Luke 11:2 - Iñupiatun Mumiksat Uqalugiksuat

² Tavra Jesus uqallautiŋagai, Aŋaiyyuyumausi inna, Aapavut qiḷaŋmiittuatiin, iñuich qiksigilisin. Ilivich Atanniqsimakkich iñupayaat. Ilivich pisuutin taŋŋiqsauli nunami iluqaani qiḷaŋmi pimmatun.

Luke 11:2 Iomraidhean Croise

1 Kings 8:43

naalaġniyumagiñ aŋaiyyutaa. Qiḷaŋmi iñuuvigñi, tusaasaġiñ suli savautilugu apiqsriaŋanik iliŋniñ, iñupayaurat nunami iḷitchuġiyumagaatin suli kamagillasiḷutin, iñugiraqpich Israel-guruat piḷġusiatitun. Tavra iḷitchuġiniaqtut una Aŋaiyyuvikpak nappaŋaraġa nanġaiviksrautautilaaŋanik iliŋnun.

2 Kings 19:19

Tavraasii Ataniiq God-igiraptigiñ, annautisigut Assyria-ġmiuniñ, iluqaġmiŋ nunaqpaupayaaqtuat nunami iḷitchuġiyumaut kisivitualuk, Atanġuruatiin, God-autilaaġnik.”

Psalms 103:20

Nanġaqsiuŋ Ataniq, suaŋŋatiqaqtuasii isaġulgich, kamaksriugaqtuasii piraksriutiŋiññik, naalaġnivḷusi uqaluanik.

Psalms 108:5

Tautuktirruŋ kamanaqtilaan siḷami, God-auruatiin, suli kamanautin nunapayaamiḷu.

Psalms 11:4

Ataniq salumaruami aŋaiyyuvikpagmiñiittuq; aquppiviqaqtuq qiḷagmi. Ilaan qiñiqtuaġuugai iñuich sumipayauraq iḷisimammigai suliqitilaaŋiññik.

Psalms 57:11

Tautuktirruŋ kamanaqtilaan siḷami, God-auruatiin, nunapayaamiḷu.

Leviticus 10:3

Tavraasii Moses-gum uqallautiŋagaa Aaron, “Tavra taamna Atanġum uqautigiraŋa uqallakkami inna, ‘Iluqaġmiŋ savaurriruat uvamnik qiksigiruksraġigaat salumaruaguniġa; qiñiqtinniaġiga qaumaniġa iñugiramnun.’” Aglaan Aaron nipaił̣uksiruq.

Leviticus 22:23

Aasii piyummatigilugu aitchuiñiaġuvich aitchuiyumiñaqtutin niġrunmik agliḷaiḷauramik naakka sulliñiġiitchuamik, aglaan akuqtuqtauniaŋitchuq taŋŋiqsaġlugu unniqsuqłiun.

Matthew 10:32

Tavra kialiqaa quliaqtuaġigumiŋa iñuŋnun piginiḷuni uvamnun, uvaŋaptauq tainnatun piñiaġmigiga Aapamnun qiḷaŋmiittuamun.

Matthew 3:2

Uqaqłuni, isumalitqigitchi, qanuq God-im atanniqsimasaaqsigai iñuich.

Matthew 5:16

Tainnatulli qaummatitun qaummaġigitchi nakuurualiqilusi, iñuich tautukkumagaich nakuurualiqiasi aasii nanġaġlugu Aapari qiḷaŋmiittuaq.

Luke 11:1

Tavra Jesus iḷaanni aŋaiyyuŋalgitchuq, aasii aŋaiyyuaniŋman iḷaŋata iḷitchitquraŋisa uqallautiŋagaa, Ataniiq, iḷisauttutigut aŋaiyyuniġmik, John-tuttauq iḷisaurriruatun iḷitchitquraġmiñik aŋaiyyuniġmik.

Romans 1:7

Paġlagivsi iluqasi Rome-miittuasii, God-im piviuttaġiraŋasi, ququaqtauŋaruasii ilaaguaqtautquvlusi ilaanun. Nagliktuusiaqpaqaġitchisuq tutqiunmiglu God-miñ Aapaptiŋniñ, Ataniptiŋniḷḷu Jesus Christ-miñ.

Romans 8:15

Ilitqusiġiksuam aitchuusiavsi iḷisimapkaġaasi tiguaqtauvlusi miqłiqtuġitilaavsiññik God-mun, sivuuqqataiqł̣usiḷu tatavsausiaksramun isuitchuamik. Tavraasii tuqłuġumiñaġikput God Aapaaġlugu.

1 Corinthians 1:3

Nagliktuusiaqpaqaġitchi tutqiunmiglu God-miñ Aapaptiŋniñ, Ataniptiŋniḷḷu Jesus Christ-miñ.

2 Corinthians 1:2

Nagliktuusiaqpaqaġitchisuq tutqiunmiglu God-miñ Aapaptiŋniñ, Ataniptiŋniḷḷu Jesus Christ-miñ.

Galatians 1:4

Christ tuquŋaruq aŋarraurami piiġukługich piḷuutivut, annaurrautquvluta iñuutchimiñ piḷuktuami iñuuniġmiñ nunam iñuŋisun. Christ taamna piŋagaa pisuutigimmagu God-im Aapapta,

Ephesians 1:2

Nagliktuusiaqpaqaġitchisuq tutqiunmiglu God-miñ Aapaptiŋniñ Ataniġmiḷḷu Jesus Christ-miñ.

Philippians 1:2

God-tiptuq Aapapta Atanġuvlu Jesus Christ tutqiutiqaqtillisi nagliktuusiaqpaqaqtillusiḷu.

Philippians 4:20

God-ikput Aapalu nanġaqtauli isuitchuamun. Amen.

Colossians 1:2

Tuyuutaurut ilivsiññun ilaaguaqtauruanun God-mun, atausiŋŋuqatauŋaruanun Christ-mun, aniqatinun ukpiġnaqsiŋaruanun ilaanun Colossae-miittuanun, God Aapavut nagliktuutiqpaqaġlisuq tutqiutiqaqtillusiḷu.

1 Thessalonians 1:1

Paul-lu Silvanus-lu Timothy-lu tuyuqtut ukuniŋa tuyuutinik aŋaiyyuliqiruanun iniqpaŋmi atiqaqtuami Thessalonica-mik, atausiŋŋuqatauŋaruanun God-mun Aapamun, Ataniġmullu Jesus Christ-mun. Nagliktuusiaqpaqaġitchisuq tutqiunmiglu.

1 Thessalonians 1:3

Quyyavigigiga God Aapavut pisigivlugich savaasi qanuq ukpiqtuaguvlusi, suli siġġaqutisi qanuq piviuttaqsrivḷusi, igḷutuutilguniqsiḷu qanuq niġiugiugaqługu qaitqigñiksraŋa Atanipta Jesus Christ.

2 Thessalonians 2:16

Paŋmapaktuq qapiŋaisaaġusiaqaġitchi Ataniptiŋniñ Jesus Christ-miñ God-miḷḷu aapaptiŋniñ, piviuttaqsriŋaruaŋniñ uvaptiŋnik tilivḷugu Iġñini annautitquvluta, qapiŋaisaaqtuaqtiptiŋniñ ataramik, suli piyummatiqaqtitchiruaŋniñ quvianaqtuamik iliŋikta nagliktuutiqpaŋmikkun.

Revelation 11:15

Tavrani tallimat malġuat isaġulgich nipauqłuktaŋaruq. Aasii nipatuvlutiŋ nipit nivliŋarut qiḷaŋmi uqaqłutiŋ, Umialgutaa nunam umialgutigiliutigaa Atanipta Christ-ŋatalu aasii ilaa atanniqsimanniŋniaqtuq taimuŋa isuitchuamun.

Revelation 15:4

Kia qiksiginiaŋitpatin Ataniiq? Kia uqautigisuŋiññiaqpauŋ kamanautin? Qanuq kisivich piḷuutaitchutin. Nunauruapayaat qaiñiaqtut aasii nanġaġlutin, qanuq nalaunŋaruat piratin tautuŋagaich iluqaġmiŋ.

Revelation 19:6

Tavrani tusaaŋaruŋa nipaatiktun iñugiapiaġataqtuat iñusalaich ittuamik, ilaimña quġluqtaqpaum imaavalua kallulaqpaktuaġlu. Tusaaŋagitka uqallaktuat, Nanġaqsiuŋ God. Ataniq God-ikput Sapiġñaqtuaq umialguruq.

Revelation 20:4

Tavrani tautuŋaruŋa umialgich aquppiutaŋiññik iñuŋniglu aquppiruanik tamatkunani aquppiutani. Taapkua iñuich ataniġnaqusiqsauŋarut isivġiqsiġuquvlugich. Suli tautuŋammigitka ilitqusiŋich tamatkua iñuktauŋaruat pisigivlugu uqaluktuaqaġniŋat iḷumun ittuamik Jesus salapqikkaŋanik uqaluaniglu God-im. Taapkua iñuich qiksigilugu nanġaŋaitkaat niġrułłuk iñuuraqpaŋalu, suli akuqtuiŋaitchuat ilaan niġrułłuum nalunaiñŋutaŋanik qaumikkun naagga argagmikkun. Iliŋich aŋipkaqtauŋarut, aasii umialguqatigivlugu Christ 1,000-ni ukiuni.