Genesis 13:8 - Iñupiatun Mumiksat Uqalugiksuat

⁸ Abram aasii uqallaktuq Lot-mun, “Uvvauvaguk nanmiñiq iḷagiiksuguk, aasiuvva iñuktillu iñutkalu qanaaġutiruksrauŋitchut.

Genesis 13:8 Iomraidhean Croise

Genesis 13:9

Atautchimiinŋaiġḷuk uvaguk. Naliġagiñ suqpanipayaaq nunami pisuktaġnik. Sugnamun aullaġuvich, uvaŋali allamun aullaġisiruŋa.”

Genesis 14:14

Abram tusaakami uyuġuni tiguŋatilaaŋanik, ququaŋagaich atautchimuktiłługich aŋuyaktauruat inimigni, iñugiaktigivlutiŋ 318-tun, aasii maliqataŋagaich sisamauruat umialgich Dan-muaglaan.

Genesis 45:24

Aullaqtitkai aniqatiini aasii aullaqisaġmata, uqallaktuq iliŋiññun, “Qanaaġnasi iglaullavsi.”

Genesis 46:34

uqallautipiaġumagiksi qaunaksrauniḷusi niġrutinun iñuuniqtutilaavsiññi, maŋŋuuvsi piusiatitun. Tainnaġuvsi iñuuniallapkaġniaġaasi Goshen-mi.” Joseph-gum tainna uqautiniġaich qanukkii Egypt-miut suunnaġilaitkaich imnaiḷiqiraummata iñuich.

Psalms 133:1

Qanutun nakuutigiva suli qaamanaqtigiva, God-im iñuŋi iñuuniaġmata ativlutiŋ!

Exodus 2:13

Uvlaakumman utiŋaruq aasii tautukługik malġuk Hebrew-guruak qinnaktuak. Uqallautigaa taamna patchisauruaq, “Immaimña suruaq piyukpiuŋ Hebrew-gummiruaq iliktun?”

Proverbs 15:1

Kiurił̣ł̣aktaŋitchuam qinnaun suaŋaŋaiġuugaa, aglaan ipiktuam uqaluum piavsaisuugaa.

Proverbs 15:18

Uumitchałłaktaġniġum qanaaġun ititchuugaa, aglaan qiñuirrutim tutqiun ititchuugaa.

Proverbs 20:3

Isumalluaġiitchuam isagutillagaa qanaaġun; pilluatałhaaġnaqtuq iḷḷatiŋitchuni.

Matthew 5:9

Quviasuglich atisipkaiñiaqtuaguruat iñuŋnik, qanuq God-im taiñiaġai miqłiqtumiñik.

Acts 7:26

Tavrasuli uvlaakumman Moses tautuŋagik malġuk Israel-guruak piyuutiruak, atisitquyumaŋagik uqaqłuni, Aŋutiik, Aniqatigiiksutik. Summan piyuutivisik avanmun?

Romans 12:10

Piviuttaqqutisitchi avanmun, aniqatigiich piviuttaqqutimmatun avanmun. Nanġaġumałhaaqsigik allat nanġausiaqałhaaġniġmiñ ilivsi allaniñ.

Philippians 2:14

Supayaat pisigik uqaalaŋaiġḷusi naagga qapiqtaiḷḷisigiŋaiġḷugich,

1 Thessalonians 4:9

Sivuniġilugu piviuttaqqutaat aniqatit, tuyuqtituŋitchusi kimigliqaa qanuq ilivsi ilivsiññi iḷisaurrusiaqaŋarusi God-miñ piviuttaqqutitquvlusi avanmun,

Hebrews 12:14

Iñupayaanun aŋuyautairrutiqaġitchi, ilaaguaqtaulusiḷu God-mun. Taapkuak piiḷḷugik, kialiqaa tautukkumiñaitkaa Ataniq.

Hebrews 13:1

Aniqatigiiksusi piviuttaqqutisitchi ataramik.

1 Peter 1:22

Paŋmapak-aasii piḷuutaiqsauganikavsi kamaksrirraqsivḷusi God-im iḷumun ittuamik uqaluanik piviuttaqsriḷḷasirusi iḷumutun ukpiqtuaguqativsiññik. Tavraasii nalupqinaiyapiaqsiuŋ iḷumupiaq piviuttaġitilaaŋannik ukpiqtuaguqatisi iḷuvsiññiñ.

1 Peter 2:17

Suuŋiḷaġinagich iñupayaat. Piviuttaġisigik ukpiqtuaguqatisi. Qiksigilugu God. Suuŋiḷaġinagu Umialik.

1 Peter 3:8

Paŋmapak uqallautilavsi atausiullaalusi. Iñuusitchi atautchimi atilusi, saġiakkutilusi avanmun, piviuttaqqutilusi aniqatigiisun, piaqłuktautiŋiḷḷusi kamasaaŋaiġḷusiḷu avanmun.

1 Peter 4:8

Naumaniqsrauruaq uvva, piviuttaqqutipiaġitchi avanmun qanuq piviuttaqqutiruni avanmun nalunaiqsimałhaiññaġnaitchut iluqaisa naġġunautit avanmun.

2 Peter 1:7

suli god-iliqinivsiññun iḷḷatigilugu piviuttaqsriñiq aniqatinik piviuttaġilugich iñupayaat.

1 John 4:7

Piviuttaġirauruasii, piviuttaqqutita avanmun qanuq piviuttaqqun God-miŋŋaqtauruq, aasii kiñaliqaa tainnatun piviuttaqqutiqaqtuaq iḷisimanaqtitkaa miqłiqtuutilaani God-mun, iḷisimagaalu God.