Luke 11:9 - Iñupiatun Mumiksat Uqalugiksuat

⁹ Aŋaiyyuguvsi, qapiŋaiḷḷusi qiññuaqtuġitchi aitchuusiaqaġniaqtusi, qapiŋaiḷḷusi ivaqłiasitchi paqinniaġiksi ivakkaqsi, qapiŋaiḷḷusi tigluktuġitchi aasii upkuiġutiniaġaasi.

Luke 11:9 Iomraidhean Croise

Psalms 118:5

Iłuiḷḷiuqama ququullavigiŋagiga Ataniq; kiuŋagaaŋa suli qiḷiqsimmatitka piiqł̣ugich.

Psalms 27:4

Apiqsriaġianiŋagiga atausiq Ataniġmiñ; atausitualuk pisuktaġa: iñuusukłuŋa Atanġum igluani iñuuniqtutilaamni, Aliuġiugaġluguasii Ilaan nakuuruaguniŋa, ivaġlugulu ilaan pisuutaa.

Psalms 27:8

Uqallakkavich, “Qaiḷutin ivaġiaŋŋa,” kiugikpiñ, “Ivaġniaġiga kiiñan, Ataniiq.”

Psalms 34:10

Lion-gich unnii kaaliġuurut niqaiḷḷiuqamiŋ, kamaksriruat aglaan Ataniġmik piiḷḷiulaitchut nakuuruanik.

Psalms 34:4

Aŋaiyyukama Ataniġmun, Ilaan kiugaaŋa; qiḷiqsimaŋaiqsiłłuŋa sivuuqqatipayaamniñ.

Psalms 50:15

Ququulaŋŋa iłuiḷḷiuġun qaikpan; annautiniaġikpiñ, ilviḷḷi nanġaġniaġigma.”

Matthew 21:22

Suli supayaamik apiqsriguvsi aŋaiyyutigilugu, aitchuusiaġiniaġiksi ukpiġutiqaġuvsi.

Matthew 21:31

Nalliakta nalautpauŋ aapami pisuutaa? Ilaisa kiuŋagaat, aŋayukłium. Jesus uqallautiŋagai, Iḷumun uqallautigivsi, tax-iñik katitchirit akiitchullu isiqqaaġniaqtut atanniqsimavianun God-im sivuliglusi.

Matthew 6:29

uqallautigivsi, Solomon unnii qanutun kamanaqtigigaluaqłuni annuġaaŋaitchuq atautchisun-unnii tamatkunatun nauriatun qiñiyunaqtigiliġḷuni.

Mark 11:24

Tavraasii uqallautigivsi, supayaat kipiġniuġutigikkasi, aŋaiyyutigiguvsigik ukpiġitchi aitchuusiaġiniḷugich, tavra piginiaġisi.

Mark 13:37

Aasii uqallautiga ilivsiññun, uqallausiġigiga iluqaiññun, Quviqtaiḷisitchi.

Luke 11:10

Qanuq iñupayaaq qiññuaqtuqtuiññaqtuaq aitchuusiaqallaruq, suli ivaqłiatuiññaqtuaq paqitchivḷuni, iñuk suli tigluktuqtuiññaqtuaq upkuiġurriqaġniaqtuq.

John 14:13

Sunapayaaq apiqsriaqsi atipkun, piñiaġiga, Aapa kamanaqsipkaqtautqulugu Iġñikun.

John 15:16

Ilivsi piksraqtaaġiŋaitkivsiŋa, aglaan uvaŋa piksraqtaaġiŋagivsi aasii nalunaiqł̣usi aullaqtuksrauvlusi quliaqtuaġutiyaqtuġlugich iñuich tusaayugaaġiksuanik ukpiġumiñaqsiḷugich. Iliŋich siiġñiaġimmatun piñiaġisi nuŋulaiḷaagummatun illugich. Tavraasii sunapayaaq apiqsriaġikkaqsi Aapamun atipkun, ilaan aitchuutigiyumiñaġniaġaa ilivsiññun.

John 15:7

Ilivsi atausiŋŋuqatigimaaġuvsiŋa suli kamagituiññaġlugich uqalutka, apiqsrisitchi supayaamik pisukkavsiññik qaisauniaqtuq ilivsiññun.

John 4:10

Jesus kiuŋagaa, Iḷisimaŋagupku suutilaaŋa aitchuutaa God-im, suli kiutilaaŋa qasiḷiruaq iliŋniñ imiksritquvluni, tavra qasiḷiqqaaġumiñaŋagaluaqtutin ilaanun aasii aitchuġumiñaŋagaluaġaatin iñuunaqtuamik imiġmik.

Romans 2:7

Tamatkua qiñuiqł̣utiŋ nalautchiruat God-im pisuutaanik, ilaan aitchuġniaġai iñuggunmik isuitchuamik, tamatkua niġiuktuat kamanaqsipkaqtauniksramik God-miñ.

2 Corinthians 6:2

Qanuq Bible-ni God uqallaŋaruq, “Piviksraq nalautinman, iviġaumagiŋagiga naalaġniñiksraġa ilivsiññik. Uvaŋa ikayuŋagivsi annaurrauniksraqsi tikiñman.” Uvva paŋmapak God-im akuqtuiviksraŋa uvaptiŋnik nalautittuq. Uvva paŋmapak annaurrauniksraq nalautittuq.

Hebrews 11:6

Tavra kialiqaa ukpiġutaitchuam iviġagumiñaipiaġaa God. Qanuq kiñaliqaa qaisuktuaq God-mun ukpiqtuksraupiaqtuq God-iqaġniḷugu, suli paqitillaniḷugu tamatkunuŋa ivaqłiapiaqtuanun inmiñik.

Hebrews 4:16

Tavraasii nalupqisuŋiḷḷuta qalliḷaaqta God-mun, nagliktuutiqaqtuamun, nagliktuusiaqaġumaugut aitchuusiaqaġlutalu nagliktuutiqpakkun ikayuusiaksraptiŋnik ikayuqtiqaqtuksraġuġupta.

James 1:5

Kiñapayaaq isumattutaiḷḷiuġumi, qiññuaġli God-miñ aasii isumattutiksriññiaġaa. Qanuq God aitchuiḷḷaruq iñupayaanun nauttaasuŋaġnani, qiññuaġniġaqłilaitchuġlu.

James 5:15

Aasii ukpiġutiqaqłutiŋ aŋaiyyutaata iłuaqsipkaġniaġaa naŋittuaq, aasii Atanġum naŋinŋaiqsinniaġaa, aasii piḷuusiqiŋaniqpan suliqutigiŋaiqsauniaqtut itqaumayumiñaiġḷugich.

1 John 3:22

aasii akuqtuisuurugut ilaaniñ supayaamik apiqsriaptiŋnik, qanuq kamagigivut pitquraŋi suli pivḷugu suna iviġaumanaqtuaq ilaanun.

Revelation 2:24

Aglaalli ilivsi iḷasi Thyatira-mi kamaksriŋaitchut taavrumiŋa pigiitchuakun iḷisaurrunmik, iḷisaaġiŋaitkiksi iñuich tairaŋat nalupkapiaġatakkaŋa Satan-gum. Sumik allamik piraksriġñiaŋitkivsi,