Luke 1:73 - Iñupiatun Mumiksat Uqalugiksuat

⁷³ Uvva unniqsuqłiiñ nalupqinaiŋaraŋa maŋŋuptiŋnun Abraham-mun.

Luke 1:73 Iomraidhean Croise

Genesis 24:7

Atanġum, God-auruam qiḷagmun, aullaqtitaŋagaaŋa aimmavianiñ aapagma, aimmavimniḷḷu, nunaŋaniḷḷu iḷagma, aasii uqallautiŋagaaŋa unniqsuqłiivḷuŋa qaiññiaġnivḷugu manna nuna kiŋuvaamnun. Tilisiñiaqtuq isaġuligmiñik sivugni, tuvaaqatiksrallayumagiñ taamaŋŋa iġñiġa.

Genesis 26:3

Maani iñuuniaġiñ, itqatiginiaġikpiñ suli quviasaaġunmik aitchuġlutin. Qaiññiaġiga iluqaan manna nuna iliŋnun kiŋuvaaġiraġnullu. Unniqsuqłiisigiŋaraġa aapagnun Abraham-mun taŋŋiġḷugu.

Psalms 105:9

Taamnauvva sivunniuġutiliaŋa Abraham-mun unniqsuqłiisigivlugulu Isaac-mun.

Luke 1:74

Uvagut ilaan annautiniaġnivḷuta akiḷḷivsiŋñiñ uvaptiŋnun savautitquvluni iqsiŋaiġḷuta.

Deuteronomy 7:12

“Kamagiguvsigik piraksriutigiratka kamagipiaġlugiḷḷu, Atanġum God-ivsi sivunniunni nalautinniaġaa suli manivallugu nakuaqqunni nuŋusuitchuaq, unniqsuqłiunmisun maŋŋuuvsigñun.

Deuteronomy 7:8

Atanġum aglaan nakuaġivlusi suli nalautitchukługu unniqsuqłiunni maŋŋuuvsigñun. Taamna pisigivlugu annautiŋagaasi suaŋŋatiqpagmigun piiqsitchukłusiḷu, kivgaunivsigniñ Pharoah-mun.

Hebrews 6:13

God-im unniqsuqłiikamiuŋ Abraham, unniqsuqłiiŋagaa inmiguaqługu, sumik kamanałhaaqtuamik piiḷḷuni inmiñiñ,