Luke 1:10 - Iñupiatun Mumiksat Uqalugiksuat

¹⁰ Tavra Zechariah ikipkaipkaqtillugu tivraġiksaunmik, iluqaġmiŋ iñusalaich aŋaiyyuŋarut siḷataani.

Luke 1:10 Iomraidhean Croise

Psalms 141:2

Aŋaiyyutiga illi iliŋnun tivraġiksautitun aumaruatun, isaaġutigupkiglu argakka aitchuutauruatun anaqami.

Leviticus 16:17

Isiġniŋanun Aaron-gum Salumaniqtauruamun Inimun savaaġisaqługu piraġausiq nalaullugu salumasiñiaġniksraŋanun aniḷġataqtillugu, iñuqaqtuksrauŋitchuq allamik Tupiġmi. Atuġumiuŋ piraġausiq nalaullugu ilimiñun, igluqatiimiñunlu, suli nunaaqqiqatiimiñunlu,

Hebrews 4:14

Tavraasii kamanaqtuamik aŋaiyyuliqsiqpaich qaukłiannik piqaġniqapta mayuŋaruamik qiḷaŋmun, Jesus-mik Iġñiŋanik God-im, ukpiqsimaapiaġataqta tuniqsimaluta.

Hebrews 9:24

Qanuq Christ isianiŋaruq qiḷaŋmun sivuġaanun God-im uvagut pisivluta. Isiŋaitchuq inimun ilaaguaqtaułhamaaqtuamun savaaŋannun iñuich, tuvrautiłhiñauruamun qiḷaŋmiittuamun.

Revelation 8:3

Suli allaptauq isaġulik qaivḷuni makinŋaruq ikipkaiviŋmi kaviqsuamiñ maniŋmiñ tivraġiksautiqaġviŋmik saagaqłuni, suli aitchuusiaqaŋaruq atqunaqługu tivraġiksaunmik avvutigitquvlugu aŋaiyyutaannun God-im iñuŋisa, naavitquvlugu manium kaviqsuam ikipkaivium qaaŋani sivuġaani umialgum aquppiutaŋata.