YUNUS 2:9 - Nanduk Ngget Tul Pidnak Wene

⁹ Alat nde, an-e ndawi bem kerembel wanosolat, kat kamanggim wam wosa posolat kwarimin-o. An-nen ’Irit kwarimin-o’ luk urul pigi-ge mondok kwarimin-er-o. Nde, kar-e inmiri yoso Nagawan Indo-nen yusu-o” luk yij-o.

YUNUS 2:9 Iomraidhean Croise

2 SEMUEL 15:7

Iri kwarosolat olengen empat worarug-e, Apsalom-nen Nagawan Ndaut yak tosolar-e: ”An-e an-nen Nagawan Indo yak tosolar-e: ’Irit kwarimin-o’ luk urul pigi ereba na ndak ndag-et kwareyek-nen Eboron mbururag-e nunggwirig-o?

NDAWI ENGGA 107:22

It-nen at wiwa-o yak togolar-e, at amanggim pugwi mende pogolat, at-nen kwat onposo-ge enalen kagolat-nen yugwi ndawi bem wigarurag-e ndak-net yusu-o.

NDAWI ENGGA 27:1

Nagawan Indo iri-ge an neyaya min an nimiri yoso min-nen yusu-o. An-e ap kwiye kamin pug-o. Nagawan Indo iri-ge an kurak yoso nondoro pak-nen yusu-o. An-e mondok kwiye kamin pug-o.

NDAWI ENGGA 95:2

”Wiwa-o” yak togolat yugwi ndawi bem-et at eram mburuwog-o. At erembel wanogolat nenalen pem-et ndawi yuwog-o.

YESAYA 45:17

Alat nde, Nagawan Indo-nen-e Isarael nab-e inmiri yuwa-o. Nde, at-nen inmiri yidnak iri-ge mondok pem inmiri mbarak irit wolma-o. Pem irit woragolat nagolat nggweyel na kinpigit lak, kinnggiri na wirigit lak irit woragub-o’ luk yak kunduwa-o” luk yij-o.

OSEA 14:2

Isarael nap wa-e. Kir-e tuguruk Nagawan Indo Kenmbal Pem Nagawan eram lobok yer-o. Kir-e meya kwatli ereba-nen ndowaga mboroksa mbud yili-o.

YOANES 4:22

Kit Samaria nap-nen-e kenaru buk mende-t nde, erembel wanugwi-o. Nde, ap inmiri elem-e Yawuri nap enpem-nen lobok yoso me, nit Yawuri nap-nen-e nenaru nap iri na-t erembel wanugwi-o.

YIDNAK YIDNAK WENE 4:12

Nin nap mbi unu bem ninmiri yaga wok undurag-e meya-o. Nggweyak ma yu me, o kuri ap kuri-nen nit ninmiri yaga wok nundurak Unu-ge ap-nen unu yaridnak nin mbi-ge lag-o” yuruk yij-o.

OROMA 12:1

Iri bem-e, nowe nowosi wa-e. Mbal Pem Nagawan-nen nit nunpud kwarat kaso bem an-e kit kenmengen mbarusu-o. Wam wosa Mbal Pem Nagawan amanggim pugwi nggal, kit kenpe kunlug-et ebis-et kegera Mbal Pem Nagawan wok turag-o. Iri kwarogolar-e, kit kenpe-ge marak me, at alen tak ubugub-o. Mot mor-et Mbal Pem Nagawan erembel wanugwi-ge irir-o.

IBERANI 13:15

Iri bem-e Mbal Pem Nagawan amanggim wam wosa pidnak nggal pogolar-e, Yesus ebem-nen nir-e pempa Mbal Pem Nagawan erembel wanogolat wolmog-o. Nde, at amanggim pogolar-e, nit nenemnde nggwe-nen at unu luk, at unu pempa kek tak pogolat wolmog-o.

NAM PARA WENE 7:10

It enne ngguloksa yogolar-e: ”Nit ninmiri yoso elem-e nit Nenmbal Pem Nagawan koreyak woraso ondoro ebem koreyak worasu iri min Lomba Wam Marik min endam nak-nen lobok yoso-o!” luk yiga-o.

1 SEMUEL 12:21

Kugwiwak mondok ebe lak, urugup na lak me, yongga kondosolat, kinmiri yosolat na kwaroso buk ereba langgal luk mondok mbururak pug-o.