulugu.

Luke 12:8

Aasii uqallautigivsi, kialiqaa quliaqtuaġigumiŋa iñuŋnun piginiḷuni uvamnun, Iġñiŋattauq iñuum tainnatun quliaqtuaġiniaġmigaa isaġuliŋiñun God-im.

Luke 12:9

Aglaattauq kialiqaa piiḷaaġikpaŋa iñuŋnun pigiŋiññiḷuni uvamnun, Iġñiŋataptauq iñuum piiḷaaġiniaġmigaa isaġuliŋiñun God-im.

Luke 13:5

Naumi. Uqallautigivsi, ilivsivsauq isumalitqiŋisuaġuvsi iluqasi, tainnatun suksraunġiġñiaġmiusi.

Luke 15:11

Jesus uqallavsaaŋaruq, Iñuk malġugnik iġñiqaŋaruq.

Luke 15:7

Tavra Jesus uqallaŋaruq, Uqallautigivsi, tainnatuttauq quviasuutigiłhamaaġniaġaat qiḷaŋmi atausiq piḷuusiqiri isumalitqiksuaq taapkunaŋŋa tallimakipiaġuutaitchuaniñ nalaunŋaruaniñ iñuŋniñ isumalitqiaksraitchuaniñ.

Luke 15:9

Aasii paqitanikamiuŋ, ququaqługich atautchimun avilaitqatini siḷalliñiḷu uqallakłuni, Quviasuqasiqsiŋa qanuq paqinŋagiga maniuraq tammaikkaġa.

Luke 7:47

Tavraasii uqallautigikpiñ, kamanaqtuaq piviuttaqqutaa iḷitchuqqutauruq iñugiaktuat piḷuutiŋi suliqutigiŋaiqsautilaaŋannik itqaumayumiñaiqł̣ugich. Iñuk isumaruaq piḷuutiqapiaŋiññasugaluni suliqutigiŋaigaksranik piviuttaqsripiaġniaŋitchuq.

Acts 11:18

Taamna tusaakamirruŋ pisaaŋaŋaiŋagaat, aasii nanġaqługu God uqaqłutiŋ, Tavraptauq Jew-guŋitchuat God-im isumalitqigviksraqaqtinŋagai iñuutquvlugich isuitchuamun.

Acts 5:19

Taavrumani unnuami isaġulgan Atanġum upkuiŋagai tigutaaġvium paaqpaŋi, aasii annisikamigich tiliraunikun iḷitchitqurat uqallautiŋagai,

2 Corinthians 7:10

God-im iñuk isumaaliqsinmagu piḷuutit pisigivlugich, aasii isumalitqikł̣uni iñuum nunuuraġilaitkaa taamna qanuq qaġġirigisuugaa ilaan annaunmun. Aglaalli ukpiŋaitchuam isumaaġutaa tuqqutauruq.

Philemon 1:15

Onesimus iḷaanni una pisigivlugu aullaullaŋasugnaġniqsuq iliŋniñ, iliŋnun tasuquvlugu iñiġlugu.

Hebrews 1:14

Isaġulgich suuvat? Isaġulgich iluqaġmiŋ savaurriruagugiññaqtut ilitqusiuvlutiŋ tilirauruat savaurritquvlugich annaurrauniaqtuanik.