Luke 12:41 - Iñupiatun Mumiksat Uqalugiksuat

⁴¹ Peter uqallaŋaruq, Ataniiq, quliaqtuaġiviuŋ taamna uuktuun sivuniġivluta naagga sivuniġivlugich iñupayaat?

Luke 12:41 Iomraidhean Croise

Mark 13:37

Aasii uqallautiga ilivsiññun, uqallausiġigiga iluqaiññun, Quviqtaiḷisitchi.

Mark 14:37

Jesus utiŋaruq piŋasunun iḷitchitquramiñun, aasii tautukługich siñiktuat. Peter uqallautiŋagaa, Simon, siñikpich? Quviqtaiḷiyumiñaiñŋavich atautchimiunnii ikarraġmi?

Luke 12:47

Aasii taamna kivgaq iḷisimaŋagaluaqłuni ataniġmi pisuutaanik, aasii itqanaiyaŋitchuaq kamagiŋił̣ł̣ugulu pisuutaa ataniġmi, ipiġaqtuusiaqapalugniaqtuq.

Luke 12:48

Aglaan kivgaq naluruaq ataniġmi piraksriutaanik, pigaluaqtuaq ipiġaqtuusiaqaġnaġumiñaqtuamik, ipiġaqtuusiaqapiaġniaŋitchuq. Iñupayaaq savaaksriusiaqpaqaqtuaq Atanġum niġiugviginiaġaa tainnatun pitqulugu, suli iñupayaaq savaaksriusiaqavsaaqtuaq niġiugvigirauvsaaġniaġmiuq tainnatuttauq pitqulugu.

1 Peter 4:7

Isuksraŋat supayaat qalliruq. Ilivsiññik aŋalalluataġitchi nipuŋaiḷḷusi aŋaiyyuyumiñaġumausi.

1 Peter 5:8

Aŋalalluataġitchi ilivsiññik. Nipuŋaitchitchi. Qanuq akiḷḷiqsi Tuunġaq ataramik ukpiġutaiqsitchiñiaqtuq ilivsiññik, iqsiñaqtuatun ugiallavluni lion-tun kukiḷuktuatun sumulliqaa niqiksraqsiuqłuni.