Luke 10:2 - Iñupiatun Mumiksat Uqalugiksuat

² Tavra ilaan uqallautiŋagai, Iñusalaich utaqqirut tusaayumavlutiŋ tusaayugaaġiksuanik, palauvaksratun nauganiktuatun kipisałhiñaaġuqługich, aglaan savaktit iñukitchut. Tavraasii qiññuaqtuġitchi Atanġannun savaktit tilisivsaaqulugu savaktiksravsaamiñik.

Luke 10:2 Iomraidhean Croise

1 Kings 18:22

Tavra Elijah uqallaktuq, “Kisuŋŋuŋaruŋa uqaqtiuruaŋa Ataniġmun, aglaan marra 450-iurut uqaqtiŋich Baal-gum.

Psalms 68:11

Ataniq uqaġman; iñugiaktuat aġnat tusaayugaalluataq siamitkaat:

Numbers 11:17

Atqaġluŋa uqaqatiginiaġivsi tavrani; aasii iḷitqutchimiñ iliŋnun qaiñŋaramniñ siamitchiñiaġmiuŋa iliŋiññun; taapkua ikayuġniaġaatin, aasii kisiviñ savaaġiniaŋitkiñ.

Numbers 11:29

Moses-gum kiugaa, “Isumaaluutiqaqpich imña kipiġniuttaġiramnik? Atanġumtuq iḷitqusiñi qaiḷḷiuŋ iñugirapayaaġmiñun aasii uqaqtillugich nipatutilaamiktun God-im uqaqtiŋisitun!”

Matthew 20:1

Aasiisuli atanniqsimmataa Taavruma qiḷaŋmiittuam arriqaqtuq iñuŋmik siiġñaqaġviŋmik nunaqaqtuamik. Ilaa aullaŋaruq uvlaatchaurami akiññagniaġlugich iñuich savaktiksraqsiuqłuni siiġñaqaġviŋmiñi.

Mark 13:34

Qanuq Iġñiŋa Iñuum ittuq iñuktun uŋasiksuamun iglauruatun. Qimaaqsikamiuŋ igluni kivgani savaaksriḷḷaaŋagai, suli piraksriqł̣ugu upkuamik qaunaksri quviqtaiḷitquvlugu utiqtilaaksramiñun.

Mark 16:15

Tavra ilaan uqallautiŋagai, Aullaġitchi nunapayaanun, aasii alġaqsruutigilugu tusaayugaaġiksuaq iñupayaanun.

Mark 16:20

Iḷitchitqurat aullaqłutiŋ alġaqsruiŋarut sumiḷiqaa. Aasii Atanġum savaqatigiŋagai ukpiġnaqsiḷiqługu alġaqsruiñiŋat iḷumun itilaaŋanik aliuġnaqtuatigun savaaŋisigun.] Amen.

Luke 9:1

Tavra Jesus qaitquŋagai qulit malġuk iḷitchitqurani atautchimun, aasii aitchuqługich ataniġnaqunmik, suaŋŋasiqł̣ugich payariyumiñaqsivḷugich iluqaisa ilitqusiqł̣uich, suli iłuaqsiyumiñaqsivḷugich naŋirrutiqaqtuat.

Acts 11:19

Tavra ukpiqtuat siamitauŋarut pisigivlugu nagliksaaqtitauniq isagutiruaq Stephen-qaŋa tuqutaumman. Iḷaŋich aullaŋarut ayuuqtigivlutiŋ Phoenicia-mun Cyprus-mullu Antioch-mullu, quliaqtuaġivlugich tusaayugaaġiksuat Jew-nun kisiiññun.

Acts 13:2

Aŋaiyyupkaqtillugich Ataniġmun niġiḷaił̣ł̣utiŋ, Ilitqusiġiksuam uqallautiŋagai, Ilaaguaqsisiŋa Barnabas-miglu Saul-miglu savaaksramun ququaqtauviaŋnun uvamniñ.

Acts 13:4

Tavra Barnabas-lu Saul-lu tilimmatik Ilitqusiġiksuam aullaŋaruk Seleucia-mun, aasii tavraŋŋa tiŋilġaqsiqł̣utiŋ qikiqtamun Cyprus-mun.

Acts 20:28

Qaunagisitchi ilivsiññun iluqaisalu ukpiqtuat, Ilitqusiġiksuam qaunagitquŋakkaŋi ilivsiññun. Qaunagisigik aŋaiyyuliqiruat God-mun, ilaan pigiliutiŋakkaŋi tuqqutaagun ilaan iġñiġmi.

Acts 22:21

Tavra Atanġum uqallautiŋagaaŋa, Aullaġiñ, qanuq tiliñiaġikpiñ uŋasiksuamun Jew-guŋitchuanun.

Acts 8:4

Tavrali tamatkua ukpiqtuat siamitauruat kukiḷuŋarut alġaqsruutigivlugu tusaayugaaġiksuaq.

1 Corinthians 12:28

Aasii aŋaiyyuliqiruat akunġanni God piksraŋaruq sivulliġivlugu, iñuich tilirauvlugich alġaqsruitquvlugich, igḷuani uqaqtiksranik God-mun, piŋayuagni iḷisaurriksranik, maanna aliuġnaqtuanik savallaruanik, tamatkuniŋalu iłuaqsiriḷḷaruanik, ikayuiruksraniglu, ataniġnaqutiqaqtuallu, uqallaruallu allakaaġiiñik uqautchiñik naluramiŋnik.

1 Corinthians 15:10

Aglaan paŋmapak irrusiġa irrusiġigiga ikayuutaagun God-im nagliktuutiqpaŋan. Ilaan nagliktuutiqpaŋa uvamnun asiḷiqqutauŋaitchuq. Siġġaqutigiłhaaŋagiga alġaqsruiñiq tusaayugaaġiksuamik nallipayaaŋanniñ unnii tilirauŋaruat, uvaŋaġruiññaq piŋiñmigiga aglaan God-im nagliktuutiqpaŋata ikayuqłuŋa.

2 Corinthians 6:1

Uvagut savaqatigiigñiqapta God-lu, apiġipiaġivsi anniqsuusiaqaquvlusi God-im nagliktuutiqpaŋagun.

Philippians 2:21

Iñuich maani allat iluqaġmiŋ qaunagigaich ilaisa kipiqqutitiŋ, qaunagiŋaiqł̣ugich kipiġniuġutit Jesus Christ-kun.

Philippians 2:25

Isummatigiŋagiga tiliraksraġipiaqługu ilivsiññun Epaphroditus aniqatikput savaqatiga aŋuyaqatigalu, ilivsivsauq kivgaqsi savaktitaqsi ikayuqtigipkaqługu uvamnun,

Philippians 2:30

qanuq ilaan tuqqutigiqqayaŋagaa savaani Ataniġmun, anayasaaqługu iñuggunni naatinniaqługu savaaqsi uvamnun.

Colossians 1:29

Tavra taamna siġġaqutigigiga, aasii piyumiñatualukkiga qanuq Christ sapiġñaqtuam suaŋŋataa savakłuni iḷumni.

Colossians 4:12

Epaphras-gum iḷaummiruam ilivsiññun, kivgaŋata Christ Jesus, paġlagaasi, ataramik itqaumavlusi kipiġniuġutikun aŋaiyyunmiñi, iñuutquvlusi agliraksraiqsuatun ukpiqtuatun, suli nalupqigiŋaiġumiñaqsiḷugu pisuutaa God-im ataramik.

1 Thessalonians 2:9

Nalupqinaitchuq itqaumatilaaqsi qanutun savaŋatilaaptiŋnik siġġaqiŋatilaaptiŋniglu, aniqatiit, alġaqsruutigikaptigu ilivsiññun tusaayugaaġiksuaŋa God-im savaŋarugut unnuamiḷu uvlumiḷu naŋniġuŋitkaluaqługu nallipayaaqsi pamaġipkaġluta.

1 Thessalonians 5:12

Aniqatiit iŋiulagivsi, isummatigilluataqsigik umialiŋnat atanniqsimanniktuat aŋaiyyuliqiruani, siġġaqiruat akunnavsiññi, tamatkua qauriññiksuiruat ilivsiññik.

2 Thessalonians 3:1

Tavraliasii, aniqatiit, aŋaiyyutiraġutigut. Aŋaiyyulusi Atanġum uqalua qilamik siamitqulugu, suli iñuich annaurrautqulugich akuqtuġlugu uqaluk, ilivsisuttauq.

1 Timothy 4:10

Taamna sivuniġivlugu siġġaqirugut savautivlugu siġḷiqivluta iñuuruaq God, niġiugikkaqput annautiniaġnivḷuta, annaurrigiyumiñaġaluakkaŋat iñupayaurat, tamatkuałhaaq ukpiqtuat.

2 Timothy 4:5

Iliviḷḷiasii, aŋalalluataġiñ iliŋnik suna pigaluaqpan, igḷutuġuŋ nagliksaaġun, isumalitqiksitchiñiaġiñ iñuŋnik, taŋŋiqsimaaġuŋ iluqaan piraksriusian kivgauniġni God-mun.

Philemon 1:1

Ukua tuyuutit qairut Paul-miñ tigutaaqtauruamiñ pisigivlugu Christ Jesus, Timothy-miḷḷu aniqatiptiŋniñ, avilaitqatiptiŋnun savaqatiptiŋnullu Philemon-mun,

Hebrews 3:6

Aglaan Christ iġñiġuvluni God-mun aŋalatchiḷḷuataŋaruq God-im igluanik. Aasiuvva uvagut igluqatigigaatigut, pigiuraġniaġuptigu ukpiqsimaaġniqput, quviagilugulu niġiuguraġniaġupta isuanun-aglaan.

Revelation 2:1

Isaġulganun aŋaiyyuvium Ephesus-mi aglagiñ inna. Uqaluŋi taavruma tigummiruam tallimat malġugnik uvluġianik taliqpiŋmiñi, pisuaqtuam akunġanni tallimat malġuk kaviqsuat maniich qulliqaġviich.