Genesis 13:11 - Iñupiatun Mumiksat Uqalugiksuat

¹¹ Tavraasii Lot-gum naliġaaġiŋagaa inmiñun iluqaan Jordan Valley aasii aullaqłuni kivanmun. Tavra tainnaqłutiŋ avirrutiŋaruk aŋaalugiik.

Genesis 13:11 Iomraidhean Croise

Genesis 13:10

Lot nasisaaqłuni suŋnamulliqaa tautukkaa Jordan Valley, Zoar-muaglaan, qiñiġaa imaukkaqtilaaŋa, Nautchiaqaġviŋatun Atanġum: naakkaqaa nunaŋatun Egypt. (Taamna piŋaruq Atanġum suksraunġiŋaiñŋaagnik iniqpaŋik Sodom-lu Gomorrah-vlu.)

Genesis 13:12

Abram aullaŋaiñŋaruq Canaan-miñ, aasiiḷi Lot inillakłuni akunġannun nunaaqqiuruat natiġnaami tupiqtiŋaruq qaniŋanun Sodom.

Genesis 13:14

Lot aullaanigman, Atanġum uqallautigaa Abram, “Tavraŋŋa irvigniñ, qiñimmaġiksaaġiñ suŋnamulliqaa.

Genesis 13:9

Atautchimiinŋaiġḷuk uvaguk. Naliġagiñ suqpanipayaaq nunami pisuktaġnik. Sugnamun aullaġuvich, uvaŋali allamun aullaġisiruŋa.”

Genesis 19:17

Anipqauragamik inimiñ, igḷua isaġulgum uqallaktuq, “Aqpamik iñuggutisi annautisauraqsigik! Kiŋiaġnasi naaggaunnii nutqaġnasi natiġnami. Aqpallusi qimiqqanuksauraġitchi, tuqutauŋitchumausi.”

Psalms 119:63

Avilaitqatauruŋa iluqaiññun qiksiksraqtuanun iliŋnun, kamaksriruanun pitquraġnun.

Psalms 16:3

Qanutun nakuutigivat Atanġum iñuŋi iḷumutuuqtuat! Quviasupiallaguuruŋa piqatigikapkich.

Proverbs 27:10

Piiguġniaġnagich avilaitqatiitin naaggaunnii aapakpich availaitqatiiŋich. Siġġaġniuġnamun tikitkuvich, apiġinagu iḷan ikayuqulutin; qanittuam siḷalliqpich ikayułhaaġniaġaatin iḷagniñ uŋasiksuamiñ.

Hebrews 10:25

Katitqataqta piŋitqataaŋaiġḷuta atautchimun, piḷġusiġiliutikkaŋatitun iḷaŋisa iñuich iḷisimalugu Atanġum uvlua qallisaiññaqtuaq.

1 Peter 2:17

Suuŋiḷaġinagich iñupayaat. Piviuttaġisigik ukpiqtuaguqatisi. Qiksigilugu God. Suuŋiḷaġinagu Umialik.