Luke 11:41 - Iñupiatun Mumiksat Uqalugiksuat

⁴¹ Savaaġisigik nagliktuiñisi uummativsiññiñ iluqaaniñ. Tainna piguvsi, iḷisimanaqtinniaġiksi uummativsi salumatilaaŋa.

Luke 11:41 Iomraidhean Croise

Psalms 112:9

Sigñataił̣ł̣uni aitchuiraqtuq piiḷḷiuqtuanun, iluaqtualiqirauniŋa taimuŋa inniaqtuq; ilaa suaŋŋatiqaġniaqtuq suli qiksigirauluni qutchiksuakun.

Psalms 41:1

Quviasuglich isumaaluutiqaqtuat piiḷḷiuqtuanik; Atanġum ikayuġniaġai siġġaqiliqpata.

Proverbs 14:31

Aŋalamaqłukkupkich iḷiappauruat iñuich, kipagigiñ God savaŋaruaq iliŋiññik; aglaan aŋalalluataiñiq iliappauruanun nanġairuatun ittuq.

Proverbs 16:6

Iḷumutuuġlutillu ukpiġutiqaġutillu aasii God-im suliqutigiŋaiġñiaġai piḷuutitin. Kamagilugu Ataniq aasii pigiitchuam naŋaġniaġaatin.

Proverbs 19:17

Aitchuiguvich piiḷḷiuqtuamun, atukkitchiruatun Ataniġmun ittuq, aasii Atanġum utiqtitchiñiaġaatin.

Matthew 26:11

Ataramik nayuqtigigisi iḷiappauruat, aglaan uvaŋa nayuqtiginiaŋitkivsiŋa ataramik.

Matthew 5:42

Aitchuqsiuŋ iñuk piatchiaqtuaq ilivsiññiñ, suli itigaurraqtinnagu iñuk attaqsiruaq ilivsiññiñ.

Mark 7:19

qanuq isiŋitchuq isumaqaġvianun aglaan aqiaġuanun, aasii anivḷuni timaaniñ. Tainna uqallakami, Jesus niġiñaqtualigai niqipayaurat.

Luke 12:33

Tavraasii tunisigik suġalisi, aasii nagliktuutigilugich. Tainna piguvsi maniqaġviqaġmatun maqulaitchuanik inniaqtusi, suġaliqaġmatun qiḷaŋmi nuŋulaiḷaanik. Tatpagmani tigligayuktit piyumiñaitkaich, qupilġullu maqunniaŋitkaich.

Luke 16:9

Tavra Jesus uqallavsaaŋaruq, Uqallautigivsi, avilaitqasiuġitchi ilivsiññun nagliktuġlugich iñuich suġalivsiññiñ. Tavraasii suġalisi nuŋukpata, paġlapiaġniaġaasi isuitchuamun aimaaġviŋmi.

Luke 18:22

Tavra Jesus taamna tusaakamiuŋ, ilaan uqallautiŋagaa, Atautchimik piraksraqavsaaqtutin suli. Aullaġiñ, tunikkich supayaat pisin, aasii aitchuutigilugich maniich iḷiappauruanun, tavra piiḷḷiuġniaŋitchutin qiḷaŋmi. Aasii qaiḷutin maliŋŋa.

Luke 19:8

Aglaalli Zacchaeus makiłłuni sivuġaanun uqallaŋaruq Ataniġmun, Ataniiq, avvaŋich suġaliġma aitchuutiginiaġitka iḷiappauruanun, suli saglutaġniġupku kiñapayaaq supayaakun, utiqtitchiviginiaġiga sisamaŋŋuġlugu.

Acts 10:15

Tavra nipim nivliutitqiŋagaa igḷuani, Sut God-im salummaanikkaŋi, isummatiginagich salumaitchuagulugich.

Acts 11:29

Tavra ukpiqtuat sivunniiŋarut iñupayaaq aitchuiyumiñaqtilaamisun tuyuquvlugu ikayuutiksranik aniqatiinun iñuuruanun Judea-mi.

Acts 24:17

Piitqaaqłuŋa ukiuni iñugiaktuani Jerusalem-miñ, utiŋaruŋa saagaqługich maniich aitchuutit uvagut iñuptiŋnun, aitchuiyaqtuqłuŋalu ikipkautinik.

2 Corinthians 8:12

Kipiġniupiaġuvsi aitchuisuglusi, naumaniqsrauŋitchuq qanutun aktilaaŋa aitchuutivsi. God-im aitchuitqugaasi pigikkavsiññiñ, pigiŋisavsiññik apiqsriŋitchuq.

Ephesians 4:28

Tavraŋŋaaglaan tigligaqti tigligaŋaiġḷi, aglaan savagli saglutaġautaitchuakun, aitchuutiksranikkumauq piiḷḷiuqtuanun.

Titus 1:15

Niqipayaurat piraġautchiḷḷu salumarut, akuqtuġnaġumiñaqtullu ukpiqtuaguruanun isummasiqaqtuanun nalaunŋaruamik God-itun, aglaalli sumik salumaruagitchuq tamatkunuŋa piḷuusiqirauruanun ukpiŋaitchuanullu, qanuq isumaqaġviŋich isumaŋiḷḷu salumaitchut piḷuktuaguvlutiŋ.

Hebrews 13:16

Nakuurualiqiugaġitchi suli saqqiqinnillaalusi pigikkavsiññiñ, qanuq God-im tainnatchich aitchuutit iviġaumagigai.

Hebrews 6:10

Qanuq God nalaunŋaruq. Naluruuraaġniaŋitkaa ikayuutiksi, piviuttaqqullu iḷisimanaqtitaqsi savautikavsigik ukpiqtuat ilaa pisigivlugu, piḷġusivsisun paŋmapak.

James 1:27

Uvva innaittuq God-im nalaunŋarualikkaŋa iḷumutullu ittualivḷugu ukpiqtuaguniq, takulugich aŋayuqaagiŋaruat, uiḷgaŋaruallu piiḷḷiuqpata, suli qaunagiluni inmiñik piḷuksisuŋiḷḷuni nunam iñuŋisun.