Luke 11:4 - Iñupiatun Mumiksat Uqalugiksuat

⁴ Suli suliqutigiŋaikkich itqaumayumiñaiġḷugich piḷuutivut, qanuqtauq suliqutigiŋaiġuummigivut itqaumayumiñaiqł̣ugich iñupayaat piḷuutiŋich uvaptiŋnun. Ikł̣igutchaktinniaqtinnatigut, [annautilutalu piḷuktuamiñ.]

Luke 11:4 Iomraidhean Croise

Genesis 48:16

Isaġulgumtuq, annaurrisuuruam uvamnik anniġñiksrakkaluamniñ, quviasaaġunmik aitchuġligik! Atiġatuq suli atiŋik aapagma Abraham-lu Isaac-guvlu sivunmun iñuuyumaut ukugnuuna nukatpiaġruukkun! Miqłiqtuukkaġumauktuq, iñugiaktuanik kiŋuniiqaġutiŋ!”

1 Kings 8:34

naalaġnisaġitin qiḷaŋmi. Suliqutigiŋaiġḷugich piḷuutiŋich iñugiraqpich suli utqutilugich nunamun qaiñŋaraġnun maŋŋuuŋiñun.

1 Kings 8:36

naalaġnisaġitin qiḷaŋmi. Suliqutigiŋaigḷugich piḷuutiŋich umialgum suli iñuŋisa Israel, aasii iḷisautilugich nalaunŋaruanik. Tavraasii, Atanġuruatiin, sialuktitchaġiñ mattumuŋa nunaŋnun, qaiñŋaraġnun iñugiraġnun nunaksrirrutigivlugu.

Psalms 121:7

Atanġum munaġiniaġaatin piaġiitchuapayaaniñ; qaunagiugaġniaġaatin.

Psalms 25:11

Nalautitkich unniqsuqłiutitin, Ataniiq, suliqutigiŋaiġḷugiḷḷu piḷuutitka, atakkii iñugiaktut.

Psalms 25:18

Isumalaaġutigiuŋ iluiḷḷiuġutiga nagliksaaġutigalu suliqutigiŋaiġḷugiḷḷu piḷuutipayaatka.

Matthew 18:35

Tasamma tainnatuttauq Aapama qiḷaŋmiittuam piñiaġmigaasi iluqasi, ilivsi iḷumutun suliqutigiŋaiḷaitkuvsiuŋ itqaumayumiñaiġḷugu aniqativsi piḷuutaa ilivsiññun.

Matthew 26:41

Quviqtaiḷisitchi aŋaiyyusitchiḷu, iḷaanni payaripkaqpiaqtusi ikł̣igutchaktinniaġunmun. Iḷumun ilitqusisi piyummatiqaġaluaqtut, timisi sayaitchut.

Luke 11:5

Tavra Jesus uqallautiŋagai iḷitchitqurani, Nalliqsi avilaitqatiqaqtuaq ullautiyumiñaqpa ilaanun unnuam qitqani aasii uqallautilugu, Avilaitqaan, atukkiñŋa piŋasunik punniġnik,

Luke 13:4

Qanuqtauq aasii taipkua 18-guruat kattaqikkaŋi nasiqsruġviata Siloam tuqułługich, Isummatigivisigik piḷułhaaqłutiŋ tuqutaunasugalugich iluqaiññiñ iñuuruaniñ Jerusalem-mi?

Luke 22:46

Tavra ilaan uqallautiŋagai, Summan siñikpisi? Makillusi aŋaiyyusitchi payariŋitchumagaasi ikł̣igutchaktinniaġutim.

Luke 8:13

Allalli iñuich ittut nautchiaksratun kataktuatun uyaġauruamun nunamun. Tusaapqauraqamirruŋ uqaluk, quyyatigivlugu akuqtuġaat. Aglaan akuqtuaġiŋiññiġaat uqaluk naamasiḷugu tuniqsimmatiksraqtiŋ, nautchiaksratun maŋŋuqavigruaŋitchuatun iłłutiŋ. Ukpiliḷḷakkaluaqłutiŋ uuktuaġusiat qaimmata nikatchaktut aasii qapiqłutiŋ.

John 17:15

Aŋaiyyuŋitchuŋa iliŋnun piiqulugich nunamiñ, aglaan qaunagitquvlugich Tuunġaġmiñ.

1 Corinthians 10:13

Qanupayaaq ikł̣igutchaktinniaqtauguvich, tainnatchikuttauq iluqaġmiŋ iñuich ikł̣igutchaktinniaqtauŋammiut. Aglaan God ukpiġnapiaqtuq, ikł̣igutchaktinniaqtaupkaġniaŋitkaatin qaaŋiġḷugu manimmiyumiñakkan. Ikł̣igutchaktinniaqtauguvich, ilaan akimmasiġñiaġaatin akimayumiñaqsiḷutin.

Colossians 3:13

piaqłuktautiŋaiġḷusi avanmun. Iñuk uqaallatiksraqaġaluaġumi allamun iñuŋmun, suliqutigiŋaiġḷiuŋ itqaumaŋaiġḷugu uqaallatiksraq. Atanġuptauq suliqutigiŋaiŋammagich piḷuutivut itqaumayumiñaiqł̣ugich, tainnatulli uvagut suliqutigiŋaigaksraġigivut allat pimaqłuutiŋich uvaptiŋnun.

2 Thessalonians 3:3

Ataniq ukpiġnapiaqtuq. Ilaan suaŋŋasiġñiaġaasi suli qaunagilusi pigiitchuamiñ.

2 Timothy 4:18

Suli Atanġum annautiniaġaaŋa iluqaaniñ pigiitchuamiñ, annautiluŋa qiḷaŋmiittuamun atanniqsimaviŋmiñun. Ilaa nanġaqtauli isuitchuamun taimuŋa. Amen.

James 2:13

Qanuq iñuk nagliksralaitchuaq God-im nagliginiaŋiñmigaa isivġiġumiuŋ, aglaan nagliktuun akimaniaqtuq nagliktauruaq isivġiqsaukpan.

Revelation 2:10

Sivuuġaginagu nagliksaaġutigiyumaagaqsikkaqsi. Uvva, Tuunġaum isiqtaupkaqsaġumaagaqsigai iḷasi, uuktuaqtautquvlusi. Tavraasi uvluni qulini iłuiḷḷiuġutiqpaqaġniaqtusi. Ukpiġutiqaġitchi tuqunivsiññun aglaan, aasiiḷi akiḷiññiaġivsi iñuggusiġḷusi isuitchuamik niaquġusiġmatun.

Revelation 3:10

Pisigivlugu kamaksriŋaniqsi piraksriutimnik qiñuiqł̣uni igḷutuiñikun, uvaŋa qaunaginiaġivsi uuktuaqtauguvsi qaiñiaqtuamiñ iñupayaanun, uuktuaġuglugich iñupayaurat nunamiittuat.