Genesis 3:4 - Iñupiatun Mumiksat Uqalugiksuat

⁴ Nimiġiam kiugaa, “Taamna iḷumun inŋitchuq; tuquniaŋitchusik.

Genesis 3:4 Iomraidhean Croise

Genesis 3:13

Atanġum God-auruam apiġigaa aġnaq, “Summan tainna piruatin?” Aġnam kiugaa, “Nimiġiam pisaasuġmiaġunmigun sagluqivluŋa niġipkaġaaŋa.”

Genesis 3:3

“aglaan napaaqtumiñ qitqaniittuamiñ. God-im uqallautiŋagaatiguk niġitquŋił̣ł̣unuk siiġñaŋanik, aksiquŋitkaa unnii; niġituaġumnugguuq, tuquniaqtuguk.”

2 Kings 1:16

aasii uqallautivlugu, “Ataniq uumiŋa uqaqtuq: ‘Pisigivlugu kiliksiyyaqtit apiqsriyyaqtinnapkich Baalzebub-mun, god-iŋanun Ekron—God-aitchuatun iḷivḷugu Israel-mi apiġiraksramik—iłuaqsiñiaŋitchutin; tuquniaqtutin!’”

2 Kings 1:4

Uqallautiyyaqsiuŋ umialik Ahaziah Ataniq inna uqallagnivḷugu, ‘Iłuaqsiñiaŋitchutin anniġñiġniñ; tuquniaqtutin!’” Elijah piŋaniqsuq Atanġum piraksriutaatun,

2 Kings 1:6

Ilaisa kiugaat, “Iñuum kasuqtapta uqallautiraatigut utiġluta uqallautitquvlutin Atanġum uqallautaanik iliŋnun, ‘Summan tilisivich kiliksiyyaqtinik apiġiyyaquvlugu Baalzebub, god-iŋa Ekron? Isumavich God-aiññivḷugu Israel-mi? Maminniaŋitchutin anniġñiġniñ; tuquniaqtutin!’”

2 Kings 8:10

Elisha-m kiugaa, “Atanġum iḷitchuġipkaġaaŋa tuquniaġnivḷugu; aglaan ullaglugu uqallautisaġiñ iłuaqsiñiaġniḷugu.”

Psalms 10:11

Piḷuktuat inmigni isumaraqtut, “God-im suunnaġiŋiñmirai! Siqunġiŋaruq pamma tautukkumiñaitkaaŋa!”

John 8:44

Tuunġaq aapaksi, aasii pisuutigigiksi pisukługu aapavsi kipiġniuġutaa. Ilaa iñuaqtauruq aullaqisaamiñqaŋa, suli suksraġiŋitkaa iḷumun ittuaq, qanuq iḷumun ittuagitchuq ilaani. Saglukami ilaa uqaqtuq nanmiñiq irrutchimiñiñ, qanuq sagluturuq suli aapauruq sagluruanun.

2 Corinthians 11:3

Siŋñagigivsi, anayasukłuŋa asiñuurraunasugalusi iḷumun ittuamiñ piviuttaqqunmiñ Christ-mun, Eve-tuttauq nimiġiam sagluqikkaŋatun pisaasuġmiaġunmigun.

2 Corinthians 2:11

Pitchaiḷisaqługu Tuunġaq atiqaqtuaq Satan-mik akimmatiksraŋaniñ uvaptiŋniñ, qanuq naluŋiñmigivut ilaan piraġausiŋi.

Deuteronomy 29:19

Qaunagiruksraurusi uvva nalliqsi unnii tusaagaluaŋŋaġmi uvlupak nalautaksraupiaqtuanik isumagumi suniaŋiññiḷuni, sivunmuuluni paaqłaigumi. Taaptuma suksraunġiġumiñaġaasi tamatqiġusi, nakuuruallu pigiitchuallu atilugich.

1 Timothy 2:14

Suli Adam sagluqirauŋaitchuq, aglaan aġnaq sagluqirauŋaruq kamagiŋił̣ł̣ugu God-im pitquraŋa.