Luke 13:8 - Iñupiatun Mumiksat Uqalugiksuat

⁸ Tavra qaunaksrim napaaqtunik kiuŋagaa, Aŋuun, iḷaksianagu ukiivsaallagli. Nivaŋniaqtuŋa avataagun aasii iḷḷiqilugu nagguksautinik.

Luke 13:8 Iomraidhean Croise

Psalms 106:23

God uqallagman suksraunġiġñiaġnivḷugich iñuni, piksraqtaaġivlugu kivgani, Moses, makitaŋaniqsuq sivuġaani God-im, paaqłaŋanigaa God aasii suksraunġiqsinŋił̣ł̣ugich iñuich.

Exodus 34:9

Uqallaktuq, “Ataniiq, iviġaumagipiaġumŋa, aullaqatigiyumiñaqpisigut. Ukua uvva iñuich sivunmuuturut, aglaan suliqutigiŋaikkich pigiiḷḷiqutivut piḷuutivullu, aasii akuqtuġluta iñugiliutiluta ilvich.”

Luke 13:7

Tavra ilaan uqallautiŋagaa napaaqtumik qaunaksri, Uvva, piŋasuni ukiuni ullaguugaluaġiga ivaqłiavluŋa siiġñanik mattumaŋŋa fig napaaqtuaniñ, aasii paqilaitchuŋa. Kippuuŋ. Summan nunaiġutchautauniaqpa?

Luke 13:9

Aasii siiġñikpan ukiutqigu piḷḷuataġniaqtuq, aglaan siiġñiŋiḷgitpan, kipiyumiñaġniaġiñ.

Luke 14:35

Anniqsuutauyumiñaitchuq nunamun naagga nagguksautauyumiñaġluni nunamun. Aglaan naavitaksrauruq asiñun. Ilivsi iḷitchitquratka taġiutun ittusi nunam iñuŋiñun. Tavraasii siutiqaqtusi tusaggatiksragnik, Naalaġnisiŋa.

Romans 10:1

Aniqatiit, uummatimniñ kipiġniupiaġataqtuŋa aŋaiyyuruŋalu God-mun, aŋaiyyutivlugich Jew-guruat aniqatiitka annaurrautquvlugich.

Romans 11:14

tamatkua Jew-guqatitka siŋñaliġḷutiŋ iḷaŋich-unnii annaurrautquvlugich.

2 Peter 3:9

Ataniq uimaiñŋitchuq taŋŋiisaqami unniqsuqłiiñmiñik, uimaiññivḷugu iñuich iḷaŋisa isummatigisuugaluaġaat. Aglaan ilaan qiñuirrutigaluaġaasi, qanuq ilaan kiñaliqaa suksraunġiqsautquŋitkaluaġaa, aglaan iluqaisa iñuich isumalitqiqugaluaġai piḷuunmiŋniñ.