YUNUS 3:6 - Nanduk Ngget Tul Pidnak Wene

⁶ Nde, iri wene iri na Niniwe nagawan iri na-nen kulurug-e, ereya na-net at koreyak woraso sa-nen mbosolar-e, nagawan-nen o tena woragolat-nen yurugwi sum iri na-ge yonggora keya buruk, niri nera-o luk, kondok yogolat-nen yurugwi sum karung sum iri na yirij-o. Yutluk yarig-e, mabe bem ereba na koreyak woragij-o.

YUNUS 3:6 Iomraidhean Croise

1 NAGAWAN NAGAWAN-NEN KWARIDNAK WENE 21:27

Nde, Elia-nen wene iri na yuruk keya bosola karug-e, Akap na-ge ”Niri nera kwarigi-o!” yosolar-e, usum ndela keya buruk, sum-e karung ndelak meya ereba na yirij-o. Yutluk, nunggwi mende ninggit lak irit woragij-o. Nene yosolat na, karung iri na-t yutluk nene yosolat, nde tu mborosolat na erare yek tag-e nigit lag-o.

AYUP 2:8

Ayup iri na-ge iri kwarak eneyakngen mbo bidnak sa ereba na eralu koreyak nak woralar-e, piring telak pem aboro nggwat tenak woragij-o.

AYUP 42:6

Iri kwarosolar-e, an-nen yigi wene ereba na yebet kasolar-e, ’Niri nera-nen yigi-o’ luk ninggiri-nen o liri bem, mabe bem yeba koreyak worasu-o” luk yij-o.

YEREMIA 36:13

Mikaya iri na mborosolar-e, Nagawan Indo ama-nen Mbaruk-nen engga bem wonarosola, kulid wene ereba na oboksa yak indij-o.

YEREMIA 36:24

Nde, iri na kan posola-ge, Elnatan min Ndelaya min Nggemaria min-nen-e: ”Engga ket mbet tak iri na-ge kan purak pug-o” luk nagawan na emengen mbariga-t nde, ar-e it enne kuligit kuligit kan pij-o. Nde, nagawan-nen na irit, it pemerinta yabu winde engga iri wonarosola kuliga nap-nen na irit, engga arem mbarak ereba na bem-e kwiye na mondok yigit lak, iri-nen ”Niri nera-o” luk, unmud na mondok kagit lag-o.

YEREMIA 6:26

Nagawan Indo-nen at ilirak yak ondosolar-e: ”Kir-e tabun sum yutluk, mabe ma mbiring mbaring kwarer-o. Kit lak tak kunpurak nab-e mimo kenpem kore ma me, kir-e inlirak misiget tagoksa wat yosoma-nen inndi abi kalok yogolat, tabun puruk woragwi nggal-et tabun puruk yip togolat wolmer-o” luk yak indij-o.

NDANIEL 9:3

Karug-e, mondok kiri keresa Nagawan Indo Mbal Pem Nagawan emengen mbarosolar-e: ”Nenabuwa ki-o” luk yak tigi-o. Iri kwarosolar-e, inndi puru yogolat-nen yurugwi karung sum iri na yutluk, mburu ninggit lak, tepan nak yosolat mabe bem irit koreyak woragi-o.

MIKA 1:10

Kit yip togola, mondok yik kiniyujwa naru, angin worak nenpem mbidnak wene-ge nit nunuwim nap Nggat woragwi ereba na-ge yak undurak pug-o. Mbet-Le-Apara woragwi nap wa-e. ”Ngge kwarul-o?” luk yane worogolat, o liri bem mbiring mbaring kwarer-o!

MATIUS 11:21

”O Korasin woragwi min Mbetsaira woragwi min wa-e. Kenpem mbuma mende bem kenabuwa-o! Kit kendam woralat-nen kwiye worak mende kwarigi iri na-ge o Tirus min Siron min endam-nen kwatlep nggal-e, o iri me nap-nen-e obi-net it meya yidnak keya buruk kondok yogolar-e, sum meya yorogolat, mabe enanggul pem ndarogolat yeleb-o.

LUKAS 10:13

Yuruk, Yesus-nen yosolar-e: ”O Korasin woragwi min Mbetsaira woragwi min wa-e. Kenpem mbuma mende bem kenabuwa-o! Kit kendam-nen kwiye worak mende kwarusu yeba nde o Tirus min Siron min kwatlep nggal-e, o iri me nap-nen-e obi-net it meya yidnak keya buruk kondok yogolar-e, sum meya yorogolat, entare bem mabe mbo bogolat kwatleb-o.