Genesis 4:4 - Iñupiatun Mumiksat Uqalugiksuat

⁴ Aasiiḷi Abel qaġġirriŋaruq aŋayukłiġmik imnaiyaamik iġñimman imnaimi iḷaŋat, tuqułługu, aasii aitchuutigivlugich niqigigñiqtaŋich. Atanġum iviġaumagiŋagaa Abel aitchuutigiraŋiḷḷu,

Genesis 4:4 Iomraidhean Croise

Genesis 15:17

Siqiñiq nipianiŋman taaqsimman, puyualaruaq auma puggutami, naniġlu ikualaruaq ayagmi nuiŋaruk aasii akunġatiguaqłutik avguat niġrutit.

Genesis 4:3

Qakugulimman, kivluivik tikiḷgiñman, Cain qaġġirriŋaruq nautchiat iḷaŋiññik aasii aitchuutigivlugich Ataniġmun.

1 Kings 18:24

Uqaqtiŋich Baal-gum aŋaiyyuyumaut Baal-mun god-imignun, aasii aŋaiyyuniaqtuŋali Ataniġmun, aasii kiuruaq igniġmik qaipkaiḷuni—God-iuniaqtuq.” Iñuich iviġaumagivlugu, uqallaktut, uqallalluataqtutin.

1 Kings 18:38

Atanġum igniq kataktitkaa, aasii ikipkaqługu ikipkautauruaq, qiruiḷḷu, uyaġaiḷḷu, misaiqługulu imaq iḷuqsramiittuaq.

Psalms 20:3

Akuqtuġligitchuq aitchuutipayaatin iviġaumaluniḷu iluqaisigun ikipkaqługich aitchuutignik.

Exodus 13:12

aitchuutigiraksraġigisi aŋayukłipayaat aŋutit Ataniġmun. Aŋusalluqqaat niġrutit Atanġum ilaata pigigaich,

Proverbs 3:9

Nanġaġuŋ Ataniq aitchuusiuġlugu nakuuniqsranik nunagniñ nauruanik.

Leviticus 9:24

Tavraŋŋatchiaq Ataniq qaipkaiŋaruq igniġmik, aasii ikipkaqługich aitchuutauruat qaunnaviñġiḷḷu ikipkaivigmiittuat. Iñuich tautukkamirruŋ avaallaŋarut aasi punŋarut kiiññatiŋ aksiutivlugich nunamun.

Numbers 16:15

Moses uumitchakłuni uqallaktuq Ataniġmun, “Akuqtuġnagich taapkua aŋutit aitchuutiksrakkaluaŋich iliŋnun. Nalliat unnii pimaqłuŋaitkiga; kakaktiŋich unnii piññaktaaġiŋaitkitka.”

Numbers 16:35

Tavraasii Atanġum qaipkaŋagaa igniq qiḷagmiñ aasii ikipkaqługich 250-iuruat aŋutit ikipkairuat tivraġiksautinik.

Numbers 18:12

“Qaitchiñiaġikpiñ nakuuniqtauruanik nauriaqqaaqtaŋiññiñ Israel-gum kiŋuvaaŋich aitchuutigiraŋiñik uvamnun ukiutuaġaġikpan: olive uqsruanik, wine-nik, suli palauvaksranik.

Numbers 18:17

Aŋayukłiŋich aglaan immuliviich, imnaich, suli nagrulgich tauqsitqikkumiñaitkisi; iluqaisa pigigitka suli aitchuutauruksraurut. Siqił̣ł̣autilugu auŋat ikipkaivigmun aasii ikipkaġlugu qaunnaŋat niġrutit aitchuutigilugu ikipkaivigmun, tipaa iviġaumanaqtuq uvamnun.

Hebrews 11:4

Abel ukpiġutiqaqłuni God-mun aitchuiŋaruq akuqtuġnałhaaqtuamik ikipkaunmik Cain-miñ, taavrumuuna ilaa iviġaumakkusiaqaŋaruq nalaunŋarualirauvluni. God-im nalunaiŋagaa iviġaumatilaani akuqtuqługich aitchuutiŋi. Abel tuquŋagaluaqtuq, ukpiġutaaniñ iḷitchiyumiñaqtugut suli.

Hebrews 9:22

Tavrakii kamagivlugich pitqurat, iluqakavsaŋmi sunapayaaq ilaaguaġutiqaġaqtuq God-mun auŋmik, suli auk maqinŋaunnagu, God-im piḷuutit suliqutigiŋaiḷaitkai itqaumayumiñaiġḷugich.

Revelation 13:8

Suli iluqaġmiŋ iñuuruat nunami qiksiginiaġaat nanġaġlugulu, iñupayaat atiŋich aglausimaŋitchuat sivuani nuna savaaguŋaiñŋaan makpiġaaŋiññi iñuuruat pigikkaŋisa Imnaiyaam tuqutauŋaruam.

1 Samuel 15:22

Samuel uqallaktuq, “Nalliak Atanġum nakuaġiłhaaqpauŋ: kamaksriñiq naagga aitchuiñiġlu ikipkaiñiġlu? Nakuułhaaqtuq kamagiruni ilaa ikipkaiñiġmiñ aitchuutigilugu ilaanun nakuuniqsrauruaq imnaiq.