Luke 12:1 - Iñupiatun Mumiksat Uqalugiksuat

¹ Iñuich iñugiaksiqpapiaġataqłutiŋ iḷimmata katittuat atautchimun tunmautillasiḷaaqamik unnii, Jesus uqautirraqsiŋagai iḷitchitqurani, Qaunagisitchi imaksrautiŋiññiñ Pharisees, sivuniġigiga ukpiŋŋuaġutaat.

Luke 12:1 Iomraidhean Croise

2 Kings 7:17

Tavraasii umialgata Israel munaqsriḷiŋaniġaa iniqpaum paaŋa atanauramik ikayuqtigisuuramiñik ilaata. Taamna atanauraq tunmalugivlugu tuqunniġaat iñuich, Elisha-m uqallausiatun umialgum ullaŋammani.

Makpiġaaŋa Job-gum 20:5

piḷuusiqirit quviasuyuitchut sivisuruami.

Makpiġaaŋa Job-gum 27:8

Sumik niġiukkutiqaġniaqpat god-taiḷaqtuat God-im iñuggutaiqpatiŋ?

Makpiġaaŋa Job-gum 36:13

Iñuich god-aiḷaqtuat qinnaŋasuŋaiññaġuurut, tatavsausiaqaqamikunnii, ikayuqtisiulaitchut aŋaiyyutikun.

Luke 11:44

Naglignaqtusiuvva ilivsi Pharisees, qanuq iḷuvviviktun ittusi nalunaiñŋutaitchuatun. Iñuich pisuaġvigikkaŋisun qaaŋatigun naluvlugich, aasii salumaiḷivḷutiŋ pitqurat uqaluatigun. Ukpiŋŋuaġnivsigun asiñuutigisi iñuich.

Luke 12:56

Ilivsi ukpiŋŋuaqtuasii, iḷisimagaluaqtusi siḷaksramik qiññaŋagun nunam qiḷauvlu, aglaan kaŋiqsiḷaiññiġiksi suliqitilaaġa.

Luke 5:1

Tavra Jesus makitaŋaruq siñaani tasiata Gennesaret. Tavrani iñuich katilġataviŋarut naalagumavlutiŋ uqaluanik God-im.

Luke 5:15

Tavra siamiłhaaqsiññaŋaruq uqaluk ilaagun, aasii iñugiapiaġataqtuat iñuich katinŋarut naalagiaqłutiŋ suli iłuaqsipkaġiaqłutiŋ naŋirrutimiŋniñ.

Luke 6:17

Tavra Jesus atqaqatigiŋagai iḷitchitqurani qimialuŋmiñ, aasii makiłłuni qaiqsuami nunami piqatigivlugich iñusalaich iḷitchitquraliutiruat inmiñun. Allallu iñugiapiaġataqtuat iñuich qairuat iluqaaniñ Judea-miñ Jerusalem-miḷḷu taġium siñaaġmiullu Tyre-miñ Sidon-miḷḷu.

Acts 21:20

Naalaktuaganikamirruŋ Paul, iluqaġmiŋ God nanġaŋagaat. Aasii Paul uqallautiŋagaat, Aniqaan, iḷisimarutin iñugiapiaġataqtut Jew-guruat ukpiliŋaruat, iliŋisa siġmaaġutigigaich pitqurat.

1 Corinthians 15:3

Alġaqsruiŋaruŋa ilivsiññun naumaniqsrauruanik iḷisaurrutinik aitchuusiaġiŋakkamnik, taamna Christ tuquŋanivḷugu piḷuutivut pisigivlugich, taŋŋiqł̣ugich Bible unniqsuqłiisigiŋakkaŋich taavruma sivusaaġruani.

Hebrews 12:22

Aglaan qaiŋarusi Iġġianun Zion iniqpaŋanun iñuuruam God-im, Jerusalem-mun qiḷaŋmiittuamun, isaġuliŋnullu kisiññaġumiñaitchuanun quviasukłutiŋ kasimaruat,

James 3:17

Aglaan isumattutim paŋmaŋŋaqtauruam iñuk piḷuutaisitkaa aŋuyautairrutiqaqtitkaalu pikałaktautairrutiqaqtitkaalu uqayunaqtitkaalu, suli nagliktuiḷḷatuqpaktuq anniqsuiḷḷaturuġlu, atunim aŋalatkai iñuich, naagga piŋŋuaġutaitchuq.

1 Peter 2:1

Tavra aġiusigik iluqaisa pigiitchuat. Sagluuŋaiġitchi ukpiŋŋuaŋaiġḷusiḷu killuqsraŋaiġḷusiḷu tiġliraqłiŋaiġḷusiḷu.