Genesis 2:1 - Iñupiatun Mumiksat Uqalugiksuat

¹ Tavra qiḷaiḷḷu nunalu naanŋarut supayaurallu qiḷaŋmiittuat nunamiittuallu.

Genesis 2:1 Iomraidhean Croise

Genesis 1:1

Aullaqisaami, God-im savaŋagaik qiḷaglu, nunalu.

Genesis 1:10

God-im atchiŋagaa paliumaruaq nuna “Nunamik,” imaq aasii atautchimun katittani atchiqł̣ugu “Taġiumik.” Aasii God-im tautuktani iviġaumagiŋagaa.

Genesis 2:4

Tavraasii tainna savaaġiŋagaik God-im qiḷaglu nunalu. Atanġum God-auruam savaaġimmagik qiḷaglu nunalu,

2 Kings 19:15

aasii aŋaiyyuaqsivḷuni, “Atanġuruatiin, God-iŋa Israel, aquppiruatin aquppiutaqpagni qulaanni isaġuligaat cherubim, kisivich God-aurutin, aŋalatchivḷutin umialgutiŋiñik nunam. Ilvich savaŋagikiñ nunalu qiḷaglu.

Makpiġaaŋa Job-gum 12:9

Iluqaġmiŋ iḷisimarut Ataniq patchisauruaq.

Psalms 104:2

Matuŋarutin qaumaniġmik annuġaaġmatun. Isivinŋagitin qiḷaich tupiqtun

Psalms 146:6

Savaŋaruaq qiḷaŋmik, nunamik, suli taġiumik, suli supayauranik ittuanik tavrani. Ilaata taŋŋiġuugaich unniqsuqłiisigiŋarani;

Psalms 33:6

Atanġum inillaktuaŋagai qiḷaich piraksriqsuunmigun, siqiñiq, tatqiq, uvluġiallu uqallaunmigun.

Psalms 33:9

Uqallagman, nuna savaaguŋaruq; piraksriimman sunapayaaq niptaŋaruq.

Exodus 20:11

Itchaksrani uvluni uvaŋa Atanġuruaŋa savaŋagiga nuna, qiḷak, taġiuq, suli sunapayaaq ittuaq taapkunani, aglaan tallimat malġuanni uvlut unaŋuiqsiŋaruŋa. Tavra tainnamik uvaŋa Atanġuruaŋa ilaaguaŋagiga nalunaiqł̣ugu Sabbath salumarualiuqługulu.

Exodus 31:17

Allaŋuġniaŋitchuq nalunaiñŋutaulugu Israel-gum kiŋuvaaŋiññun uvamnullu, qanukkii uvaŋa, Atanġuruaŋa, savaŋagikka qiḷaglu nunalu itchaksrani uvluni, aasii tallimat malġuŋanni savaŋaiŋaruŋa suli unaŋuiqsiqł̣uŋa.”

Luke 2:13

Tavra tavraŋŋatchiaq isaġulik piqasiŋagaat isaġulisalaich nanġaqługu God, suli uqaqłutiŋ,

Acts 4:24

Tavra tusaakamirruŋ taamna, iluqaġmiŋ aŋaiyyuqatigiirraqsiŋarut God-mun, uqallakłutiŋ, Sapiġñaqtuaq Ataniq, savaŋaruatiin qiḷaŋmik, nunamiglu, taġiumiglu, suli supayaanik imaġikkaŋiññik,

Acts 7:42

Tavrali God-im iḷatchiḷiŋagai, aŋaiyyuyumiñaqsivḷugich uvluġianun qiḷaŋmi. Iñugiaktuat ukiut pianiŋmata uqaqtaa God-im aglaŋaruq uqautigivlugich taapkua iñuich, “Iñuich Israel-guruasii, uvaŋa pisiluŋa tuqutchiŋaitchusi ikipkaiḷusiḷu niġrutinik, nunagluktuami malġukipiani ukiuni.

Deuteronomy 17:3

nanġairraqsiñiḷugi naakka purvigiḷugiḷḷu allat god-it, siqiñiq, tatqiq, uvluġiat, paaqłagruiññaqługu God-im piraksriutaa.

Deuteronomy 4:19

Maliksuktitaunasi nanġaġuglugich tautuktasi siḷami—siqiñiġmik, tatqimik, uvluġiakkaluanik. Atanġum God-ivsi inillaŋagaich iluqaiññun nunaqpauruanun ataani iluqaani qiḷaum.

Hebrews 4:3

Uvagut ukpiqtuaġuŋaruaguut isianiŋarugut unaŋuiqsiġviŋmun God-im aitchuutaanun ilaan uqallausiatun, “Qinnakama unniqsuqłiisiptun, taipkua isiġumiñaipiaqtut unaŋuiqsiġvimñun.” Isiqugaluaqtillutiŋ ilaanun God naatchiŋavluni savaamiñik nunalikami taimani.