Luke 12:4 - Iñupiatun Mumiksat Uqalugiksuat

⁴ Uqallautigivsi, uvaŋa avilaitqatiitkaa, sivuuġaginagich tuqutchiruat timimik, taavruma aquagun sunnikkumiñaitchuat.

Luke 12:4 Iomraidhean Croise

Proverbs 29:25

Anayanaqtuq isumaaluutigiruni qanuq iñugnun isummatigitilaamik, aglaan ukpiġigupku Ataniq anayanaitchuq.

Matthew 10:28

Suli sivuuġaginagich iñuich tuqutchiruat timimik qanuq suksraunġiġumiñaitkaat ilitqusiq, sivuuġagiłhaaqsiuŋ God suksraunġiiḷḷaruaq iluqaagnik ilitqutchimiglu timimiglu nagliksaaġviŋmi.

John 15:13

Kiñaliqaa kamanałhaaqtuamik piviuttaqqutaitchuq uumaŋŋa, iñuum tuqqutigimmagich avilaitqatini.

Acts 20:24

Aasii tamatkua sivuuġagiŋitkitka. Sugiŋitkigalu tuqutkaluaqpanŋa. Naatchisuktuŋa tiliraunimnik alġaqsruiñimniglu Atanġum Jesus piraksriŋammaŋa quliaqtuaġutitquvlugich iñuich tusaayugaaġiksuanik, God-mun annautiyumiñaġnivḷugich nagliktuutiqpaŋmigun.

Acts 4:13

Tavra uqaqsitaaqtitchirit iḷitchuġikamiŋ Peter-lu John-lu taluqsraŋisilaaŋaŋnik, suli iḷisaŋaisilaaŋaŋnik iñugruiññauvlutiglu, kamasuliŋarut. Tavra iḷitchuġiŋarut piqatauŋatilaaŋaŋnik Jesus-mun.

Philippians 1:28

Iqsitchaktinnasi akiḷḷiḷiqsuqtivsiññun. Qulluaŋairrutivsi qanuqpisiiḷḷiñiaġai suksraunġiqsauniaqtilaaŋannik, suli ilivsi annaurrauyumaaqtilaavsiññik, qanuq God-im akimmasiġaasi.

James 2:23

aasii Bible uqaluŋich taŋŋiqsauŋarut uqaluqaqtuat inna, “Abraham ukpiġiŋagaa God, aasii taavruma nalaunŋasiŋagaa sivuġaani God-im.” Aasii ilaa tairauŋaruq avilaitqataanik God-im.

1 Peter 3:14

Aglaattauq nagliksaaġaluaġuvsi pisigilugu nalaunŋarualiqiniq, quviasaaġusiaqaġniaqtusi. Sivuuġaginagich iñuich, naaggaunnii uŋiarrisaġinagich.

Revelation 2:10

Sivuuġaginagu nagliksaaġutigiyumaagaqsikkaqsi. Uvva, Tuunġaum isiqtaupkaqsaġumaagaqsigai iḷasi, uuktuaqtautquvlusi. Tavraasi uvluni qulini iłuiḷḷiuġutiqpaqaġniaqtusi. Ukpiġutiqaġitchi tuqunivsiññun aglaan, aasiiḷi akiḷiññiaġivsi iñuggusiġḷusi isuitchuamik niaquġusiġmatun.