Luke 10:16 - Iñupiatun Mumiksat Uqalugiksuat

¹⁶ Tavra Jesus uqallautiŋagai iḷitchitqurani, kialiqaa naalaġnigumisi naalaġnimmigaaŋa. Suli kialiqaa pisuŋitchuam ilivsiññik pisuŋiñmigaaŋa. Aasiisuli kialiqaa pisuŋiññamiŋa, pisuŋiñmigaa tiliriga.

Luke 10:16 Iomraidhean Croise

Exodus 16:7

Uvlaami tautugniaġiksi Atanġum, itqatauniŋata qaumaniŋa. Tusaaŋagaasi uqaviḷuutigavsiuŋ—ii, ilaa paaqłakługu, qanukkii uvva uvaguk savaaġisiññaġivuk piraksriqsuutiŋi.”

Exodus 16:8

Tavraasii Moses uqallaktuq, “Atanġum niqipiaksriññiaġaasi niqiksravsiññik anaqami, aasii iḷaŋaniñ punniġnik uvlaami, atakkii tusaaŋagai uqaviḷuutisi akiḷḷiqsruqługu ilaa. Uqaviḷuutikavsiguk, tavra uqaviḷuutigiksi ilaa akiḷḷiqsruqługu Ataniq.”

Numbers 14:11

Ataniq uqallaktuq Moses-mun, “Qanutun imña sivisutigiruami pisaaŋŋatikun aŋalanniaqpanŋa ukua iñuich? Ukpiġutiqaġugniaŋitpat uvamnun qanutun sivisutigiruami, savaŋagaluaqtilluŋa aliuġnaqtuanik akunġanni iñugiaktuanik?

Numbers 14:2

Uqamayukłutiŋ akiḷḷiġivlugik Moses-lu Aaron-lu, uqaqłutiŋ, “Nakuułhaaŋanayaqtuq tuqullakkupta Egypt-mi naakkaunnii tamaani nunagluktuami!

Numbers 16:11

Uqamayuutigikavsiuŋ Aaron, tavra paaqłakkiksi Ataniq ilviḷḷu maliġuaqtigiravsiḷu.”

Matthew 10:40

Iñuum paġlagumisi paġlammigaaŋa, suli iñuum paġlaruam uvamnik paġlammigaa tilisiŋaruaq uvamnik.

Matthew 18:5

Iñuum paġlakpauŋ miqłiqtuuraq uvaŋa pisigiluŋa, uvaŋa paġlagaaŋa.

Mark 9:37

Iñuum paġlakpauŋ miqłiqtuuraq uvaŋa pisigiluŋa, uvaŋa paġlagaaŋa. Kialiqaa paġlakamiŋa uvaŋałhiñaq paġlaŋitkaaŋa aglaallu tilisiŋaruaq uvamnik.

Luke 9:48

Aasii uqallautiŋagai, Kialiqaa paġlakpagu piaqłuktaŋiḷḷugu una miqłiqtuq uvaŋa pisigiluŋa, paġlagaaŋa uvaŋa. Aasiisuli kialiqaa paġlagumiŋa paġlammigaa tiliriga. Iñuk kamasaaŋiññiqsrauruaq iluqavsiññiñ kamanaġniqsrauruq.

John 12:44

Tavra Jesus nipatusivḷuni uqallaŋaruq, Iñuk ukpiqtuaq uvamnun ukpiqsiññaŋitchuq uvamnun aglaan tilirimnullu.

John 12:48

Iñuk ayyairuaq uvamnik suli akuqtuŋił̣ł̣ugich uqalutka isivġiqsiqaqtuq. Uqaluich uqautigikkaġma isivġiġñiaġaa aqulliġmi uvlumi.

John 13:20

Iḷumutupiaġataq uqallautigivsi, iñuk taamna akuqtuiruaq kimigliqaa tilikkamnik akuqtuiruq uvamnik, aasiivsauq taavruma akuqtuiruam uvamnik akuqtuġmigaa tiliriga.

Acts 5:4

Tuniŋaiñŋaan nunan ilivich pigiŋagiñ. Suli tunianikkaluaqapku maniich ilivich pigimmigitin. Summan-aasii isummiŋavich tainna pisukłutin? Sagluqiŋaitkitin iñuich, aglaan sagluŋarutin God-mun.

Galatians 4:14

Aasii qilluutituġniġa iviġaumanaitkaluaqtillugu ilivsiññun, naġġugiŋaitkivsiŋa, kipagiluŋalu suuŋiḷaġiluŋalu piŋaitkivsiŋa, aglaan paġlaŋagivsiŋa quyavlusi, isaġuliktun-unnii iḷivḷuŋa, naaggaunnii Christ Jesus-tun.

1 Thessalonians 4:8

Taamna pisigilugu, kiñaliqaa iñuusuŋitchuaq kamagilugich taapkua pitqurat, kipuqłaiŋitchuq iñuŋmik aglaan God-mik, aitchuiruamik Ilitqusiġiksuamiñik ilivsiññun.