YUNUS 3:4 - Nanduk Ngget Tul Pidnak Wene

⁴ Yunus iri na-ge o siri iri na me nggwarik, misik tarem aptusa mbirid mbirid, misik me wokluk, aid wene yak ondoso tel korosolat-nen yosolar-e: ”Empat pulu tarem nak worarug-e, Niniwe siri yu-ge mondok yigisa lak tak puwa-o!” luk yij-o.

YUNUS 3:4 Iomraidhean Croise

2 NAGAWAN NAGAWAN-NEN KWARIDNAK WENE 20:1

Nde, ereya tarem-e Nagawan Isikia iri na-ge kimbi mondok kwiye worak misik ebem yarik, mondok wat yekluk irit yij-o. Iri yosola-ge, Mbal Pem Nagawan ene lomboksa yoso nap Amos ambara Yesaya iri na-ge Isikia kil lobok yarik-nen yosolar-e: ”Nagawan Indo-nen yak korosolar-e: ’Nagawan kar-e ki yugun-e lag-o. Wat yugun me, kat-nen kwarurak mende-ge yanem-et ndegera keya burag-o’ yak kirij-o” luk yak tij-o.

2 NAGAWAN NAGAWAN-NEN KWARIDNAK WENE 20:6

An-nen-e kat kuruk wolmomtag-e tuguruk olengen lima belas tak kubusu-o. Kat min o Yerusalem siri yu min-e Asiut nagawan inggiyapma-nen kinmiri yimin-o. Nde, o siri yu-ge an-nen kek tak woraso bem-nen na irit, an ndegel noboso nap Ndaut urul yak tigi ereba na bem-nen na irit, mondok imiri yimin-o’ yij-o” luk yak tij-o.

YESAYA 30:18

Iri kwarugub-et nde, Nagawan Indo-ge kit kunpud kudtak tarem iri na towarak worasu-o. Nagawan Indo, Mbal Pem Nagawan iri-ge mondok ndak ndak nak kwaroso me, kit kenabuwa yurak iri-ge ar-e mondok lud tak puruk worasu-o. At ebem inndi mbung mbung tak worali nab-e enalen kagolat wolmag-o. 30:19-33 ayat yeba arem-e Mbal Pem Nagawan-nen at ilirak yane witli ereba na konak tak unpurak wene urul yak indidnak wene min Asiut nap enpem nggin yurak wene min mbarak worasu-o.

YUNUS 3:10

Iri kwarogola, Mbal Pem Nagawan-nen-e it-nen kwatli iri na-ge kagaij-o. At-nen yik kasolar-e, it-nen meya kwarugwi enpage iri na-ge keya bidnak irit kagaij-o. Karug-e, at-nen-e lak tak unpurak indi yemnak pid iri na luruk tak posolar-e, lak tak unpurak yid iri na-ge larok yij-o.

MATIUS 12:41

Niniwe woragwi nab-e Yunus-nen yidnak wene kuluruk, it meya yidnak keya buruk kondok yidnak me, ap pidsa enpem wene mbaruwa tarem-nen-e Niniwe nap-nen yawo worali nap kinmin men yogolar-e, kit kenpem wene mbaruwa-o. Nde, ndemerer-o. Yunus iri-ge nggulog-et nde, ap misig-e mondok terak minik nggulog-e yu me worasu-o.

LUKAS 11:30

Nde, Yunus na-ge Niniwe nap-nen yenggerak purak mende kwat yid iri nggal-et Ap Ambara an-e yawo worali nap yu-nen yenggerak purak mende kwat yimin-o.

LUKAS 11:32

Ap pidsa enpem wene mbaruwa tarem-nen-e o Niniwe nap na yawo worali nap kinmin men yogolar-e, kinmbiri paruwa-o. It iri-nen-e Yunus-nen yidnak wene kulurug-e, it meya yidnak keya buruk, kondok yiga-o. Alat nde, yu me-ge Yunus nggal-e lag-o. Are, nggok terak minik misik yawo worasu-o” luk yij-o.

TUGURUK YIDNAK WENE 18:22

Iri ala-ge, ap misik-nen ’Nagawan Indo unu bem wene yusu-o’ luk yuwa-t nde, at-nen ’Iri nggal kwat ma-o’ luk yuwa iri na nde kwat yigit lak ala-ge, at-nen urul puwa iri na-ge Nagawan Indo-nen yidnag-e mondok lag-o. At-nen yuwa ereba-ge at ondomok unu bem yuwa-o. Iri ala, kir-e at aye yurak pug-o” luk yak indij-o. 19:1-14 Ayat ereba arem-e Musa-nen-e o Kanaan iri me ap inmiri worak wolmom o siri erep lunurak wene yij-o. Nde, o siri ereba me-ge ap-nen indi peragit lak ma ap undurug-e, ereba me nggosoma-ge, ap-nen wuruwa nap iri na emep onggo at wururag-e meya-o.