Luke 1:6 - Iñupiatun Mumiksat Uqalugiksuat

⁶ Tavra iluqatik nalaunŋarualiqirauŋaruk sivuġaani God-im, kamagivlugich iluqaisa pitquraŋi Atanġum pasiñaġumiñaił̣ł̣utik.

Luke 1:6 Iomraidhean Croise

Genesis 17:1

Abram tallimakipiaġutaiḷatun (99) ukiuniŋman, Atanġum niptaġvigivlugu uqallautiŋagaa, “Uvaŋa uvva Sapiġñaqtuaq God. Kamakkutiqaġutin uvamnun ataramiglu pasiñaġumiñaiḷḷutin.

Genesis 6:9

Uvva quliaqtuaq Noah-kun. Iġñiqaŋaruq piŋasunik, Shem-miglu, Ham-miglu, Japheth-miglu. Noah sumik pasiñaġumiñaiññiqsuq iñulluatatualuuvluniḷu taimani. Iñuuŋaruq maliġuaqługu God.

Genesis 7:1

Ataniq uqallaktuq Noah-mun, “Ikkuiñ umiaqpagmun piqatigilugich nanmiñiq iḷatin, qanukkii iḷisimaruŋa kisivich nunapayaurami nalaunŋarualiqiruagurutin.

1 Kings 15:5

Atanġum tainna nalautitinŋagaa David-kii savaguuŋavluni iviġaumagiraŋiñik suli kamagiŋitchuiñŋavlugu piraksriutiŋiñik, aglaan kisian nalautinŋaruaq Uriah-kun Hit-miuguruakun.

1 Kings 9:4

Savautiniaġuvsiñŋa pitqiksiġautaitchuakun suli iḷumutuuġlusi, aapavsi David piḷġusiatun, suli kamagiguvsigik pitquratka suli kamaksriḷusi piraksriqsuutipayauramnik,

2 Kings 20:3

“Itqaumalutin, Ataniiq, savautiniḷuguugikpiñ ataramik suli iḷumutuuqłuŋa suli savaaġiniḷuguugiga sunapayaaq pitquran.” Aasii qirrukpanagutiŋaruq anniġñautikun.

Makpiġaaŋa Job-gum 1:1

Iñuqaŋaniqsuq atiqaqtuamik Job-mik, iñuuvluni nunaŋani Uz-gum. Taamna iñuk pasiñaġuminaiñŋaruq nakuuruaguvluniḷu; qiksikkutiqaqłuni God-mun qaunakłaapiaġataqłuniḷu piḷuusiqisuŋił̣ł̣uni.

Makpiġaaŋa Job-gum 1:8

“Qiñiqtuaŋaviuŋ kivgaġa Job?” Atanġum apiqsruġaa. “Allamik iñuitchuq pasiñaġuminaitchuamik nakuuruaguruamiglu; qiksikkutiqaqtuamik God-mun qaunakłaapiaġataqtuamiglu piḷuusiqisuŋił̣ł̣uni.”

Psalms 119:6

Qaunakłaaġluŋa pigupkich piraksriutipayaatin, kanŋusuunmun tikiññiaŋitchuŋa.

Luke 1:7

Aglaan miqłiqtuiñŋaruk, qanuq Elizabeth miqłiqsiḷaiñŋaruq, suli iluqatik utuqqaliŋaruk.

Luke 16:15

Tavra ilaan uqallautiŋagai, Ilivsi patchisaiññisuurusi takkuanni iñuich, aglaan God-im iḷisimapiaġai iñuutchisi, qanuq suna kamanaqsiḷiqtauruaq akunġanni iñuich naġġugipiaġataġaa God-im.

Luke 2:25

Tavra iñuk inŋaruq Jerusalem-mi atiqaqtuaq Simeon-mik. Taamna iñuk nalaunŋaruaguŋaruq sivuġaani God-im, iñulluatauvluniḷu, aasii niġiuŋaruq qakugu God tilisiñiaqtilaaŋanik Annaurrimik Israel-nun, suli Ilitqusiġiksuam aŋalanŋagaa.

Acts 2:25

David aglaŋaruq Bible-ni sivuniġivlugu Jesus inna, “Iḷisimaruŋa Atanġum itqatigigaaŋa ataramik. Ił̣uiḷḷiuġniaŋitchuŋa, qanuq ilaa saniqqamniittuq taliqpiŋma tuŋaani.

Acts 23:1

Tavra takunnaqługich uqaqsitaaqtitchirit Paul uqallaŋaruq, Aniqatiit, uvlupaŋmun-aglaan isumamni piitchuŋa naġġutchaunmik iluqaagun iñuuniaġnipkun sivuġaani God-im.

Acts 24:16

Tavraasii iñuuniḷuktuŋa pisuqtilaaptun patchisaiññiaqłuŋa God-mun iñuŋnullu.

Acts 8:21

Iḷauyumiñaitchutin uumani savaaptiŋni, qanuq nalaunŋasipiaŋaitchutin iḷuŋni sivuġaani God-im.

Romans 8:4

Tavraasii paŋmapak kamagiyumiñaġivut God-im pitquraŋi, sivisutilaaŋatun Ilitqusiġiksuamun aŋalatinnipta, aŋalatinŋaiġḷuta piḷuksisuguuruanun iñuutchivsiŋnun.

1 Corinthians 11:2

Nanġaġivsi pisigivlugu itqaumaniqsi, tuvraiñiqsiḷu iḷisaurrutigiŋakkamnik ilivsiññun.

2 Corinthians 1:12

Quyaruŋa isumama killuliqirualiŋiñmaŋa itqaġaġikapku iñuuniaġusiġa sivuġaanni iñupayaat, ilivsił̣haaġluami takkuvsiññi, qanuq iñuuŋaruŋa piḷuutaitchuakun piŋŋuaġutaitchuakullu sivuġaani God-im. Iluqaan iññiqiniġa aulanŋitkaa iñugruiññaum pisaasuutaata, aglaan God-im nagliktuutiqpaŋata.

Deuteronomy 5:33

Kamagiruksraġigisi iluqaisa pitqurat, tainna piguvsi sunapayaaq iluaġuni inniaqtuq ilivsigñun nunannaktaaġiniaqtavsigñi. Tavraniisugrukkumiñaqtusi kamaksriguvsi.

Philippians 2:15

pasiñaġumiñaitchumausi iḷumutuuqtuagulusiḷu God-im miqłiqtuŋi, qanuqinniġausiaksraiḷḷusi iñuullavsi akunġanni pigiitchuat uniuŋaruallu iñuich. Akunġanni tainnatchich iñuich taaqtuatun ittuat, ilivsi qaummaġiksuksraurusi qaummatitun,

Colossians 1:22

Paŋmapak-aasii Christ iḷauraaliuŋagaasi God-lu, aitchuutigivlugu timini tuqutautquvlugu aŋarraurami, ilivsi akuqtuġnaqsitquvlusi God-mun, piḷuutaiqsauŋalusi, pasiñaġumiñaiŋalusiḷu ilaan sivuġaani.

1 Thessalonians 3:13

Tainna piguvsi, tuniqsimaniaqtusi ukpiġutivsiññi pasirauniaŋiḷḷusi, suli piḷuutaiḷḷusi, akuqtuġnaġumiñaġniaqtusi God-mun Aapaptiŋnun Ataniqput Jesus qaikpan piqatigilugich iluqaisa ilaan ilaaguaqtauŋaruat iñuŋni.

2 Peter 3:14

Tavraasii piviuttaġirauruasii, utaqqiuŋŋavsi taivrumiŋa Uvlumik, pisuqtilaavsisun piḷuutaiññiaġitchi pasirauyumiñaiḷḷusiḷu sivuġaani God-im akiḷḷiḷiqsuŋaiġḷugulu.

1 John 2:3

Aasii kamagiguptigik God-im pitquraŋi, nalupqisukkumiñaitchugut iḷisimatilaaptiŋnik ilaanik.

1 John 3:7

Miqłiqtuuraat, iñuŋmun sagluqipkaġnasi. Iñuk nalaunŋarualiqiugaqtuaq nalaunŋaruq, Christ-tun nalaunŋaruatun.