Genesis 26:4 - Iñupiatun Mumiksat Uqalugiksuat

⁴ Kiŋuvaagsriññiaġikpiñ iñugiaktigiruanik uvluġiatun qiḷaŋmiittuatitun, qaiññiaġigalu iliŋiññun manna iluqaan nuna. Iluqaġmiŋ nunaqpaich apiġiniaġaanŋa piḷḷuatautiqaġuglutiŋ aitchuutigiŋaraptun kiŋuvaagnun.

Genesis 26:4 Iomraidhean Croise

Genesis 13:16

Kiŋuvaaqsriññiaġikpiñ iñugiakpaktuanik kia unnii kisitchumiñaitchaŋiññik; kisiññaqpan nunam avyuŋa tainnaptauq kiŋuvaatin kisiññaġniaġmiut.

Genesis 15:18

Tavrani tavra Ataniq inillaiŋaruq sivunniuġunmik Abram-mun. Uqallakłuni, “Unniqsuqłiiruŋa aitchuġukługich kiŋuvaatin iluqaanik mattumiŋa nunamik killiŋaniñ Egypt-gum kuukpagmuaglaan atiqaqtuamik Euphrates-mik,

Genesis 15:5

Atanġum annisivlugu uqallautigaa, “Qiviaġuŋ qiḷak aasii kisitchaġaluakkich uvluġiat; tainnatun iñugiaktigiruanik kiŋuvaaqaġniaqtutin.”

Genesis 18:18

Ilaata kiŋuvaaġiniaqtaŋich kamanaqsiḷutiŋ nunaqpaguġniaqtut, aasii ilaaguaġlugu piḷḷuatautiqaqtinniaġitka iluqaisa nunapayaat.

Genesis 26:24

Unnuaġmagu tavrani Atanġum niptaġvigiŋagaa aasii uqallakhuni, “Uvaŋa God-auruŋa aapagnun Abraham-mun. Iqsisiqaġnak; Itqatigigikpiñ. Piḷḷuatautiqaqtinniaġikpiñ suli kiŋuvaagsriḷḷutin iñugiaktuanik pisigilugu unniqsuqłiisigiŋaraġa kivgaġiramnun Abraham-mun.”

Genesis 28:14

Kiŋuvaatin iñugiaktiginiaqtut avyuŋatun nunam. Siaminniaqtut nunamigni sugnamulliqaa, aasii ilikkuaġlugu kiŋuvaagirakkullu quviasaaġunmik piqaqtinniaġitka nunapayaat.

Genesis 28:3

Qanuqtuq Sapiġñaqtuam God-im piḷḷuatautiqaqtitchumagaatin tuvaaqatchiġuvich suli iñugiaktuanik miqłiqtuksriḷḷutin, aapaġuġumautin iñugiaktuanun nunaqpagnun!

Genesis 35:12

Aitchuġniaġikpiñ nunamik qaiñŋaramnik Abraham-mun Isaac-mullu suli qaiññiaġmigiga kiŋuvaaġiniaqtaġnun aqukkun.”

Genesis 47:27

Israel-gum kiŋuvaaŋich iñuuniaŋarut Egypt-mi nunaŋani Goshen, tavrani umiallaŋarut suli iñugiaktuanik miqłiqsivḷutiŋ.

Psalms 72:17

Umialguptuq atqa puiguqtauŋaiḷḷi; tutchaġigñiŋa sivisutigili siqiñġum sivisutilaaŋatun. Nunaqpaupayaaqtuattuq apiqsriḷich God-miñ quviasuusiaksramignik ilaan quviasuusiaksrirrutaatuttauq umialigmun.

Exodus 32:13

Itqaumalugich kivgatin Abraham, Isaac suli Jacob. Itqaumalugu iḷumutuuruaq unniqsuqłiisigiŋaran iliŋiññun kiŋuvaaksriññiaġnivḷugich uvluġiat iñugiaktilaaŋatitun suli kiŋuniiŋich nunaksriññiaġnivḷugich nanmiñiq nunaksraŋannik taimuŋaaglaan.”

Exodus 6:4

Aasii suli inillaiŋaruŋa sivunniuġunmik iliŋiññun, unniqsuqłiivḷugich aitchuġniaġnivḷugich nunaŋanik Canaan, nunamik iñuuvigiŋaraŋannik allaniñ nunaniŋŋaqtauvlutiŋ.

Acts 3:25

God-im unniqsuqłiisiŋi uqaqtimigun ilivsiññun ittut, aasii iḷaŋiutivlusi sivunniuġutiŋiñun God-im maŋŋuuvsiññun, uqallausiġmisun Abraham-mun inna, “Ilivich kiŋunipkun uvaŋa anniqsuġniaġitka iñupayaurat nunami.”

Galatians 3:16

Tavra God-im unniqsuqłiisigiŋagaa quviasaaġusiaq Abraham-mun kiŋuniŋanullu. Una nalunaigilugu. Unniqsuqłiiñ quviasaaġusiakun unniqsuqłiisauŋaitchuq iñugiaktuanun kiŋuniġiiñun, aglaan atausisualuŋmun kiŋunġuruamun, aasii taamna kiŋunġuruaq Christ-guruq.

Galatians 3:8

Aasiisuli piŋaisaktaŋŋaan, Bible satqummiŋagaat God-mun akuqtuġumaaġnivḷugich Jew-guŋitchuat nalaunŋarualiḷugich pisigilugu ukpiġutaat, qanuq God-im uqautiŋagaa Abraham tusaayugaaġiksuanik uqallautikamiuŋ, “Quviasuutiqaqtinniaġitka nunapayaani ukpiliqsuat uvamnun iliktuttauq ukpiqpata.”

Deuteronomy 13:17

Tutquqsiñiaġnasi supayaamik taaptumaŋŋa suksraaqtauganiŋaruamiñ, Atanġum qinnautiqpagmiñiñ mumiguni nagligiliġumagaasi. Ilaan nagligiliġḷusi iñugiaksipkaġniaġaasi atqunaġlusi, unniqsuqłiunmisun maŋŋuuvsigñuñ,

Deuteronomy 9:5

Sivuniqaŋiñmiuq nakuuvaił̣ł̣usi piḷḷuataqtuaguvlusiḷu Ataniġmun nunaiqsinniḷugich. Qimaaratchiñiaġaich piḷuktuaguniŋat pisigilugu suli unniqsuqłiunni nalautitchukługu kiŋuniivsigñun Abraham-mun, Isaac-mun, Jacob-mullu.

Hebrews 11:2

Qanuq taipkua iñuich taimani ukpiġutiqaġmata, God-im iviġaummatigiŋagai.