James 1:3 - Iñupiatun Mumiksat Uqalugiksuat

³ qanuq iḷisimarusi uuktuaġusiaŋa ukpiġutivsi tuniqsiḷiġutigigiksi.

James 1:3 Iomraidhean Croise

Luke 21:19

Qapiġnasi suuramik-unnii, qanuq qapiŋitkuvsi, annautiniaġisi iñuggutisi.

Romans 15:4

Iluqaġmiŋ aglausimaruat Bible-ni iŋiḷġaan, aglaagurut iḷisautisaqłuta qiñuirrunmik qapiŋaisaaqłutalu, niġiuquvluta iñuggunmik isuitchuamik.

Romans 2:7

Tamatkua qiñuiqł̣utiŋ nalautchiruat God-im pisuutaanik, ilaan aitchuġniaġai iñuggunmik isuitchuamik, tamatkua niġiuktuat kamanaqsipkaqtauniksramik God-miñ.

Romans 8:25

Tavra niġiuktugut suli quviasuusiaksrautiptiŋnik taŋŋianiŋaitchuamik, aasii qiñuiqł̣uta taŋŋiqsiaġigikput.

Romans 8:28

Iḷisimarugut supayaat piruat uvaptiŋnun savaqatigiiksilaaŋannik anniqsuqsaqługich tamatkua piviuttaqsriruat God-mik, ququaqtauruat tuvraqługu God-im sivunniutaa.

2 Corinthians 4:17

Tamatkua iłuiḷḷiuġutivut paŋmapak suuvigruaŋitchut sivisuŋitchullu, itqanaiyaqsiññaġaatigut nakuaqsrisigitquvlugich God-im kamanaġniqsrat quviasuutiksrirrutiŋi uvaptiŋnun isuitchuamun.

Colossians 1:11

Aŋaiyyutivlusiḷu God-mun suaŋŋatiqapiaġataqtuamun, suaŋŋasiquvlusi naamaruamik, igḷutuġumiñaqsiḷugich uuktuaġusiapayaat qiñuirrutiqaġlusi, quviasuunmiglu.

2 Thessalonians 1:4

Aasiuvva uvagut quliaqtuaġilluataġivsi aŋaiyyuliqiruanun God-mun, quliaqtuaġutivlugich qiñuirrutivsiññik ukpiġutivsiññiglu, igḷutuġluataqavsigik qanusipayaat nagliksaaqtirrusiat iłuiḷḷiuġutillu.

2 Thessalonians 3:5

Atanġuptuq iḷitchuġisaiññaqtillisi kiikaa God-im piviuttaqqutaanik, Christ-lu manimmiḷgutaanik.

Hebrews 10:36

Aglaan manimmiḷgutiqaqtuksraurusi nalautchiyumiñaġuglusi pisuutaanik God-im aasii aitchuusiaqaġlusi ilaan unniqsuqłiisaanik iñuggunmik isuitchuamik.

Hebrews 12:1

Iluqaġmiŋ taipkua ukpiġutiqaqtuat qiñiqtuaqtuatun iñugiakłutiŋ ittut aqpaliurraqtuanik, uvagullu aqpaliurraqtuaguruatun. Tavraasii, asivaġlavut iluqaisa piñaiḷutapayaat nakuuŋitchuat, piḷuutipayaallu ayuġnaitchuat qaniłłutiŋ, aasii tikitqaurraqta piyumalaaġluta God-im pitqutaagun uvaptiŋnun,

Hebrews 6:12

Tavraasii iqiatchautinagu ikayuiñiq, aglaan taipkunatun ukpiġutiqaġlusi qiñuirrutiqaġlusiḷu, kiŋuvaannakkumausi God-im unniqsuqłiisiŋiñik.

1 Peter 1:7

Uuktuaġusiavsi sivuniġigaat iḷumun itilaaqsaqługu ukpiġutiqapiaqtilaaqsi. Manikunnii kaviqsuaq maqullaruaq uuktuaġuugaat ignikun, tainnatuttauq ukpiġurri akisułhaasugruktuaq maniŋmiñ kaviqsuamiñ uuktuaġusiaqaqtuksraummiuq igḷutuutiyumiñaqsiḷugu. Tavraasii nanġausiaqaġniaqtusi kamanaqsipkaqtaulusiḷu isumakkusiaqaġluatapiaġlusiḷu taivrumani uvlumi Jesus Christ qaitqikpan.

2 Peter 1:6

suli iḷitchuġimmaġiksiñivsiññun God-mik, iḷḷatigilugu iłuatun inmun aŋalarrutilluataq, igḷutuutiugaġlusi suli igḷutuutinivsiññun iḷḷatigilugu iñuuniaġniq god-iliqivluni,