Genesis 26:3 - Iñupiatun Mumiksat Uqalugiksuat

³ Maani iñuuniaġiñ, itqatiginiaġikpiñ suli quviasaaġunmik aitchuġlutin. Qaiññiaġiga iluqaan manna nuna iliŋnun kiŋuvaaġiraġnullu. Unniqsuqłiisigiŋaraġa aapagnun Abraham-mun taŋŋiġḷugu.

Genesis 26:3 Iomraidhean Croise

Genesis 12:7

Ataniq niptaŋaruq Abram-mun aasii uqallautivlugu, “Tamarra tamanna nuna qaiññiaqtaġa kiŋuvaaġiniaqtaġnun.” Tavraasii Abram ikipkaiviḷiuŋaruq tavrani Ataniġmun tuktiłługu, niptaġvigiŋammani tavrani.

Genesis 13:15

Qaiññiaġiga ilignun kiŋuvaaġiniaqtaġnullu iluqaan nuna qiñiqtan, aasii piginiaġiñ taimuŋa isuitchuamun.

Genesis 13:17

Tavraasii, qimilġulluataġiaġuŋ nuna pisuaġlugu iluqaan, qanuq uvva qaiññiaġiga iluqaan ilignun.”

Genesis 15:18

Tavrani tavra Ataniq inillaiŋaruq sivunniuġunmik Abram-mun. Uqallakłuni, “Unniqsuqłiiruŋa aitchuġukługich kiŋuvaatin iluqaanik mattumiŋa nunamik killiŋaniñ Egypt-gum kuukpagmuaglaan atiqaqtuamik Euphrates-mik,

Genesis 17:19

Aglaan God uqallaktuq, “Naumi. Tuvaaqatin Sarah iġñiqaġniaqtuq aasii atchiġñiaġiñ Isaac-mik. Inillagniaġiga sivunniuġutiga ilaanun kiŋuvaaġiniaqtaŋiññullu taimuŋa isuitchuamun. Sivunniuġun inniaqtuq isuksraiḷaamun.

Genesis 17:8

Qaiññiaġiga iliŋnun kiŋuvaaġnullu manna nuna paŋmami iñuuniaġvigiran. Tamatkiġḷugu nunaŋa Canaan piginiaġaat kiŋuvaaqpich isuitchuamun, aasii uvaŋa iliŋisa God-iginiaġaanŋa.”

Genesis 20:1

Abraham nuunŋaruq Mamre-miñ kiluliñaaŋanun Canaan-gum, Negev-mik atiqaqtuamun aasii iñuuniaqłuni akunġagni Kadesh-guvlu Shur-vlu. Aquvatigun, iñuuniallaġmi Gerar-mi,

Genesis 25:11

Tuquaniŋamman Abraham, God-im piḷḷuatautiqaqtinŋagaa iġñiŋa Isaac, iñuuniaqtuaq qaniŋani Beer Lahai Roi-m, Negev-miittuam.

Genesis 26:12

Isaac nautchirriiŋaruq tamattumani nunami, aasii taaptumani ukiumi kivluiŋaruq tallimakipiatun (100) qaaŋiqł̣ugich kanġaqsruiŋaramiñiñ, qanukkii Atanġum piḷḷuatautiqaqtisimaaqługu.

Genesis 26:14

Iñugiaktuanik imnaiqaġman suli pamiqsaanik iñugiaktuaniglu kivgaqaqhuni, Philistia-ġmiut killuġiŋagaat.

Genesis 26:24

Unnuaġmagu tavrani Atanġum niptaġvigiŋagaa aasii uqallakhuni, “Uvaŋa God-auruŋa aapagnun Abraham-mun. Iqsisiqaġnak; Itqatigigikpiñ. Piḷḷuatautiqaqtinniaġikpiñ suli kiŋuvaagsriḷḷutin iñugiaktuanik pisigilugu unniqsuqłiisigiŋaraġa kivgaġiramnun Abraham-mun.”

Genesis 28:13

Tavrani Ataniq qikaŋaruq qulaani, aasii uqallakłuni, “Uvaŋa Atanġuruŋa, God-iŋa Abraham Isaac-guvlu,” uqallaktuq. “Aitchuġniaġikpiñ kiŋuvaatillu mattumiŋa nunamik nallavigiraġnik.

Genesis 28:15

Itqaumalutin, itqatiginiaġikpiñ suli munaġilutin sumupayaaġaluaġuvich, suli utqutiniaġikpiñ mattumuŋa nunamun. Uniññiaŋitkikpiñ taŋŋiġataġlugu unniqsuqłiisigiŋaraġa iliŋnun.”

Genesis 31:3

Tavraasii Atanġum uqallautiŋagaa, “Utiġiñ nunaŋannun aapavich suli nanmiñiq iḷaŋnuglutin. Itqatiginiaġikpiñ.”

Genesis 35:12

Aitchuġniaġikpiñ nunamik qaiñŋaramnik Abraham-mun Isaac-mullu suli qaiññiaġmigiga kiŋuvaaġiniaqtaġnun aqukkun.”

Genesis 39:2

Atanġum itqatigisimaaŋagaa Joseph suli piḷḷuatautiqaqtiłługu. Iñuuniqsuq Egypt-mium igluani ataniġiraġmi,

Genesis 39:21

Aglaan Atanġum itqatigiŋagaa Joseph suli nagliktuqsimaaqługu, tainnamik isiqtanik qaunaksrim iviġaumagisuuŋagaa.

Genesis 48:21

Jacob uqallaktuq Joseph-mun, “Tautukkiŋma, tuquyasitilaamnik, aglaan God-im itqatiginiaġaatin suli utqutilutin nunaŋannun maŋŋuuvich.

Genesis 50:24

Uqallautigaich aniqatiini, “Tuquyasiruŋa uvva, aglaan God-im munaġipiaġniaġaasi suli aullatilusi mattumaŋŋa nunamiñ nunamun unniqsuqłiisigiŋaraanun Abraham-mun, Isaac-mun, suli Jacob-mun.”

Psalms 105:8

Piiguġumiñaitkaa sivunniuġutini taimuŋa isuitchuamun, unniqsuqłiisaa naamaniaqtuq 1,000-tun kiŋuniġiiksuanun.

Psalms 105:9

Taamnauvva sivunniuġutiliaŋa Abraham-mun unniqsuqłiisigivlugulu Isaac-mun.

Psalms 32:8

Ataniq uqallaktuq, “Uvaŋa iḷisautiniaġikpiñ apqutiksraġirapkun; Siḷġiqsuġutin munaġilutillu.

Psalms 39:12

Tusaagguuŋ aŋaiyyutiga, Ataniiq, naalaglugulu qirratiga; qaiñ ikayuġiaŋŋa qirrugnimni. Taipkunatitun maŋŋuupayauraptun Uvaŋa tuyuġmiaġigigma sivikisuurami.

Exodus 2:24

tusaagamiuŋ itqaġaa sivunniuġutiktiŋ Abraham-lu, Isaac-lu, Jacob-lu.

Exodus 3:12

God-im kiugaa, “Itqatiginiaġikpiñ, aasii qaġġisigupkich iñuich Egypt-miñ, nanġautiqaġniaqtutin uvamnun uumani iġġimi. Taamna nalupqinaiġutauniaqtuq uvamnun tiliŋatilaaġnik.”

Exodus 6:4

Aasii suli inillaiŋaruŋa sivunniuġunmik iliŋiññun, unniqsuqłiivḷugich aitchuġniaġnivḷugich nunaŋanik Canaan, nunamik iñuuvigiŋaraŋannik allaniñ nunaniŋŋaqtauvlutiŋ.

Exodus 6:7

Iñugiliutiniaġivsi uvaŋa nanmiñiq, suli ilivsiññun God-auniaqtuŋa. Iḷisimaniaqtusi uvaŋa Ataniq, ilivsi God-igiraqsi, atanġiqsitkivsi kivgaunivsiññiñ Egypt-mi.

Exodus 6:8

Nunamuutiniaġivsi unniqsuqłiisigiŋaramnun Abraham-mun, Isaac-mun, Jacob-mullu; qaiññiaġiga ilivsiññun pigiliutipkaġlugu. Uvaŋa Atanġuruŋa.’”

Numbers 23:19

God una iñuktun inŋitchuq, saglusuuruatun; Naaggaunnii iñugruiññatun isumalitqigaġluni. Unniqsuqłiigami sumik, pisuugaa; Uqallautaa nalautitchuuruq.

Deuteronomy 1:8

Tamanna nuna iluqaan uvaŋa Atanġum unniqsuqłiutigiŋaraġa maŋŋuuvsigñun, Abraham-mun, Isaac-mun, Jacob-mullu, kiŋuniiŋiññullu. Aullaġusi piññaktaaġiyyaqsiuŋ.’”

Deuteronomy 34:4

Tavraasii Atanġum uqallautivlugu Moses, “Tamarra nuna unniqsuqłiutigiŋaraġa Abraham-mun, Isaac-mun, Jacob-mullu qaiññiaġnivḷugu kiŋuniiŋiññun. Tautuktitkaluaġiga ilignun, ullaktinniaŋitkiga aglaan.”

Philippians 4:9

Iñuusiġisigik sut iḷisasi akuqtukkasiḷu uvaŋa uqalumniñ iñuusimñiḷḷu. Aasii God-im tutqiutiqaqtitchiruam uvaptiŋnik nayuġniaġaasi.

Hebrews 11:9

Ukpiġutiqaqłuni tuyuġmiaġuŋaruq nunami God-im unniqsuqłiisaani inmiŋnun, tupiqtuqłutiŋ allami nunami inmatun. Tainnatuttauq Isaac-lu Jacob-lu tupiqtuŋammiuk kiŋuvaannaktaaksraunmiŋni taavrumani nunami unniqsuqłiisauruami.

Hebrews 6:17

Tavrali God-im ukpiġnaqsiḷiġuŋagaa unniqsuqłiisini kiŋuvaannagniaqtuanun allaŋŋulaisilaaŋa sivunniutini, arguanaiyaqługu unniqsuqłiiñmik.