Luke 1:8 - Iñupiatun Mumiksat Uqalugiksuat

⁸ Abijah-m piqatiŋi tikiutimmagich savaŋniksraŋata aŋaiyyuvikpaŋmi, Zechariah-m savautiŋagaa God aŋaiyyuliqsiqpauvluni.

Luke 1:8 Iomraidhean Croise

Exodus 28:1

“Qaitquuŋ aniqatin Aaron, iġñiŋiḷḷu Nadab, Abihu, Eleazar, Ithamar-lu. Ilaaguaġlugich Israel-gum kiŋuvaaŋiññiñ, savautiyumagaanŋa aŋaiyyuliqsiqpaulutiŋ.

Exodus 28:41

Atipkaġlugich tamatkua annuġaat aapiyaġnun Aaron-mun iġñiŋiñullu. Aasii ilaaguaqtaġilugich suli nalunaiqsaġilugich uqsruqtaaġlugich olive uqsruanik, savautiyumagaanŋa aŋaiyyuliqsiqpaulutiŋ.

Exodus 29:1

“Uvva una piraksraqsi Aaron-mullu iġñiŋiññullu ilaaguaqtausaqpata aŋaiyyuliqsiqpauniġmun savautisaġluŋa. Aŋusallumik nutauruamik piḷusi suli malġugnik aŋusallugnik imnaigñik surruutaitchuagnik.

Exodus 29:44

Tupiġlu ikipkaiviglu salumaruaġuġniaġikka, aasii inillaglugich Aaron-lu iġñiŋiḷḷu iliŋiguaġlugich savautitquluŋa aŋaiyyuliqsiqpaulugich.

Exodus 29:9

iḷiḷugich tavsiaŋich tiġiksraġviŋiññun aasii nimmaaġusiġḷugich niaquŋich. Tavra tainna nalunaiqsaġiniaġisi Aaron-lu iġñiŋiḷḷu. Iliŋisa suli kiŋuniiŋisa savautiniaġaanŋa aŋaiyyuliqsiqpaulutiŋ isuitchuamun.

Exodus 30:30

Tavraasii uqsruqtaaġlugich Aaron-lu iġñiŋiḷḷu, aasii ilaaguaqtaġilugich aŋaiyyuliqsiqpauniġmun savautiluŋa.

Numbers 18:7

Ilvich aglaan iġñitillu kisivsi savaaġillaniaġiksi aŋaiyyuliqsauniq ikipkaivigmi ikipkaiñikun suli sut ittuat Salumaniqtauruami Inimi. Tamarra tamatkua piraksriusiaġigisi, uvaŋa qaiñŋavlugu ilivsiññun aŋaiyyuliqsauniq. Kiña iñugruiññaq qallituaġniqpan salumaruanun suġautaġiraŋiñun tuqutauniaqtuq.”

Luke 1:5

Herod iñuuŋŋaan umialguruaq Judea-mi, aŋaiyyuliqsiqpaqaŋaruq atiqaqtuamik Zechariah-mik. Aŋaiyyuvikpaŋmi savaqatauŋaruq aŋaiyyuliqsiqpaŋnun taiguutiqaqtuanun Abijah-m piqatiŋiñik. Zechariah nuliaqaŋaruq atiqaqtuamik Elizabeth-mik, maŋŋuqaqtuamik Aaron-miñ, aŋaiyyuliqsiqpaich maŋŋuanniñ.

Luke 1:7

Aglaan miqłiqtuiñŋaruk, qanuq Elizabeth miqłiqsiḷaiñŋaruq, suli iluqatik utuqqaliŋaruk.