Luke 11:51 - Iñupiatun Mumiksat Uqalugiksuat

⁵¹ Pasiraurusi iluqaisigun nalaunŋaruatigun iñuktauruatigun, Abel-miñqaŋa Zechariah-mun, tuqutauruaq akunġagni ikipkaiviuvlu inivḷu ilaaguaqtauruam God-mun. Uqallautigivsi taavrumiŋa, qanuq iñuktauruat iluqaisa pisigilugich, tatavsaqtauniaqtusi iñuuruasii makkunani uvluni.

Luke 11:51 Iomraidhean Croise

Genesis 4:2

Aquvatigun iġñiqalgitchuq, Abel-mik. Abel imnaiḷiqiriġuŋaruq, aglaan Cain nunaliqirauvluni.

Matthew 23:35

Ilivsi iñuich tatavsaqtauyumausi iñuaqtuġnivsigun nalaunŋaruanik iñuŋnik iñuktauniŋaniñqaŋa patchisaitchuam Abel-gum iñuktauniŋanunaglaan Zechariah-m Barachiah-m iġñiŋata, iñuktaġikkavsi aŋaiyyuvikpaŋmi, akunġagni inivḷu ilaaguaqtauruam God-mun, ikipkaiviuvlu.

Hebrews 11:4

Abel ukpiġutiqaqłuni God-mun aitchuiŋaruq akuqtuġnałhaaqtuamik ikipkaunmik Cain-miñ, taavrumuuna ilaa iviġaumakkusiaqaŋaruq nalaunŋarualirauvluni. God-im nalunaiŋagaa iviġaumatilaani akuqtuqługich aitchuutiŋi. Abel tuquŋagaluaqtuq, ukpiġutaaniñ iḷitchiyumiñaqtugut suli.

Hebrews 12:24

Qaiŋammiusi Jesus-mun, atisipkaiñiaqtauruamun, aitchuqłuta God-im nutauruamik sivunniuġutaanik. Nalupqinaiŋagaa God-im sivunniuġutaa maqipkaqługu auni, iḷisaurriruaq iłuałhaaqtuanik uvaptiŋnun Abel auŋaniñ.

1 John 3:12

Ittuksrauŋitchugut Cain-tun pigiitchuamiñ piruatun iñuktaġivlugu aniqatini. Aasii summan iñuktaġiŋavauŋ? Iñuktaġiŋagaa ilaan savaani pigiił̣ł̣utiŋ aasii aniqataan nalaunŋaruaguvlutiŋ.