YUNUS 3:5 - Nanduk Ngget Tul Pidnak Wene

⁵ Iri yosola-ge, Niniwe woragwi nab-e Mbal Pem Nagawan-nen yidnak wene iri na-ge ”Mondok ndemerer-o” luk yebet kaiga-o. Iri luk, Niniwe woragwi nap oboksa nggok-nen marik-nen ”Niri nera-nen meya kwarige-o” luk, kondok yogolat-nen yurugwi sum karung sum nak yutluk woragolat, ”Nunggwi mende ninggit lak tepan nak yogolat wolmog-o” luk wene mbariga-o.

YUNUS 3:5 Iomraidhean Croise

2 NAGAWAN NAGAWAN-NEN KWARIDNAK WENE 19:1

Nde, Nagawan Isikia-nen-e kenan nap ereya na-nen wene waruk lobok yiga wene ereba na kulurug-e, indi abi kalok luk, usum ndela keya buruk, usum-e karung sum yutluk yarig-e, Nagawan Indo ama mbirij-o.

ESET 4:1

Nde, Morendekai-nen iri kwariga wene ereba na kolosolug-e, indi abi kalok yosolar-e, usum ndela bela keya buruk, karung sum yutluk, mabe ndatluk, yip nggwa arem mberarig-e, o siri nggwe mbirij-o.

YEREMIA 31:34

It iri-ge nggok-nen marik-nen oboksa an-e enaru yuwa me, it ennggamirak ennggendumu misik-nen Nagawan Indo an it-nen enaru makluk mul undurag-e lag-o. Nde, it-nen lugud tak kwarugwi-ge an-nen meme rak onposolat, nde, it meya yidnag-e an-nen namberam tak pimin-o. Nagawan Indo an-net yigi-o” luk yij-o.

YEREMIA 36:9

Nde, Yewura nap nagawan Yoyakim iri na-nen o tena woralat tarem waneya sembilan, nde, olengen lima iri bem-e ap oboksa-nen Nagawan Indo-nen enabuwa kujwakluk mburu ninggit lak woragolat, tepan yiga-o. Iri yogolar-e, Yerusalem woragwi nap oboksa min Yewura nggweyak pem o siri ereba me-nen lobok yidnak nap oboksa min-e tepan yiga-o.

NDANIEL 9:3

Karug-e, mondok kiri keresa Nagawan Indo Mbal Pem Nagawan emengen mbarosolar-e: ”Nenabuwa ki-o” luk yak tigi-o. Iri kwarosolar-e, inndi puru yogolat-nen yurugwi karung sum iri na yutluk, mburu ninggit lak, tepan nak yosolat mabe bem irit koreyak woragi-o.

YOEL 1:14

”Nunggwi mende ninggit lak, tepan nak yogolat wolmer-o” luk, kenlem nap yak ondogolat, nggok ndok wururak wene naru karu rak per-o! Enne kulugwi nap min Yewura woragwi nap oboksa min-e Nagawan Indo Kenmbal Pem Nagawan ama ngguruk, at eram wene mbo bil lujwakluk, yonggo enper-o!

YUNUS 3:7

At-nen na wene misik wirik posolar-e: ”Iri nggal kwarurag-o yidnak wene yu-ge nagawan min at indipma ap yok nggok ereba na min-nen mbaridnak wene yu-ge Niniwe woragwi nap enmanggim wirik pogolar-e: ap oboksa-nen na irit, sapi min lomba min wam erep min-nen na irit, mondok nunggwi mende min yi min-e norak pug-o.

MATIUS 12:41

Niniwe woragwi nab-e Yunus-nen yidnak wene kuluruk, it meya yidnak keya buruk kondok yidnak me, ap pidsa enpem wene mbaruwa tarem-nen-e Niniwe nap-nen yawo worali nap kinmin men yogolar-e, kit kenpem wene mbaruwa-o. Nde, ndemerer-o. Yunus iri-ge nggulog-et nde, ap misig-e mondok terak minik nggulog-e yu me worasu-o.

LUKAS 11:32

Ap pidsa enpem wene mbaruwa tarem-nen-e o Niniwe nap na yawo worali nap kinmin men yogolar-e, kinmbiri paruwa-o. It iri-nen-e Yunus-nen yidnak wene kulurug-e, it meya yidnak keya buruk, kondok yiga-o. Alat nde, yu me-ge Yunus nggal-e lag-o. Are, nggok terak minik misik yawo worasu-o” luk yij-o.

YIDNAK YIDNAK WENE 27:25

Iri bem-e, naptak wa-e. Kinndi tugup lak wolmer-o. At-nen yak niridnak wene-ge irit kwat nunpuwa-o luk an nindi-ge Mbal Pem Nagawan ebem angin tubu yusu-o.

YIDNAK YIDNAK WENE 8:10

Yosoloma-ge, it ap marik nggulok pidsa-nen at-nen yidnak yidnak nak kwarogolat-nen yogolar-e: ”Mbal Pem Nagawan amawi kwarar-o luk yugwi iri na-ge ap yu-t kagi-o” luk yogolat woraiga-o.

IBERANI 11:1

Inndi angin tubu yugwi-ge yu nggal-o: Inndi ebem mbung mbung tak woragwi na-ge ndemeret wanul-er-o luk peragwi irir-o. Nde, nit nenlengen-nen kagit lag-et nde, ndemeret kul-er-o luk peragwi irir-o.

IBERANI 11:7

Nde, Nu na indi angin tubu yidnak pem-net Mbal Pem Nagawan-nen-e abok-nen kwat momtak wene yak tosola, kuluruk, indi kwiye luk, at erengen-nen kagit lak mende-t nde, Mbal Pem Nagawan-nen yidnak yidnak kwarosolar-e, at min ogwela min inmiri yurak e koma wirij-o. Iri kwarosolat-nen-e nggweyak ma woragwi nap oboksa enpem wene mbarosola, at indi angin tubu yidnak pem-e Mbal Pem Nagawan-nen at lud tak nak tak ibij-o.

NAM PARA WENE 11:3

Nde, an nene yugwi nap mberen unsum-e tabun puruk woragolat-nen yurugwi sum yutluk, Mbal Pem Nagawan-nen yidnak wene ap yak ondogolar-e, seribu dua ratus enam pulu (1,260) tarem wolma-o” luk yak nirij-o.