Luke 12:7 - Iñupiatun Mumiksat Uqalugiksuat

⁷ Nutchasiunnii niaquvsiññiittuat kisisaaqtaurut. Tavraasii iqsiñasi, akisułhamaaqtusi iñugiaktuaniñ unnii tiŋmiaġruuraniñ.

Luke 12:7 Iomraidhean Croise

2 Samuel 14:11

Aġnaq uqallaktuq, “Umialiik, aŋaiyyuyumautin Ataniġmun God-ignun, iḷaga akisaġumaruaq iġñiġa tuqutaumman sapiġnałhaaqtuamik killukuaquŋiḷḷugu alla iġñiġa tuqullugu. “Unniqsuqłiiruŋa saaŋani iñuuruam Atanġum,” David-gum kiugaa, “iġñiġiñ anniqsauniaŋitchuq suuramikunnii.”

Makpiġaaŋa Job-gum 35:11

God-mun saatkaluaqatik, isumattutiksritchiruamun, isumatułhaaqsivḷuta niġrutipayaaniḷḷu, tigmiapayaaniḷḷu.

Psalms 8:6

Inillaŋagitin atanniqsuiriġuqługich savaapayaaġnun; qaukłiliutiŋagitin savaapayaaġnun;

Matthew 12:12

Iñuk piqpaŋnałhaaqtuq imnaimiñ. Tavraasii nalaunŋaruq anniqsuiruni Savaiññiġmi.

Matthew 6:26

Qiñiqsigik tiŋmiat tiŋmiruat siḷami, kanġaqsruiḷaitchut nautchiaksranik naagga kivriḷaitchut katitchiḷaitchullu suġalliqpiŋñun, naaggauvva Aapavsi qiḷaŋmiittuam niġipkaqsimaaġai. Ilivsi akisułhaaqtusi tiŋmianiñ.

Luke 21:18

Aglaan nalupqinaitchuamik annaurrauniaqtusi, nusaqsiunnii atausiq tammaŋiñmatun.

Acts 27:34

Tavra niġiḷḷaqupiaġivsi, sayaniktaaġumausi iñuullasisaġlusi. Atausiuraq-unnii nusaqsi niaquvsiññi tammaġniaŋitchuq.

1 Samuel 14:45

Aglaan iñuich uqallautiŋagaat Saul, “Tavra una Jonathan, akimaurriruaq Israel-mik, tuqutauniaqpa? Naumi! Unniqsuqłiirugut iñuuruakun Atanikun tammaiñiaŋitchuq atausiuramik unnii nusamiñik niaquġmiñiñ. Uvlupak savaaġirani piŋagaa God-mik ikayuqtiqaqłuni.” Tavraasii iñuich annautiŋagaat Jonathan tuqutauniksrakkaluaŋaniñ.