Luke 13:13 - Iñupiatun Mumiksat Uqalugiksuat

¹³ Tavra Jesus aksiŋagaa aġnaq, aasii tavrauvvaa isivvaġiksiŋaruq, suli nanġaŋagaa God.

Luke 13:13 Iomraidhean Croise

Matthew 9:8

Iñusalaich tautukamirruŋ, kamatchaŋarut, aasii nanġaŋagaat God suaŋŋatiqaqtitchiḷḷaruaq tainnatchimik iñuŋnun.

Mark 16:18

tiguniaġaich nimiġiat tuqunaqaqtuat, suli imiġaluaġumiŋ qanusiḷimaamik tuqunamik, anniġumiñaitkai.

Mark 5:23

Aasii qiññuaqtupiaŋaruq uqaqłuni, Paniuraġa amma tuquaqsiuraqtuq. Qaiḷutin aksiugiapiaqugiga iliŋnun iłuaqsitquvlugu iñuuyumauq.

Mark 6:5

Tavra Jesus tavrani savakkumiñaiñŋaruq aliuġnaqtuanik, aglaan aksiuŋagai iñukitchuat naŋittuat aasii iłuaqsivḷugich.

Mark 8:25

Taamna pianiŋman Jesus aksiutqiŋagaa irrakkun. Tavrani iñuk qiñimmaġiksaapiaŋaruq aasii tautuksiḷḷasiŋaruq takpiksivḷuni.

Luke 13:12

Tavra Jesus tautukamiuŋ aġnaq, ququaŋagaa aasii uqallautivlugu, Aġnaaq, atanġiqsitaurutin naŋirrutiŋniñ.

Luke 18:43

Tavra tavrauvvaa ilaa tautullasiŋaruq aasii Jesus malikługu, nanġaqługu God. Tavra iluqaġmiŋ iñuich tautukamirruŋ, God nanġaŋagaat.

Luke 4:40

Tavra siqiñiq nipisaġataaqsimman, iluqaġmiŋ tamatkua naŋittuaqaqtuat qanusiḷimaanik naŋirrutinik qaġġisiŋagaich Jesus-mun. Tavra ilaan aksiuŋagai iluqaisa aasii iłuaqsivḷugich.

Acts 9:17

Tavra Ananias aullaŋaruq, aasii isiqłuni iglumun. Aasii iḷiŋagai argaŋni Saul-mun uqallakłuni, Aniqaan Saul, Atanġum Jesus niptaŋaruam iliŋnun apqunmi qaġġiviŋñi, tiliŋagaaŋa qiñillasitqiquvlutin, suli paŋmapaŋmiñ aglaan Ilitqusiġiksuamun aŋalatquvlutin.