Genesis 2:2 - Iñupiatun Mumiksat Uqalugiksuat

² Tallimat malġuŋanni uvlut God-im naanŋagaa savaani aasii savaaġiŋaiqł̣ugu.

Genesis 2:2 Iomraidhean Croise

Genesis 1:31

God-im qiñiŋagaich savaapayaurani, aasii iviġaumagipiallaŋagaich. Anaqa qaaŋiġman aasii uvlaaġmauŋ—tavra taamna itchaksraġigaat uvlut.

Genesis 2:3

God-im nuimarualiuŋagaa tallimat malġuŋat uvlut aasiisuli salumarualiuqługu, qanukkii taaptumani uvlumi naanŋagaa ilaata savaaġirani aasii savaaġiŋaiqł̣ugu.

Exodus 23:12

“Savaiññiġmi savaglusi itchaksrani uvluni, aglaan savaŋnasi tallimat malġuanni uvlut, kivgasiḷu aaŋŋaġmiullu savaktigirasi, suli pamiqsaasi unaŋuiqsiġumaut.

Exodus 31:15

Itchaksrani uvluni savagviksraqaqtusi, aglaan tallimat malġuŋat uvlut qiksigisraksraġigiksi unaŋuiqsiġviusaġlugu ilaaguaqtauŋavluni uvamnun. Kiñapayaaq savaktuaq taaptumani uvlumi tuqutauniaqtuq.

Exodus 31:17

Allaŋuġniaŋitchuq nalunaiñŋutaulugu Israel-gum kiŋuvaaŋiññun uvamnullu, qanukkii uvaŋa, Atanġuruaŋa, savaŋagikka qiḷaglu nunalu itchaksrani uvluni, aasii tallimat malġuŋanni savaŋaiŋaruŋa suli unaŋuiqsiqł̣uŋa.”

John 5:17

Tavra Jesus kiuŋagai, Aapaga savaktuq ataramik, aasiivsauq savaktuksraummiuŋa.

Deuteronomy 5:14

aglaan tallimat malġuat uvlut unaŋuiqsiġviuniaqtuq nalunaiqsauluni uvamnun. Taaptumani uvlumi kiña unnii savagniaŋitchuq—ilivsi, miqłiqtusi, kivgasi, pamiqsaasi, naaggaunnii iglaat allaniñ nunaniñ iñuuniaqtuat nunavsiññi. Kivgaġiratin unaŋuiqsiaqtuksraummiut iliktuttauq.

Hebrews 4:10

Qanuq kiñaliqaa isiqtuaq God-im unaŋuiqsiġvianun nutqaġmiuq savaamiñiñ, God-ituttauq nutqaġmatun savaamiñiñ.

Hebrews 4:4

Qanuq Bible uqaluŋi imma sumi uqaŋarut taavrumuuna tallimat malġuatigun uvlut inna, “God unaŋuiqsiŋaruq savaamiñiñ tallimat malġuaŋni uvlut.”