Luke 10:10 - Iñupiatun Mumiksat Uqalugiksuat

¹⁰ Aglaan qakugupayaaq tikitkuvsi nunaaqqimun aasii paġlaŋitpasi, aullaġumausi apqutiŋiññun aasii uqallaglusi,

Luke 10:10 Iomraidhean Croise

Matthew 10:14

Tavra kialiqaa tukkuliŋitpasi naagga naalaġnisuŋitpatigik uqalusi, piiyaqsiuŋ avyuq isigavsiññiñ aniñiallavsi iglumiñ naagga nunaaqqimiñ.

Luke 10:11

Avyuŋaunnii nunaaqqiunivsi niviruaq isigaptiŋnun, uvagut tilaktiġikput akiḷḷiḷiutivlugu ilivsiññun. Aglaan una iḷisimasiuŋ, God-im atanniqsimmataata qallipiaġataŋagaluaġaasi.

Luke 10:9

Iłuaqsiḷugich naŋittuat taavrumani nunaaqqimi, suli uqallautilugich, God-im atanniqsimmataata qallipiaġataġaasi.

Luke 9:5

Suli sumipayaaq tukkuliŋitpasi, aullaġuvsi taavrumaŋŋa nunaaqqimiñ, ivsuktuġumagiksi avyuq isigavsiññiñ kiliksaġlugich killuliqitilaaŋannik.

Acts 13:51

Tavra piiyaŋagaak nunam avyua isigagmiŋniñ kiliktuutausaqługu ilaiññun ayyaiñiŋatigun, aasii aullaqłutiŋ Iconium-mun.

Acts 18:6

Tavraasii akiḷḷiḷiqsuġmanni uqamaqłuutivluniḷu, ilaan ivsuktuŋagai annuġaani aasii uqallautivlugich, Annaurrauŋitkuvsi ilivsiññik pasiruksraurusi. Uvaŋa patchisauŋitchuŋa. Paŋmapaŋmiñ alġaqsruiñiaqtuŋa Jew-guŋitchuanun.