Genesis 26:5 - Iñupiatun Mumiksat Uqalugiksuat

⁵ Piḷḷuatautiqaqtinniaġikpiñ, qanukkii Abraham-gum kamagiŋagaaŋa suli nalaułługich pitquratka piraksriutitkalu.”

Genesis 26:5 Iomraidhean Croise

Genesis 12:4

Abram ukiunikkami piŋasukipiaq akimiatun (75), aullaqiŋaruq Haran-miñ, Ataniġmiñ piraksriusiamisun aasii Lot-gum aullaqatigiŋagaa.

Genesis 17:23

Taaptumani uvlumi Abraham-gum kamagivlugu God iġñini Ishmael nalunaiñŋutchiqsinŋagaa iluqaisalu allat aŋutit igluqatiini, kivgaġiratiglu aniŋaruat aimmivigmiñi tamatkualu ilaata tauqsiaġiŋarani.

Genesis 18:19

Naliġaaġiŋagiga piraksriiḷḷatquvlugu iġñiġutiiŋiññik kiŋuvaaġiniaqtaŋiññiglu kamakkutiqaquvlugich uvamnun iluaqtualiqirautquvlugiḷḷu nalaunŋaruakullu iñuutquvlugich. Taapkua maliġuaqpatigik nalautinniaġitka iluqaiññik unniqsuqłiisigiŋaratka Abraham-mun.”

Genesis 22:16

“Unniqsuqłiiruŋa uvaŋa atipkun—Ataniq uvva uqaqtuq—aŋiruamik quviasaaġunmik aitchuġniaġikpiñ. Qanukkii kamaksrirutillu anniġiŋił̣ł̣ugulu iġñitualuiñ,

Genesis 22:18

Kiŋuvaatin nunaqpaguŋaruat ikayuusiaqpaqaġniaqtut sutigulliqaa qanukkii kamagiŋagigma.”

Genesis 26:6

Tainnaqhuni Isaac iñuuniaŋaruq Gerar-mi.

Matthew 5:19

Kiñapayaaq tavra kamaksriŋitkumi atausiuramikunnii kamanaiññiqsraŋannik makua pitqurat aasii iḷisautiaqsiḷugich iñuich tainnali pitqulugich, kamanaiññiqsrauniaqtuq atanniqsimaviani Taavruma qiḷaŋmiittuam. Aglaan iñuk kamaksriruaq pitquranik iḷisaurrutigivlugiḷḷu, kamanaġniqsrauruq atanniqsimaviani Taavruma qiḷaŋmiittuam.

Matthew 7:24

Iñupayaaq tavra tusaaruaq makkuniŋa uqalumnik aasii kamagivlugich arriqaġniaqtuq isumaturuamik iñuŋmik igluqpiruamik uyaġagruam qaaŋanun.

1 Corinthians 15:58

Taamna tainnainman, piviuttaġikkavsi aniqatiit, suaŋasitchi ukpiġutiqaġnivsiññi iḷumun ittuamun, tuniqsimatitchi, ataramik savaurriyumalaaġlusi Ataniġmik, iḷisimaugaġlusi savaurriñiqsi Ataniġmik piuŋiḷauŋisilaaŋanik.

Galatians 5:6

Niġiugikaptigu nalaunŋasipkaqtauniksraqput Christ-kun, nalunaiñŋutchiqsauniq Jew-guruatun naagga nalunaiñŋutchiqsauŋaiññiq anniqsuutauŋitchuq uvaptiŋnun, aglaan ukpiġun kisimi piviuttaqsripkairuaq allanun uvaptiŋnik.

Hebrews 11:8

Ukpiġutiqaqłuni, Abraham kamaksriŋaruq God-im ququaġmani aullaquvlugu nunamun aitchuusiaġiyumaakkaġmiñun kiŋuvaaġitqulugu. Tavra aullaŋaruq, nalullaġmi sumun aullaġniaqtilaamiñik.

James 2:21

Isumalaaġutigisiuŋ maŋŋuqput Abraham. Qanuqłuni nalaunŋasirauŋava God-im sivuġaani? God-im iḷisimaŋagaa nalaunŋaruagutilaaŋanik ukpiġunmiñi pisigivlugu aitchuutigiyumiñaġmagu iġñini Isaac niġrutitun iḷivḷugu ikipkaiviŋmun.