YUNUS 3:9 - Nanduk Ngget Tul Pidnak Wene

⁹ Iri nggal kwarogola-ge, Mbal Pem Nagawan-nen-e at indi-nen kwat nunpurak pidnag-e keya bosoluk, nenabuwa yosolar-e, lak tak nunpuwa buk nde ma-o!” luk wene wirik pij-o.

YUNUS 3:9 Iomraidhean Croise

2 SEMUEL 12:22

Yogoloma, Ndaut-nen onggo yosolar-e: ”Nagawan Indo-nen nabuwa karuk, la iri-ge Nagawan Indo-nen ki rak puwa-o luk-nen la iri kugi worak worala-ge, nunggwi mende ninggit lak, tepan yosolat woragi-o.

NDAWI ENGGA 90:13

Nagawan Indo wa-e. Mepme-nen kisilepma keya bugun-o? Kar-e tuguruk lobok yosolat, kat ndegel kubugwi nab-e enabuwa ki-o.

YEREMIA 26:13

Iri bem-e, kit-nen woragwi kenpage min kit-nen kwarugwi min iri-ge nden ker-o. At-nen kit lak tak kunpurak indi yimnik puruk worasu iri tuguruk larok maklug-e, Nagawan Indo-nen yidnak yidnak kwarer-o.

NDANIEL 4:27

Iri bem-e an-nen nggomo kurusu yu ndak ndag-et kwari-o. Kar-e tuguruk meya kwarurak pug-o. Alat nde, konak mot mot nak kwarosolat wolmomtak na-e. Ap insilobulo lak nap enabuwa kasolat wolmin-o. Iri nggal kwarosola-ge, nap kar-e konak kalen pem-et woragun-o” luk yak tij-o.

AMOS 5:15

Meya kwarugwi elem iri-ge kinsili rak puruk, konak kwarugwi elem irit nggok tak pogolat wolmer-o. Iri kwarogolar-e, mot mot kwarugwi elem iri nggok tak pogolat wolmer-o. Erep-nen-e Nagawan Indo-nen-e enlem Isarael nap marig-et keya inpidnak ereba-ge enabuwa yuwa-t nde ma-o.

YUNUS 1:15

Tepan iri na yurug-e, Yunus iri na-ge yi koma arem mbo bil nggwiga-o. Iri rak pogola-ge, o wija kwiye worak puk kasu iri na-ge ndong yij-o.

YUNUS 1:6

Nde, koma iri na waruk nugwi nap-nen ene kulugwi nap iri na-ge ena iri na me mbidnggal-e, Yunus nde nene yosolat worasoma kagaij-o. Karuk-nen yak tosolar-e: ”Yu nggal kwarosola-t nde, kar-e nene nak yosolat wolmomtag-e ndag-er-a? Ndak men min-o! Men yugundik, kat kugugwiwak yongga niri-o luk tepan yi-o. Ta nde aru-o. Iri nggal kat-nen emengen mbarosola-ge, nenabuwa karuk, yongga nondosola, nir-e yi ma yubuk mul puk nde ma-o” luk yak tij-o.

YUNUS 4:2

Isilepma yosolat-nen tepan yosolar-e: ”Nagawan Indo wa-e. Nanduk an-e nama-nen lobok yigit lak ma-net yu nggal-et kwarugun-o luk yigi na-ge lag-a? Iri ala karuk-nen an-e nok Sepaniol nggwe mbereyekluk yigi nar-o! Kar-e Mbal Pem Nagawan ap enabuwa kaso elem, unpud kaso elem, mamak puruk worasolat, yemnak nak kwarosolat, meya rak unpurak yidnag-et nde, pempa kindi luruk posolat yoso Mbal Pem Nagawan kar-e an-e naru-o.

1 SEMUEL 6:5

Iri ala karuk, kit-nen-e marigot min wuningga o yu me eyak worak yusu yu min ut memera ndak worak per-o. Kit-nen iri nggal kwarogolar-e, Isarael nap Enmbal Pem Nagawan kek tak pogolat-nen kwarugub-o. Iri kwarogola-ge, kit min kunkugwiwak min konnggweyak min andi bandi rak kunpusu iri-ge ndong yuwa nde kwat ma-o.