Genesis 13:2 - Iñupiatun Mumiksat Uqalugiksuat

² Abram una umialgupiaġataŋaruq, imnaigukkaqłuni, nagruligniglu, pamiqsaaniglu, qatiqtuaniglu kaviqsuaniglu maniukkaġmivḷuni.

Genesis 13:2 Iomraidhean Croise

Genesis 12:16

Pisigivlugu aġnaq aŋalalluataŋagaa Abram, aitchuqługu imnaiñik, nagrulignik, pamiqsaanik, aġnasalluniglu aŋusalluniglu kakaktinik, aġnaniglu aŋutiniglu kivganik, pikukturuaniglu.

Genesis 13:6

Aasii tavra niġrutiŋich niqiksraiḷḷiuŋarut tavraniitkaluaqpagnik iluqatik, iñugiakpaił̣ł̣utiŋ niġrutautiŋik.

Genesis 24:1

Abraham aŋayuqaksraġuqtuq, Atanġum piḷḷuatautiqaqtinŋagaa supayaurakun.

Genesis 24:35

“Atanġum atqunaqługu piḷḷuatautiqaqtitkaa umialigiraġa aasii umiallaktiłługu. Aitchuŋagaa iñugiaktuanik imnaiñik, nagrulignik, pamiqsaaniglu, qatiqtuanik kaviqsuaniglu manigñik, aŋutiniglu aġnaniglu kivganik, pikukturuat, kakaktiniglu.

Genesis 26:14

Iñugiaktuanik imnaiqaġman suli pamiqsaanik iñugiaktuaniglu kivgaqaqhuni, Philistia-ġmiut killuġiŋagaat.

Genesis 30:43

Tainnaqhuni tavra Jacob umiallapiaġataŋaruq. Iñugiaktuanik pamiqsaaqaŋaruq, aġnallu aŋutillu kivgaŋich, pikukturuanik, suli kakaktinik.

Makpiġaaŋa Job-gum 1:10

Ilvich ataramik qaunagisuugiñ, qitunġaŋiḷḷu, supayaallu pigikkaŋich. Anniqsuusiaqaqtitkiñ Job supayaaġman, aitchuġmivḷugulu pamiqsaanik iñugiakpaktuanik.

Makpiġaaŋa Job-gum 1:3

7,000-nik imnaiqaqłuni, 3,000-nik kakaktinik pikukturuanik, 1,000-nik pamiqsaanik, 500-niglu kakaktinik. Ilaasuli iñugiaktuanik kivgaqaġniqsuq umialguniqtauvluniḷu kivalliġmiuniñ.

Proverbs 10:22

Atanġum ikayuutaata umiallaktitchuugaatin. Aasii suli Atanġum iḷasuitkaa umialgutin isumaaluutinik.

Matthew 6:33

Tavraasii piqaqtinniaġaasi iluqaiññik tamatkuniŋa ilivsi atanniqsimapkaqqaaġuvsi God-mun iñuulusiḷu nalaunŋaruakun.

Deuteronomy 8:18

Itqaumalugu Atanġum God-ivsi ilaata suaŋŋasiġaasi umiallaktiłłusiḷu. Tainna pipkaġaasi ukpiġnapiallakłuni uvlupagmuaglaan sivunniuġutaa unniqsuqłiutigiŋaraġmigun maŋŋuuvsigñun nalautinniaġnivḷugu.

1 Timothy 4:8

Qanuq timim qiġġaiyaġniŋa anniqsuusiaqaġnaġaluaġmiuq, god-tiliqiniq anniqsuutiqałhaaqtuq qanusipayaakun, unniqsuqłiisiqaqłuni paŋmapak iñuutchimun suli iñuggunmun isuitchuamun.

1 Samuel 2:7

Iñuich iḷaŋich piiḷḷiuqtitkaich suli iḷaŋich umialgupkaqługich; iḷaŋich qiñuiqsił̣ł̣ugich suli iḷaŋich kamanaqsivḷugich.